منال الكتبي

السلام عليكم ورحمة الله وبركاته ...

أنا خلصت 73 ساعة . ونزلت حق السمسار هذا 6 مواد وهي كالاتي :
1- أحكام الإثبات
2-القانون البحري والجوي
3-اجراات جزائية 1
4-النظام القانوني للأسواق المالية
5-اصول الفقه
6- مدني 4

لو سمحتو أبا رايكم ونصايحكم لي فالجدول والمساقات اللي نزلتها . ولاتبخلون عليه بالنصيحة

ومشكورين وجزاكم الله خير

المحامي العام الأول

يا اختي كل هذه المواد دسمة للغاية 5 مساقات قانوية ومساق فقهي انا رايي تقللين مساقات القانونية بعض الشيئ وتحطين مكانهم اختياري جامعة . او مساق حر .. والله يوفقج

مـــحامي متدرب ....

والله المستعان !!

منال الكتبي

المشكلة أني خلصت المتطلبات .
وغير جذيه أنا ماشيه علي خطة دراسيه عشان اخلص السنة اليايه بتكون اخر سنه علي الخطة اللي أنا مرتبتنها وسالت عن هذي المواد بشكل عام قالولي زينه بس يبالها مذاكرة اول باول .

بنوته قانونيه

انا بقول لج فديتج بما اني خلصت جميع هالمساقات

- أحكام الإثبات <<<<<<< هالمساق دسم شوي ويباله الصراحه يعني ويعتمد عليج وعلى الدكتور
2-القانون البحري والجوي <<<<<<<< هالمساق عطاني دكتور ف صعبه وهالكورس تعطي دكتوره ومسهله امورهم يعني يعتمد ع الدكتور
3-اجراات جزائية 1 <<<<<<< وايد حلو وخفيف
4-النظام القانوني للأسواق المالية <<<<هالمساااق اسخف من السخافه ههههههه عطتني دكتوره وايد سهل بما انه اختياري يعني ف جامعتنا
5-اصول الفقه <<<<<<<< الصراحه يباله بس بتحسين بمتعه وانتي تدرسينه
6- مدني 4 <<<< وايد حلووو احلى من مدني 3


بس الغاليه صح كلام المحامي موادج فيهم صعوبه يعني لو نوعتي بين الاختياري والاجباري لان احكام مع البحري ومع الفقه صدقيني بتتعبين لكن ذاكري اول باول وصدقيني بتفتكين منهم .. وانا من دخلت الجامعه اخذ 6 مساقات ماعليج الامور طيبه لو نسقتي الوقت

الله يوفقج يا رب

|| .. علمـت ~ ان رزقــي .. لايذهب لغيـريفاطمـأن قلبـي .

|| .. وعـلمت ~ ان عـمـلي لايقوم .. به غـيري فاشتـغلت بـهوحــدي ..

منال الكتبي

للتصحيح : بالغلط كتبت اجراات جزائية ١ يعني مب منزلتنه / منزله تجاري ٣
شو رايكم في تجاري ٣ ؟؟

منال الكتبي

وينكم .... حد يشور عليه منكم يا اهل القانون ...

ياسيه

اختى اذا انتى مخلصه المتطلبات العامه..وما تشتغلين توكلي على الله ونزلى المواد
بس نصحيه ذكرى اول باول احسن لج..عشان تسهل عليج المواد..بالتوفيج وان شاء الله اخر الكورس تبشرينى انج حصلتى على الامتياز فيهن كلهن..

طالبة قانونية

اختي منال
تجاري 3 يحتاج دراسة اول باول
الاثبات مادة خفيفة بيها مواضيع صعبة بس قليلة و هالمادة حلوة كثير
بحري و جوي حلو لا سهل ولا صعب نص و نص
مدني 4 سهل
اصول شوية صعب
الاسواق المالية اسفة مادرستها

انا راي توكلي على الله ولا تخافين و لو انتي شاطرة و تدرسين اول باول سجلي هالمواد و الله يوفقج
طمنينا بعد ما تسجلين

اللهم امنحني رضا الوالدين فبدون رضاهم تضيع حياتي

منال الكتبي

مرحباااااا جميعا

اول شي مشكورين علي ردودكم الطيبه . وحبيت اقولكم حذفت البحري والجوي ونزلت بداله جزايي ١ وقلت بتوكل علي الله والله يسهل علينا الدراسة ويوفقنا يا رب .  ومشكورين مره ثانيه ما قصرتو يالطيبين

قانونية وافتخر

جدولج بعد التضبيط تمام ,, بالتوفيق أختي

،