uae433

السلام عليكم ..

أنا طالب قانون ثاني سنة وأبغي اصير محامي وبغيت اعرف شو الاشياء اللي امر فيها قبل مثل التدريب او التسجيل فهيئة معينة أتمنى حد يفيدنا

وفي خاطري أتدرب من الحين فمكتب اي محامي فابوظبي حتى لو كلفني ذلك مبلغ من المال شهريا

بنت خليفه

اخوي .,

عشان أتصير محامي ., انا الي أعرفه , انك لازم تلتحق بـ المعهد القاضي الي ف بوظبي ولا في دبي ولا الشارقة .,
طبعاً هذه يكون بعد البكلريوس .,
اما اذا تبا تدرب ف مكاتب محاماه أسأل مرشديين كليتك في الجامعة اذا يمنحون فرص تدريب اثناء دراستك ف الجامعة ., لان جامعة الامارات كل كورس اتسوي تدريب ف مكاتب محاماه

دبلومآسية

كل الشكر للاخت بنت خليفه ع الرد
ونفس ما قالت ان شاء الله بعد ما تنتهي من دراسة البكالوريوس
بامكانك الالتحاق باحد المعاهد القضائية الموجوده في ( بوظبي , الشارقة , دبي )
للحصول ع ليسن المحاماة و بعدها التدرب ف مكاتب المحاماه


والسموحه

حيرانة

بالتوفيق اخويه

ما بزيد على كلام الخوات شي .. بس بوضح لك أكثر

نحن في كلية الامام مالك .. يوفرون لنا فرص تدريب في الصيف .. في محاكم دبي

وبدون مقابل مادي طبعا .. مجرد تدريب


فانت اسأل الكلية او الجامعة اللي تدرس فيها اذا يوفرون مثل هالشي ..

واذا ما يوفرون لاي سبب من الاسباب {لانه عدنا اذا العدد قليل ما يعطونا افادة بان نحن ندرس عدهم ونبا نتدرب}
في هالحالة تقدر تسأل من الحين محاكم بوظبي اذا عدهم صيفي .. او اي مكتب استشارة او محاماة

وبالتوفيق

ٱللھٌـم ٱمنَحنِـۑ مـڼ ٱلٱمـٱنَ ... مٱيجَعلنِـۑ ٱنعَـم بنَـۊم ٱلطِفل فِـۑ مَھـډھ

حوراء

تصحيح لمعلومات الاخوه الي ردو قبلي
معهد دبي القضائي لا يدرب المحامين حتى الان

دورات المحاماه فقط في معهد الدراسات القضائيه الاتحادي وله فرعين احدهم في ابوظبي والاخر في الشارقة

وانك تدرب عنك محامي مقابل مادي , ماظن بياخذون منك , شي طلبه يتدربون عندهم شهر شهرين ويحصلون شهادة
او انك تشتغل عند محامي يعني دوام رسمي وهالشي بعد زين بتتعلم وايد

حتى تصير محامي يبون شهادتك الجامعية مع صورة جواز وخلاصة قيد وعدد من الصور الشخصية و حسن السيره والسلوك ومبلغ 9 الاف درهم ,, تقدم طلبك بعد التخرج لـ وزارة العدل وبعد اسبوعين ثلاث لين توصلهم الموافقات الامنيه , راح يخبرونك وغالبا مقبول ان شاء الله والمبلغ تدفعة للمعهد سواء كامل او مقسط
والدراسه في المعهد لدورة المحاماه تكون في خريف كل سنه اما شهر 10 او 11 من كل سنه
6 شهور نظري و تدرس فيها 21 مساق
وبعدها 6 شهور عملي عند احد مكاتب المحاماه وعليك فيها تحضر عدد معين من الجلسات بصراحه نسيت كم جلسه بالضبط
وبعدها تستلم باذن الله بطاقة مزاولة المهنه وتختار لنفسك اما تكون محامي مشتغل او محامي غير مشتغل
والله يوفقك

شموخ دبي

شو يعني محامي مشتغل او محامي غير مشتغل؟؟؟

حيرانة

واللي عرفته اثنء فترة دراستنا في المعهد هم اللي يدفعون للطلبة

مب الطلبة !

ٱللھٌـم ٱمنَحنِـۑ مـڼ ٱلٱمـٱنَ ... مٱيجَعلنِـۑ ٱنعَـم بنَـۊم ٱلطِفل فِـۑ مَھـډھ

حوراء

شموخ دبي
شي سجل في وزارة العدل عن المحامين المشتغلين والمحامين غير المشتغلين
والفروقات وايد بينهم , المحامي الي يتقيد بانه مشتغل لايحق له الجمع بين وظيفتين مثلا
وغير المشتغل يقدر
امور كثيره اقري فيها



حيرانه
دورة المحاماه محد يدفع للمحامي المتدرب , سابقا كان الطالب يدفع رسوم قدرها 5 الاف و كل فتره يزيدون والحين الرسوم 9 الاف

اما الدورة القضائيه فالدولة تدفع للطالب المتدرب سواء بيتخرج وكيل نيابة او قاضي

نايف الحوسني

ابصراحه استفدنا منج اختي وايد حوراء يعطيج العافيه

المتفائلة خير

ممكن التوضيح أكثر بين المحامي المشتغل وغير المشتغل ؟!! وماهو الآفضل