Legal advisor

السلام عليكم ، شحالكم اخواني و خواتي .

حبيت مشورتكم و مساعدتكم لي من باب خبرتكم القانونية الواسعه .

ان شاءالله بإذن الله بتخرج من كلية القانون في جامعة الامارات على بداية شهر فبراير ، و حابة اني اتوظف في المجال القانوني بعد التخرج فوراً عسب اكتسب خبرة اتفيدني فمجال دراستي لاحقاً يوم بكمل الماستر او آخذ ليسن المحاماة .

اتمنى اتفيدوني بالاماكن اللي اقدر اتوظف فيها بسرعه بعد التخرج لو قدمت من الحين و إذا تعرفون اماكن يريدون خريجون قانون بلغوني بأماكنهم بتواصل معاهم على الاقل لو اقدر اوقع عقد التوظيف من الحين على ان اباشر العمل فشهر فبراير .

اتمنى مساعدتكم

tHe council

الله يوفقج اختي
انا اشوف انج تشدين حيلج لين التخرج ماتفكرين في التوظيف حالياً
خاصة انه الشهادة (بغض النظر عنا لخبرة) امر متطلب للتقدم للوظيفة واحياناً يتم استبعاد الطلبات غير المستوفية الشروط وبالاخص الشهادة

نصيحتي لج وعن واقع تجربة وانا خريج جامعة الامارات
دوري مكتب محاماة معروف وتدربي فيه ولو بعمل اداري من دون اجر
بمعنى آخر
يمعي لج اشهر خبرة ايلين تبدا دورة المحاماة ومايمنع تستمرين في نفس المكتب

كثري من الاستغفار اختي ترا فيه الخير لا الشهادة تنفع ولا الخبرة لكن اللي ينفع توفيق رب العالمين

موفقة خير ان شاء الله وهالله هالله في المعدل

اللهم علمني ماينفعني

وانفعني بما علمتني

وزدني علما