فاطمه الانصاري

سلام عليكم ....انتهاك شرف البنت يقيم الدنيا و لا يقعدها في مجتمعنا ، لكن العدوان على شرف الأمة لم يعد يحرك ساكنا فيها
عندي موضوع وايد مهم و اتمنى من اساتذتنا الكرام التناقش و الحل لدى الموضوع

قال الخليفه الاموي هارون الرشيد رضى الله عنه ( الشرف يمنع صاحبه من الدناءة )

عندي لكم موضوع و اتمنى النقاش فيه بكل وضوح للأستفاده

من فتره بنت عمرها 19 سنه كانت لها علاقه مع شاب من عبر صديقاتها من ايام الثانويه و كانت بين فتره و فتره تقطع عنه لانه كانت العلاقه جدا عاديه بعد ما دخلت الجامعة زادت العلاقه

كانت البنت تحط صورها فالسناب جات و كان الشاب ياخذ الصور / الولد معروف عنه انه هكر للعلم فقط !!!

قام الولد و قالها انا ابا اشوفج و اذا ماطلعتي وياي بتصل اف اهلج و بطرش لهم صورج وبتهمج
البنت خافت و سكتت و ماخبرت اهلها ! و البنت ماطلعت وياه و ع طول اتصلت فالشرطه و الشرطه رفضت لانها بنت تحت السن القانوني !
و قام الولد طبعا نفذ تهديده و طرش صور للأب وللأم
وقالهم بنتكم تطلع من الجامعه مع واحد ! و طرش صوره لها قديمه و قالهم بنتكم على وشك الطرد !. والأم عشان تتأكد سارت الجامعه و شافت حضورها البنت طبعا حضورها كان جدا ممتاز و الكل كان يمدح فيها من اخلاقها و من حضورها و احترامها للدكاتره .
الحل يا اساتذتي الكرام ماهو ! و كيف يتصرفون الاهالي مع الشباب و شو بيكون مصيره ! يلااااا نتريا الردود و الحلول الجميله و الراقيه
اتمنى من الاهالي تفادي هالمشاكل مع عيالهم يكونون اصدقاء لهم . شكراااا

قد ينجو الشرير من عقاب القانون و لكنه لا ينجو من عقاب الضمير