الاجراءات الادارية في محاكم دبي
السلام عليكم ورحمة الله وبركاته
كيفكم ياجماعة الخير ،، عساكم انشاء الله بخير دايم ......
انا كنت حابة استشير اهل الخبرة واعرف منهم ويارب موضوعي يفيد غيري انشاء الله ....
انا عندي مشكلة تواجهني في الاجراءات اللاحقة ... يعني مثلا/
خاطبت محكمة ابو ظبي محكمة دبي لانابة قاضي التنفيذ لمخاطبة جهات معينة زي الاقتصادية للاستعلام عن طرف او شخص او شركة ....
لمن سألت ايش الاجراء في مثل هذا الموضوع قالولي تمرين الصادر والوارد بالمحكمة في دبي وتاخذين الرسالة ..
طيب انزين وعقب الرسالة ؟؟؟؟؟؟؟
اشياء وايد اكثر من هاي ..... انا يديدة في البلد وكمان يديدة في المهنة انا اشتغل مندوبة مكتب محامي حاليا .... والي معاي مايفيدوون كلش ...
واحيانا من كثر ماهي الاشياء متراكمة في راسي الخبط ....
انا اشتغلت في مصر بس مره اختلاف كلي وجذري ... حاسة ان السنتين الي اشتغلتهم مالهم داعي
تكفون افيدوني اذا كان في كتب اقدر استفيد منها او لينكات اقدر استفيد منها او شي
ويمكن انا اول وحدة سعودية تشتغل مندوبة في محاكم دبي ..... بس انا بعدين اطمح لاكثر من كذا وهاي اول خطوة ... عشان افهم كل الاجراءات انشاء الله لمن اوصل لطموحاتي ماصير ماافهم شي ....
يزاكم الله كل خير .... وشكرا لزيارتكم لموضوعي ^_^
01-26-2013, 08:03 PM
تعليمات المشاركة
العرض الشجري