ام_محمد2011

السلام عليكم ماعرفت الجا لمنو*

*

ساعدوني**
خ
*

ماديتي ماتسمح ماعرف وين اروح*

*

مكشلتي اكبر من اني اقدر استوعبها

*

السلام عليكم ورحمة الله وبركاته

ارجوكم النظر لحالتي ... بدقه اشرح موقفي و لو فيه اي حل

*

انا مواطنه اماراتية من راس الخيمه متزوجة من 6 سنوات من غير مواطن ( يحمل الجنسية الايرانيه ووالدته كويتيه )

-*********مذهبي سني* و مذهبه شيعي

-*********- المشكله الاساسية ( العقد تم في الكويت ) وتم تصديقه من العدل و من الخارجيه الاماراتية و السفاره

وصلت حالتي الى الطلاق و النزاع على الحضانه ..

طول ال 6 سنوات تحملت خيانه زوجي

طرده لي من البيت و انا بالكويت و بالغربه ماعندي حد

تهديده لي باخذ اطفالي مني ...

لجؤي اكثر من مره الى الفندق في الكويت عشان احمي نفسي منه و احمي عيالي لانه دايما يكرر جمله انحرهم ولا تاخذينهم

وقفت معاه و ساعدته طول ها السنين حتى ظليت على الحديده ( لانه كان صاحب سجل خيانه امانه و ديون و كثير من القضايا ( اللي تحملت انا جزء كبير منها في اني ادفعله ديونه وكنت اسامحه المره تلو الاخرى و ترجع المشاكل هيه هيه

تطورت انه يسبني يهيني يتفل علي جدام اهله و الخدم

اهله كلهم يعرفون بمواقفي معاه و هواشاته معاي و كان يتراجع كل مره و يبدي رغبته بالتغيير و كنت اسامحه

تحملت ظروفه و السكن بغرفه وخده بشقه اهله و الكل معانا و تحملوا اطفالي و اهو ما عنده عمل ثابت ولا دحل ثابت بنتي الكبيره عانت من ها الظروف و انحرمت من العلاج لانه عندها تاخر نطق

وللحين اعاني معاها ...ياخذ وظايف مختلفه يدخل منها ب*500 درهم الى 1000 درهم طبعا مصروفي اقل بوايد*و بعد كنت

اقول ماعليه بتتغير الظروف

الى ان قررنه انه ننقل الامارات لافضل لمستقبل الاطفال خاصهه بعد مرسوم انه ابناء المواطنات يستطعيون التقدم بطلب للجنسية وحسب الشروط يمنحون او لا قرار اخذ منه سنتين ونفذناه من فتره بسيطه طبعا اناييت قبله الامارات و بموافقته و طول ها الفتره مصروفي مصروف عيالي من ابوي كنت ما اطلب اكثر من طاقته

كان يدز الف بين كل شهرين و انا عندي 3 عيال و بعد ما كنت اقول شي و بس كانت يدوب تكفي الحليب و الحفاظ

كان عنده منع سفر و لمن خلص الاجرؤات وصل الامارات و بدت المعاناه الثانيه ما ابدى اي رغبه بالبحث عن الشغل و انجبرت كالعاده اني انا اللي اصرف و اسحب و استلف اجرنه بيت و الاثاث كله مساعده من اهلي و من فلوس الاسهم التي سحبتها حطيت اخر ما املك

ها لفتره خلال الشهر صارت هواشات مشادات تهديدات سب و تهجم على بيت ابوي ومحاولته ينتزع ولدي مني وسوالي فضيحة

بعد ماخلاني ادفع ايجار سيارته و اثث البيت سافر قال اسبوعين بيروح الكويت بيرجع و الحين من سافر رجع لنظام التهديد و التطاول من خلال مسجاته لابوي و امي و ايميلاته كلها تهديد بتهديد

بخطف عيالي اللجوء للسفاره الخ

ختى هدد انه ياخذ بنتي من بعد ما دحلتها روضه اخير و اهي متاخره و اوديها مركز علاج نطق هدد يروح ياخذها من الروضه من غير علمي

ساندته بكل ما املك و كان موافق على كل كل شي حتى العيشه ااهنيه و راح معاي جوازات راس الخيمه عشان الاقامة و طلعت تصريح يقدر فيه يطق اقامة علي لذلك سافر

انا للحين عيالي اقامتهم مو علي و اهو متعسف معاي بكل الاجراءات اخرتها اني طلبت منه صوره جوازه عشان افتح ملف بالمستشفى لاني حامل رفض

*

و اخر رساله تهديد طرشها كتب فيها انه

لو مدام وصلت للخراب انا باجر ياي وبنشوف هالمره منو يكسر راس الثاني بس الحين عرفت مافي ريال يوقفج حتى ابوج طلع مو ريال بس اقسم بايات الله راح اخذ عيالي وجدام عينج سمعتي جدام عينج*

*

وخلي نصايح امج وابوج ينفعونج


Eng.Ayoub Mustafa

غلط على ابوي من غير مسجاته لامي

فيه امور كثيره ابي اعرف وضعي ووضع عيالي القانوني بالامارات

1-****هل اقدر ارفع قضيه طلاق للضرر او الخلع في محاكم الامارات؟

2-****هل العقد الكويتي يلغي كل حقوقي في الامارات و يعطيه الحق ياخذ عيالي؟ مافي طريقه احفظ فيها خقوقي و خقوق عيالي من غير سفري الامارات

3-****هل استطيع اني امنع انه يجبرني اعيش بالكويت مطلقه ببلد ما عندي احد فيه لانه العقد كويتي؟

4-****توه طرشلي ايميل كتبلي

5-******ماده 152*

6-******يسقط حق الحاضن ( الي هو انتي ) في الحضانه اذا استوطن الحاضن ( الي هو انتي ) بلدا يعسر معه على ولي المحضون ( الي هو انا ) القيام بواجباته*

7-*******

8-*******

9-******يعني بالنهايه بترجعين الكويت بامر من المحكمه*

10-***1- مستوطنه بلد ما اقدر اعيش فيها

11-* *كو2- العقد كويتي*

12-****

13-***يعني الفيلم ان عشان جنسيه انسيه مو مشكله على الاقل يكونون عيالي بنفس ديرتي*

14-****

15-***تبينها معركه و الضحيه اليهال قتلج انا حاضر*

16-****

17-****

18-****

19-****

20-****

21-***مادت 154*

22-***ينفذ الحكم جبرا اذا امتنع عن التنفيذ من عنده المحضون*

انا شنو موقفي متضرره منه حتى اهلي تضرروا منه شنو اسوي انصحوني و

كيف احفظ حقي و حق عياالي بالمعيشه اهنيه و ضرري و ضرر عيالي من العيش معاه خارج دولتي* و اهو لا عمل لا وظيفه لا سكن لا امان لا معامله لا صرف

اهو مو اهل انه يربيهم و اهله من النوع اللي ما يستحمل عياله و امه كم مره طردتنه بكلامها و انها مو مستحملتنه بشقتها

ابي اعرف شلون ارجع حقوقي حتى لو تنالت عنهم المهم عيالي عندي و انا قدمت وظايف كل مكان عشان اعيش و اعيش عيالي ساعدوني \

فرجوا كربتي ربي يفرجها عليكم

*

انا مواطنه ما اابي اتبهدل ساعدوني مستعده اشتغل على كبر عمري 34 لكن مابي اخسرر عيالي ولا ابي انذل و انجر محاكم في الكويت و انحرم من العيشه ببلادي*

*

ام_محمد2011

من ساعه اخذ بنتي الاصح اقول خطفها من جدام البيت
بيت ابوي الحين طار فيها دبي
يقول رايح السفاره ويهدد الخ
مشكلتي لمن كان يتعرض لي بالضرب و السب بالكويت ما كنت اروح اسجل لانه اهله كانواىيقنعوني بالتراجع

ام_محمد2011

مع انه جوازها عندي مو عنده
هل يعتبر خطف ؟
عشان ارفع طلاق الضرر لازم مستندات طبية؟ اهو كان يقفل علي باب الشقه بعد كل هوشة عشان ما اطلع .ماعندي محضر باي سي
اقدر اطلب طلاق الضرر بمحاكم الامارات و عقدي بالكويت؟
هل احتاج لمحامي؟ثعب علي الاتعاب

ام_محمد2011

هل راح تساعده السفاره الايرانيه انه يطلع لها جواز ثاني و يسافر معاها؟

ام_محمد2011

ساعدوني لا هنتوا
وفيه امور ماليه قص علي فيها و ماكنت اخذ منه ورقه من باب الموده و وانه مابين الازواج اوراق و عشان مايحس اني اعامله كغريب ..اببي اعرف لمن ادخل على القاضي شنو اقوله او شنو اكتب بالعريضه..هل محتاجة محامي؟

سالم سيف

السلام عليكم ورحمة الله وبركاته

اختي بخصوص انج ترفعين عليه قضيه بالامارات على ما عتقد تقدرين علشان مقر سكنج الحالي بالامارات و ترفعين

قضيه عليه بمقر اقامتج يعني بالاماراه الي انتي فيها علشان المشقه

الله يعينج اختي و يصبرج على مبتلاج و لو توكلي محامي افضل

و ان شاء الله الاخوان و المستشارين بيخبروج بمعلومات مفصله عن قضيتج

لماذا النساء أكثر أهل النار؟ د.عبدالعزيز الفوزان

http://www.youtube.com/watch?v=AH5Mm...eature=related

محمد ابراهيم البادي

باعتبارك اماراتية فالقضاء الاماراتي هو الذي ينظر دعواك وعليك التوجه الى قضاء امارتك وقيد دعوى في التوجيه الاسري مثل ما قال الاستاذ سالم
وفي نفس الوقت اطلبي من المحكمة التعميم على الابناء كافة بعدم مغادرتهم الدولة (منع سفر لوجود دعوى بينك وبين الزوج)

قانوووني

وعليكم السلام ورحمــــة الله وبركاتــــه


اختي موضوعج بختصار لصالحج ومثل ما قالوا اخواني اللي سبقوني ترفعين قضيــــتج هني فالامارات وينظرونج لقضيتج وفقا للقانون الاحوالي الاماراتي بس مب لكونج ساكنـــه اهني ينظرون لقضيتج لكووونج اماراتيه من بنات البلاد ومثل ما نعرف وتعلمنا في القانون في مواضيع الاحوال الشخصيه اذا كان احد الاطراف من دولة الامارات ينظر الى القضيه وفقا لقانون القاضي والمقصود فيه انه قانون الامارات ....

فموضوعج اختـــي اماراتي بحت والعقد ومادري شو ومكان الي تم ابرامه ها اذا كنتي غير اماراتيه بمعنى ثاني يبله ويشرب مايه ورررربي يوفقققققج ويسهل عليج ويعينج ان شاء الله

وبخصوص اخر نقطه انه اختطف البنت طبعا ما يعتبر اختطاف لانه بنتـــه ....