ارجوكم افيدوني
مرحبا اخواني وخواتي
اتمنى انكم تساعدوني بليز لاني وايد حالتي النفسية صعبة وابغي حد يكلمني
انا متزوجة من شهرين وطالبة الطلاق من زوجي لاسباب كثيرة منها انه اكتشفت انه عنده علاقات شاذه وما فيه غيره علي ويبغيني اطلع ويا اخوانه وهو نتحوط في اماكن مب زينه مثل شيش وحدائق مائية ولما ارفض يجلب علي ويطلع مشاكل غير طلعاته بره البيت لوقت متاخر وتحكم امه واهله فيه
قبل ما اطلب الطلاق يعني بس زعلت ورحت بيت اهلي سار ويا اهله بلغو شرطة دبي اني سارقة ذهب وهو ذهب العرس اللي خذالي اياه واني سارقة فلوس بعدين الشرطة صكروا السالفة وما سجلوا بلاغ
طبعن انا وايد انصدمت من هالحركة وسرت طلبت الطلاق رجعت امه معاه بلغت في الشارجة بس غيرت التهمة خلتها خيانة امانة على اساس مسلفتني الذهب البسه وارجعه (حسبي الله ونعم الوكيل)
الحين السالفة تحولت للنيابة في الشارجة بعد ما خذوا اقوالي
وسالفة الطلاق رحنا اول جلسه وبس اجلوها لبعد العيد شهر تسعة
افيدوني شو بيصير بعدها شو اقدر اسوي عشان اخذ حقي بعد هالبهدلة والفضايح في المخافر انا واهلي
جزاكم الله خير وابعد عنكم كل الهموم والمشاكل يا رب
اخواني انا اتصلت لشرطة دبي عشان يعطوني اثبات انه بلغ علي في دبي عشان اوديه المحكمة لكنهم ما رضوا وقالوا لازم ورقة رسمية من المحكمة تطلب هالشي, علما بانه بلاغ دبي ما تسجل وصكروا الموضوع وديا
هل هذه صحيح او اقدر اسوي شي ثاني عشان اخذ حقي
لا اله الا انت سبحانك اني كنت من الظالمين
07-16-2012, 02:36 PM
تعليمات المشاركة
العرض الشجري