يتيمة . .

السلام عليكم ورحمة الله وبركاته ..

اخواني عندي موضوع مضايقني .. ابوي توفى قبل 9 ايام و واحد من اخواني هو اخوي من ابوي يعني مب من امي يبغي ياخذ الوكالة العامة عن امي .. وامي ما تعرف شو يعني وكالة عامه وهم ما وضحولنا شي بس قالوا قولوا نبغي هذا الشخص الوكيل وخلاص .. وهم يجبرونا على هذا الشي ويجبرون امي ويقعد يصارخ عليها عسب توقع على الوكالة العامه ومن الحين يقول يمكن عقب اسبوع ولا اسبوعين اوديكم ونروح وقالوا لنا ان لو ما وقعت على الوكالة وما راحت المحكمه ما راح ينزل لنا شي لين 4 شهور يعني لين ما تخلص عدتها هي قالت انا مابغي اوكل حد على عيالي وابغي انا انزل المحكمه هم مب طايعين ! اهم الحين يبغونها بس تقعد فالسياره واتيها الحرمه و توقع وتقول هيه انا ابغي هذا الشخص الوكيل عنا وانا احس ومتاكده انهم يبغون ينصبون علينا وياخذون حقنا وحلالنا واحنا مش متطمنين ولا نبي هالشي

- سؤالي كيف اضمن حقي وحق امي واخواني الصغار بما ان انا اعتبر قاصر وحتى اخواني الصغار !

- وصح الراتب بيتجمد لين ما تخلص امور الوكالة ! ويصير امي تكون عندها الوكالة ولا لازم حد من اخواني من ابوي !

- ولازم اوكل محامية ولا افتح بلاغ ولا شي قبل لا يضيع الحق ولا الامور كلها بأيد امي الحينه لين ما توقع اهيه عن تنازل الوكالة او اعطاءه حق التوكيل العام في جميع الامور !

- انا ماعندي ولا اوراق ولا شي عن هذي الاشياء ف اذا رحت المحكمه مثلا شو اقول وشو اسوي ؟

- والورث بيكون في شؤون القصر يعني اذا امي انجبرت تعطيه الوكالة يقدر يتحكم هو فالورث ! وف الراتب وفي كل شي !

ومشكورين ..