هل هي دعوى مدنية أم جنائية وماالاجراءات ؟
السلام عليكم ورحمة الله وبركاته
زملائي القانونيين تحيه طيبه وبعد
عندي استفسار خصوصا وانه قانون العقارات وهالامور وف دبي بالتحديد مستوي كل يوم يتطور وكل يوم نصوص وقرارات متعلقه بالنصوص وهكذا .. ف بغيت استشيركم في شي الله لايهينكم ..
المشكله انه شرينا شقه بحدود مليون و200 الف درهم في سنة 2008 في منطقة البرشا او المناطق الي قريبه من امرتس مول . على اساس نستلم سنة 2010 عقبها بفتره استوت الازمه الاقتصاديه ونحنا كنا ملتزمين بالدفعات سددنا 700 الف من المبلغ خلال شهور بس الطرف الثاني اخل بالاتفاق وما بدى فالمشروع لغاية اليوم ويالس يماطل ويجادل وتعرفون انه الفرد ضعيف جدام الشركات ف يقولك تبا تشتكي اشتكي ماعندنا مشكله .. وبعدين بدوا باسطوانه جديده انه انتو جيتونا من عبر وسيط ونحنا كشركة التزامنا وياكم غير عن التزامكم وياهم المهم كلام كله نصب في نصب .. يقولك تاخذ من مشاريعنا الثانيه بس ادفع لنا مليون زياده تقول البيزات طايحه فالشارع ؟! .. بغيت بس اتخبر اذا بشتكي وين اسير للبلديه ولا للاراضي والاملاك ولا شي جهه مختصه وشو الخطوات الي تنصحوني بها .. ومشكورين وجزاكم الله خير
06-03-2012, 04:24 PM
تعليمات المشاركة
العرض الشجري