umismail

السلام عليكم و رحمة الله و بركاته

اتمنى الجميع يكون بخير

انا رافعه قضية طلاق ضرر على زوجي و ابي استشارات و آرآئكم بالموضوع
و كيف اقنع القاضي انه يوافق يطلقني منه
و هل بعد كل اللي راح اذكره لكم لي حق اني اطلب هذه الطلاق ..

1 . أنا زوجي كثير السب و الشتم و يتعامل معاي انا و أطفاله و حتى العمال خارج البيت بالسب و بوقاحه
2. للعلم تطلقت طلقتين من قبل لانه اهله كل ما قالو طلقها يسمع كلامهم (كان يدخلهم بمشاكلنا)
3 . أنا زوجي دايمن يقول لي ( بعذبج بتعبج لين ما انتي تروحين المحكمه و تطلبين الطلاق عشان تفقدين كل حقوقج ) . ما يباني بس خايف يطلقني عشان المؤخر و بدل المتعه و غيره
4 . الهجران بالفراش قبل اكملت ٤ اشهر و هو رافضني حتى قال لي روحي تختني / و رفعت عليه قضية صلح تعدل اسبوعين و الحين رجع كررها هجرني مره أخره ربما اكملت شهر و أكثر.
5 . صاير يتهرب من مصاريف البيت السخان بالحمام انفجر يقول انا ما يخصني و ما عندي فلوس و غير للعلم عنده فلوس ..


و تمام ..
خبروني ي أصحاب الخبره هل اللي ذكرته اسباب كافيه لطلب طلاق لضرر ؟
هل القاضي راح يطلقني منه و اكسب القضيه ؟
لا تقولون تصالحي ، سبق و ذهبت لمصلح اسري لكن ماشي فايده و شكرا و اسفه اخذت من وقتكم