مســــــــــــــــىء الخ ـــــــير
عساج ع القوة ، إن شاء الله بإذن الله يااااااارب تناااالين النسبة اللي تطمحيييين له وتصييييير محامية أد الدنيأأأأأأ
شوفي حبيبتي آنا أكوووو محامية إستشرتهآ وكااااان ردهآ بذكر سلبيآت و إيجابيآت دراست القانون ومهنة المحاماة يعطيهآ العافية المحامية نوال البادي ما قصرت ، استفدت وايد وأكيد راح تستفيدين .
المميزات
1-مهنة حلوة وكل يوم فيها شي جديد ، يعني ما فيها روتين ، وكل مرة تكون في محكمة وتقابل ناس جدد وتشوف قضايا جديدة
2-اذا كنت صاحب مكتب ، فأنت حر نفسك ما في حد يحكمك
3-مهنة متشعبه وتدخل في كل المجالات ، ومن خلالها تزيد ثقافتك
يعني مثلا اذا جتك قضية حادث مروري وفيها اصابات ، فأنت ملزم بالبحث والقراءة في قانون السير والمرور ، والاطلاع على تقرير الحادث ، وتقارير المستشفى
واذا كانت القضية خطأ طبي ، هالشي بيخليك تبحث وادور عن أصول مهنة الطب وواجبات والتزامات الطبيب تجاه المريض ، وقانون المسئولية الطبية
-واذا كانت القضية بين شخص وشركة مقاولات ، بتكون ملزم بالاطلاع على عقد المقاولة الموقع بين الطرفين وتقرأ عن هندسة المباني وعن عقود المقاولات
-وقضايا البنوك مثلا تتعلم منها كيفية حسابات القروض والفوائد
4-دراسة القانون تتيح لك فرصة العمل في أي مجال تحبة ، يعني في الوزارات او الدوائر الحكومية او السلك القضائي او المحاماة
5-من خلال المهنة بتزيد علاقاتك بالناس
**مساوئ المهنة
1-اول شي وأهم شي أنا اعتبره واللي قاعدين نعاني منه أنه ما عندنا نظام التقاعد (التأمينات الاجتماعية) خاصة أصحاب المكاتب ،،، يعني صاحب المكتب اذا وصل لسن معين ومش قادر يشتغل أكثر وحب انه يقعد في البيت ما بيكون عنده معاش تقاعدي ، الا اذا كان عنده مصدر دخل ثاني ، مثل العقارات مثلا
-مع انه في محامين كانوا يشتغلون في وظايف وبعد التقاعد فتحوا مكاتب محاماة ، يعني عندهم معاش التقاعد بالاضافة للي يحصله من المكتب
اما اللي بدأ حياته بالمحاماه (مثل حالتي) ما عنده معاش تقاعد
2-ممنوع على المحامي الجمع بين المحاماة وأي مهنة أخرى ، كما يمنع عليه ممارسة أي نشاط تجاري او فتح اي رخصة تجارية
3-أحيانا بعض القضايا تتعبك نفسيا ،، أنا عن نفسي تتعبني قضايا الاحوال الشخصية اللي فيها طلاق ومشاكل على حضانة الاولاد ونفقتهم
4-بعض الموكلين يتعبونك في قضاياهم وخاصة اللي مو فاهم القانون ، ويأذونك باتصالاتهم حتى في اوقات راحتك ، وبس تنتهي قضيتهم ينسونك حتى الاتعاب ما يعطونك الا بطلعة الروح ((وهذا الشي وااايد نعاني منه)))
5-كثرة التنقل ،،، يعني اذا المكان في اكثر من محكمة بتتعب وانت تنتقل بين المحاكم خاصة اذا كان عندك قضايا في كل هذه المحاكم وفي نفس اليوم
بضرب لك مثال / محامين الفجيرة ،، محكمة المرور بصوب والمحكمة الابتدائية المدنية في صوب ، ومحكمة الجوازات بصوب ،، غير محكمة كلباء وخورفكان ودبا الفجيرة ودبا الحصن
-واذا عندك قضية جزائية لازم اتابعها في الشرطة وبعدين في النيابة لين تتحول المحكمة
اما اللي يشتغلون في دبي مرتاحين لانه عندهم مجمع محاكم ونيابات كلهم مع بعض يعني الواحد يخلص شغله وهو مرتاح
6-ومن مساوئ المهنة انك اذا اشتغلت في نفس المنطقة اللي عايش وتربيت فيها ، ولك فيها أهل وقرايب ، طبعا اذا ياك واحد من قرايبك وعنده قضية بتستحي تقوله أبي اتعاب منك ، وهني تصير المجاملات على حساب الشغل
هذا كل اللي أقدر أقوله لك وانت قارن واختار
اما عن دراسة القانون تراها حلوة ومثل ما قلت لك تقدر تشتغل في اي وظيفه حكومية لانه في كل دائرة حكومية او محلية عندهم قسم الشئون القانونية ويحتاجون القانونيين
أنا عن نفسي أقدر التحق بأي وظيفة - وعلى الخبرة اللي عندي والدورات بحصل وظيفة حلوة وبراتب حلو ،، بس أنا احب المحاماة وأحب ششغلي رغم التعب النفسي اللي أشوفه ،، ومب هاين علي أترك مكتبي وقضاياي
بس ان شاء الله يطبقون لنا نظام التقاعد بنرتاح
السموحة على الاطالة بس حبيت أوضح لك كل شي
والله يوفقك ان شاء الله
12-19-2011, 12:11 PM
شكرا مرة ثانية
ان شاء الله لين ما اتخرج يطور المحاكم شرآت دبي قولو آميين .. 
تعليمات المشاركة
العرض العادي
