يقولكم واحد قال ..:رحمتك يارب ... " خل لنا البنات " < والسبب!؟

07-23-2010, 12:31 AM

عقد القانون

مشرفة قسم المواضيع العامة والاخبار المحلية

تاريخ التسجيل: Nov 2009

الدولة: .¸UAE¸.

المشاركات: 4,913

يقولكم واحد قال ..:رحمتك يارب ... " خل لنا البنات " < والسبب!؟

مــــــــــــــــــــــــــــــــــــــــرحب..
.
.
ليش مات الحب بقلوب البنات ؟!
ليش ذاب الصدق بقلوب الرجال ؟!

ليش انا قبل الزواج كنت اناديها " الغلا "
وكنت اناديها " الغرام "
و " بعد أُمي وابوي "
و " ضحكتي ... وابتساماتي ... وبلسم جرحي المفتوح وجروحي "

وعقب ما ربي جمعنا ...~
واجتمعنا
وصرنا أُسرة
وصرت انا واياها جميع
نصحى وننام
ونشرب بكاس الغرام
ويوم اناديها تجيني ما تأخر
وتقول " ســم ...! "
و " لبي قلبك يا بعد قلبي انا "

صرت اناديها عقب ذاك الغلا
" هيه... وينك يامره ...؟!"

ليش انا قبل الزواج كنت اكلمها
واسولف
واقضى ساعات وزمان
واحتريها
وحتى لو تأخرت ... او اخلفت ميعادها
ما ازعل عليها

لاآآآآ

ولا حتى اعاتبها شوي
وكنت اشوف عيوبها بعيني جمال
ونقصها بعيوني هو معنى الكمال

ويوم صرنا مع بعضنا
لو حكت لي كلمتين
او سولفت ... او مازحتني وضحكت
قلت : كافي ... بس ... ما ابي قلة ادب
" واعتقد يكفي كلام وبربرة ...!! "

يااااااااااااااااااااااهـ !!
بعد ماكان الحكي بشفاهها ينقط عسل
صار بتاليها حكي...؟!
لآآآ
وليته حكي ...
صار اسمه " بربرة ... أو ثرثرة ...!! "

ليش اراضيها منوّل يوم تزعل
وما آتحمل بس لو لحظة زعل
وكنت ادللها
واموت بضحكها
واقول " آسف يا غلاي "
واكتب [ اجمل بيت شعر ] لعينها لين ترضى

وعقب ما ربي جمعنا

من تزاعلني اقول لها
" في بليس ... طقي راسك بالجدار أنتي حي الله بقرة ...!! "

وربي احنا صدق [[ مرضى عشق ]]
واشواق
ومشاعر
وعشقنا من دحدرة في دحدرة
ماعرفنا وش معنى البنت ~
ولا عرفنا قدرها
ولا وفاها بصدرها
وما حكينا عن غلاها
ولا صفاها
ولا هواها
ولا دفاها

بس نتكلم على
ثرثرتها
وبربرتها
وحكيها السامج

ما نخاف الله يعاقبنا وهي
عطر دنيانا وهوانا ~
بدونها تظلم سمانا ... بدرنا في خدها ~
وصبحنا في قدها ~
وشمسنا بكفوفها ~
وربي وردة ... يا سعد من شمها ~
وغيمةٍ تمطر حنان ... والحلا في دمها ~
وشكل بسمتها جنان ... والكرز في فمها ~
وبن عمتها المطر ... وغيمة الشوق أُمها ~
و ولد خالتها الربيع ... والزهر هو عمها ~
وخصرها دنيا لحاله ... حظ صدرٍ ضمها ~
وريقها نكهة عسل ... والعطر في كمها ~

وشهي الدنيا اذا مابه بنات ...؟!

صحراء مافيها ربيع !
وعيون كاسيها الوجل !
و وجيه ما فيها امان !
وطفل يبكي !
وشيخ يشكي !
ودنيا مافيها رفيق !
وصحبة ما فيها وفاء !
وقلوب ما فيها حنان !
وما احدٍ يرحم احد !

برحمتك يارب ... " خل لنا البنات "
بضحكهم
وهبالهم
وخبالهم
ودموعهم
وشموعهم
ويا حلو تدليعهم
ويا حلو تدليلهم

رحمتك يارب ... " خل لنا البنات"

ممــآآ رآآق لي وحبيت إنكم تلقون نظرة عليه ^^

ليست الحقيقة هي ما يؤلمنا, إدراكها متأخراً هو ما يجعلها موجعاً إلى هذا الحد ...

07-23-2010, 01:44 AM

عبق الحياة

مشرفة منتدى المعاهدات والاتفاقيات الدولية

تاريخ التسجيل: Dec 2009

الدولة: uae

المشاركات: 552

صح لسان كاتبها

شكرا ع النقل الموفق

عزيزه ــــنفــــــس و عزتي اقوى من الجلمود

و ماني اذا ـــشــــفــــت المستقوي اخــــاف

07-23-2010, 02:12 AM

دبلومآسية

مشرفة منتدى طلبة القانون

تاريخ التسجيل: Nov 2009

المشاركات: 2,388

احـــم احــم مـنو قدنا

بصـرآحه الـموضوع حـبتين

آشكر فنج خيتي مثل العسل ع آختيارج للموضوع

07-23-2010, 05:06 PM

law student

عضو مشارك

تاريخ التسجيل: Mar 2010

الدولة: uae

المشاركات: 1,615

مب جنكم طايحين بالرجال أقول ترى العكس أحياناً صحيح يعني 50% =50%

07-24-2010, 01:42 AM

عقد القانون

مشرفة قسم المواضيع العامة والاخبار المحلية

تاريخ التسجيل: Nov 2009

الدولة: .¸UAE¸.

المشاركات: 4,913

يعطيكم العافيه لكل من مر هنيه وشاركنا ^^

ليست الحقيقة هي ما يؤلمنا, إدراكها متأخراً هو ما يجعلها موجعاً إلى هذا الحد ...

07-24-2010, 07:00 PM

محمد ابراهيم البادي

نائب المدير العام

تاريخ التسجيل: Oct 2009

الدولة: دولة الامارات العربية المتحدة ـ دبي

المشاركات: 15,606

ممكن الكلام صحيح يكون ، لان ما في تبادل للمشاعر الصادقة بداية ، و الاهم ان كل شخص منهم ما ابرز شخصيته الحقيقية للطرف الثاني

بناء الإنسان هو الهدف الأسمى الذي نبذل كل جهد من أجل تحقيقه

سيدي صاحب السمو الشيخ

خليفه بن زايد ال نهيان

رئيس دولة الامارات العربية المتحدة

حفظه الله ورعاه

07-24-2010, 07:57 PM

وكيلة النيابة

عضو مشارك

تاريخ التسجيل: Nov 2009

المشاركات: 226

احم ,, احم ,, عجبني الموضوووع اختي مثل العسل ,,
وهذا ليس بغريب عليك ..
جزاك الله الف خير ..
وتقبلي مروووري خيتوو ..

07-24-2010, 10:00 PM

عقد القانون

مشرفة قسم المواضيع العامة والاخبار المحلية

تاريخ التسجيل: Nov 2009

الدولة: .¸UAE¸.

المشاركات: 4,913

محمد إبراهيم البادي ..

وكيلة النيابة ..

ألف شكر لمرورك الراقي والجميل ..

أسعدني تواجدكم..

ليست الحقيقة هي ما يؤلمنا, إدراكها متأخراً هو ما يجعلها موجعاً إلى هذا الحد ...

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعة