جمال08

السلام وعليكم ورحمه الله وبركاته وبعد

اخي الكريم انا اختي طلبت الخلع من زوجها بعد زواج كمل 17 سنه واختي صبرت على زوجها كل هي الفتره وهو ما عطاها حقوقها كزوجه والصراحه اختي هي الي تشتغل وبفضل رب العالمين دبرت امورها بنفسها وكبرت عيالها وريلها كل فتره في السجن لانه ينصب على الناس وهي كانت تجمع البيزات وتروح اطلعه من السجن وباع البيت الي هي كانت ساكنه فيه كم مره وهي كل مره تروح تتسلف وتدفع علشان ما يسحبون البيت واتم في الشارع وعقبها كتبت البيت باسمها وسكتت وما قالت شى ولو ريلها يقدر ما كانت بتخلعه بس هو ابد ما يحترمها ولا يقدرها بالعكس هو دوم يصغرها جدام العيال وهي تسكت ما تقول شى تخاف ينجلب على الصغاريه فمن فتره طلبت الخلع وخبرته وهو طلع من البيت وهي قالت انها مب قادره تعيش وياه خلاص ولما يا موعد الجلسه تعذر وما يا بس هو اتصل فيها قبل وقال لو صار ما صار ما بطلقج وتمي معلقه

حبيت اعرف لو في اجراءات تساعد انها تخلعه من دون ما دفع لانها الصراحه ما عندها ولا ريال ترى هي دفعت اخر مره حق شخص ريلها نصب عليه
كنت ابى اعرف هل يجوز تيب امي كشاهده وتيب ورقه تثبت وضعه القانوني اقصد انه مطلوب في قضايا نصب وهل يساعد انها تسجل كل كلامه لما يتصل ويسبها ويقولها كلام جارح وهو مصر وكيف هو مصر يعلقها


اخي الكريم ارجو منك عدم تجاهل موضوعي حتى لو كتبت اي شى لا يجوز كتابته ويمنع نشر الموضوع فاسمحلي لانه الصراحه الي اختي شافته في حياتها خلاني اكتب

فسامحني وادا عندك اي استشاره تقدر تساعدني فيها فجزاك الله الف خير وادا ما تقدر تنشر الموضوع فلا باس بس لو تقدر عطني استشاره خاصه على ايميلي