حقوقنا مهضومة

السلام عليكم ورحمة الله وبركاته

اذا في مجال تساعدوني وتنصحوني بهالموضوع لانه صدق مسولي ازمة
المهم انا مطلقة وعندي ولد عمرة سنه الحمدالله بس يعني بعدي توة الطلاق يديد يعني مادخلنا بسالفة الحضانة وهالخرابيط

المهم طليقي يبا نتفاهم على شوفة الولد ويقولي خل نحلها ودي عسب مايضيع الولد بينا
وانا موكلة محامي وكلمته قالي خل يرفع قضية بس انا ما اقتعت لانه بالنهاية هذا ولدي وكلام ابوة فيه شي من الصحة
بس انا الحين ابا تشورون عليه هل اتفاهم معاه والا لا؟ ادري اغلبكم بتقولون الصلح زين عشان الولد بس انا مشكلتي الريال بروحة يعني بكلمة الحين وبنتفاهم بيروح عند اهله بيغير وبيجلب عليه السالفة فانا اخاف اتفاهم معاه اخسر اشياء انا كان بامكاني اخذها بالمحاكم بكل سهولة
بس تخبروني اذا تفاهمت معاه او رحت للمحاكم شو بخسر وشو بستفيد؟
واسمحولي

لحن_المفارق

اذا هو بنفسه الريال ياي يبا يتفاهم بخصوص شوفه الولد ..عادي اتفقي معاه على ايام معينه في الاسبوع يشوف يها ولده ما فيها اي مشكله ..... دام هو يعرض هالشي و انتي ما عندج مانع اتوكلي على الله و بلاها هالخساير تخسرين و قتج و فلوسج ..... انتي بهالحاله بترتاحين و بتريحين .....

المحامي عبدالرحمن الشرهان

أنا أنصحج لو ما تبغين تكبرين الموضوع وايد ويوصل لقضية وانتو متفاهمين على شوفة الولد، توجهوا للجنة التوجيه الأسري في المحكمة ووثقوا الاتفاق على الحضانة والنفقة في محرر موثق من المحكمة عشان في المستقبل لو صار خلاف على الحضانة أو النفقة يكون عندج محرر رسمي تقدرين التنفيذ بناء عليه بدون رفع أي قضية
بس أهم شي الاتفاق يكون يسمح للولد بعيش حياة كريمة بدون اللجوء للآخرين ووالده على قيد الحياة

محمد ابراهيم البادي

مقدمه رائعة من الشرهان استاذة
من وجهة نظري الشخصية لاني عشت التجربة شخصيا
خلي الامور بينكم بالتفاهم ومكتوب ومصدق من المحكمة الشرعية
يعني الحضانة عندج والرؤية ايام وساعات معينة
النفقة ومقدارها
واتوقع ان الاستاذ عبدالرحمن الشرهان بيبادر بكتابة الاتفاقية
ولا شو الراي بو عوف

المحامي عبدالرحمن الشرهان

تسلم استاذنا العزيز على الاطراء
أنا على استعداد تام للخدمة في أي وقت

خليفه المنصوري

مثل ماتفضل الاستاذ الشرهان يمكنج التوجه الى لجنة التوجيه الاسري وتوثيق الاتفاق ويكون محرر رسمي بالنفقة والرؤية وغيرها من الشروط وكلها بالتفاهم وبالطيب

مارتن لوثر كنج :