غلا بوظبي

السلام عليكم اخواني
هالمره الموضوع يخصني 😁
كنت خذت بطاقه كريدت كارد (فيزا) من احد البنوك ايام ما كنت اداوم لكن للاسف بعد مرور اقل من ٦ شهور تفنشت من دوامي ولم استطع اكمال سداد المبلغ الباقي وهالكلام من سنه ٢٠١٧ والبنك اول فتره تواصلوا معاي وخبرتهم بالظروف الحاصله معي واني بدون دوام بعدين اختفوا فتره وقطعوا اتصالاتهم وفي نفس الوقت رقمي المسجل عندهم انقطع بسبب عدم تحديث بيانات الهوية في اتصالات وذلك لاني ما كان عندي اقامه وللحين ما زلت بدون اقامه لكن من حوالي ١٠ ايام وصلني اتصال من مركز الشرطه انه علي بلاغ وتعميم والبنك مقدم شيك الضمان الخاص بالبطاقه بمبلغ ٤٥ الف درهم وهالمبلغ اكبر من المبلغ اللي خذته ف البطاقه اصلا يعني يطالبوني بالمبلغ اللي خذته مع فوايده
ولما تواصلت معاهم عشان اسوي تسويه عطوني تسويه بقيمه ٢٦ الف تندفع مره وحده لكن هالحل للاسف بعد ما خدمني لانه ما اقدر ادفعه ايضا لاني بدون دوام وما عندي دخل
سؤالي هو، هل لو انا تركت الموضوع يتحول ويكمل كقضية ف المحكمه ممكن ينحكم فيها بغرامه اقل من هذا المبلغ وادفعها؟ ولا الافضل اقبل بالتسويه واحاول ادبرها من اي مكان؟ يعني بحكم خبرتكم في مثل هالنوع من القضايا شو الحل الافضل؟ علما ان القضية بتكون في محكمة ابوظبي
اريد نصيحكتم اخواني بأسرع وقت لان معي مهلة فقط من البنك حتى تاريخ ٢٨/١١ عشان ادفع مبلغ التسويه