yara_tm

السلام عليكم بغيت استفسر عن موضوع شخص كان في شغل بيني وبينه أخذ سيارة مني واختربت ووداها الجراج وأعطيته سيارة ثانية عشان يخلص الشغل بس راح وأخذ السيارة وما رجعها حاولت اتصل عليه واخلص الموضوع وياه انه يرجع السيارات و ما رضي بالنهاية سيرت الشرطة عشان أعمم عالسيارات بس الشرطة قالت هذي قضية نصب واحتيال فتحت البلاغ علي أساس نصب واحتيال لانه التعميم عالسيارات مايُكون الا لشركات تأجير السيارات وعدي علي البلاغ تقريبا خمس شهور ولا حس ولا خبر. أمس ياني اتصال من الشخص اللي أخذ السيارات قلي انه بيرد السيارات بس أسير أتنازل عن البلاغ لانه كان عنده ظروف واعتذر عن اللي صار سيرت الشرطة عشان أتنازل عن البلاغ وهو بيوصل السيارات لين مركز الشرطة المشكلة الشرطة رفضت أني أتنازل عن البلاغ مع ان المحضر بعده عندهم و ما أتحول للنيابة الا لازم أسير لوكيل النيابة وحتي اذا سيرت واتنازلت يبكون التنازل بس عن الحق الشخصي وفي لِسَّه الحق العام وبها الحالة الموضوع مابينحل لان الشخص معمم عليه بعد يعني برفع التعميم عن السيارات بس اللحين كيف يبكون الوضع بالنسبة لي يعني ما اقدر اخلص الموضوع بالتصالح واتنازل عن الحق العام والشخصي والشخص اللي أخذ السيارات هل بينحكم عليه او ينسجن يعني ابغي حل اخلص الموضوع بالتصالح وأخذ سياراتي والشخص ما يصير عليه شي يعني لا ينحكم عليه وينسجن. خبروني كيف اتصرف بهالموضوع وشو ممكن أسوي وهل لازم الموضوع يتحول للنيابة والمحكمة وإذا أتحول للنيابة او المحكمة شو يبكون الإجراءات وشو الحكم