abdullah 9000

لو سمحتم الله يكرمكم انا حابب اخذ نصيحة محامين هنا في الموقع في القصة دي
انا عملت عقد مضاربة تجارية مع شخص صاحب شركة لها كذا مجال في العقار والدعاية والاعلان في دبي كان منزل اعلانات في الوسيط كان عاوز ممول لمشروع عقاري بدبي وانا في ابوظبي بنسبة ربح وقابلته واعطاني المعلومات وقالي حاعطي لك شيكات بالارباح المتوقعة لضمان حقك وشيك بالمبلغ المشارك بيه
اصلا يعني 12 شيك شهري وشيك اخر بالمبلغ الذي اعطيته له كرأس مال مذكور في العقد وكمان عملي حاجة اسمها سند دين في محاكم دبي بانه مديون لي بمبالغ شهرية قيمة الارباح وكتب انه لو لم يسدد شهرين متتالين يحق لي فسخ العقد واخذ المبلغ الاصلي مع شرط جزائي وليس علي اي مسؤلية جنائية او ادبية اذا خسرت الشركة او كان هناك قضايا عليها فانا ممول فقط لاغير
المهم وانا بامضي العقد وكتبت الشيك قالي النسخة بتاعتك حتتوثق عند المحامي وحارجعهالك كمان عشر ايام وفعلا عملنا 3 نسخ لما يوثق النسخة يديهالي واديله النسخة اللي متوقع عليها منه هو لضمان حقي وطبعا اخدت الشيكات بالمبلغ وكمان كتبلي اقرار دين صادر من محكمة دبي من عند كاتب العدل ومعاايا الورقة الرسمية والختم والتاريخ والتوثيق
المهم بقي اول ارباح بعد شهرين ونص وغير كده
انا للاسف للاسف شكيت فيه بعد امضاء العقد وخايف منه جدا انه يغدر بيا وده شقي عمري فعلا انا لا اعمل الان وكان لازم اعمل اي شئ استطيع ادخال دخل منه للصرف علي الاسرة والالتزامات المطلوبة من مدارس وسكن وماشابه
انا اول صرف للارباح في شهر يناير القادم ولاقيته كاتب شرط واصر عليه انه يتلغي العقد لو هو مدفعش شهرين متتاليين وليس مثلا عشر ايام او شهر حتي وقالي ده شرط اساسي مقدرش اشتغل من غيره بس برضه اخدت الشيكات تتصرف كل شهر زي ماتفقنا واخدت 12 شيك بالارباح كسنة واحدة للعقد وطبعا شيك بالمبلغ الكلي اللي ساهمت بيه لضمان فلوسي
انا لاقيت منه كام تصرف مش تمام يعني بيتهرب من ناس بيتصلوا عليه في الموبايل وبيكذب في حاجات تانية وكل ده حصل امامي بعد لما مضيت علشان محدش يقولي كنت فين لما مضيت واخد الشيك بالمبلغ ابتديت اشوف الوضع وانهارده كلمته مردش عليا كذا مرة وبعدين لاقيته حذف صورته من الواتس اب وكنت فاكر انه عملي بلوك فبعتله رسالة عالموبايل وبعد 4 ساعات قالي معلش انا تعبان وبكرة اكلمك !! المفاجاة بقي اني خليت حد يتصل عالسكرتيرة ويطلب استفسار معين قالتله ثانية واحده احولك للمدير اللي هو الباشا طبعا يعني بيكذب وموجود ومش تعبان ولا حاجة انا عاوز اعرف ازاي اضمن حقي او اعمل ايه علشان ملاقيش الخطوة الجاية انه قفل المكتب وهرب بالفلوس
هل اقرار سند الدين اللي عملوه في المحكمة يضمن حقي؟ هل الشيكات التي اعطاها لي تضمن حقي؟ ولو في شئ اخر اعمله كيف اتصرف وهل التوثيق عند المحامي شرط لصحة هذا العقد لاني الان معي نسخة موقعه منا نحن الاثنين ولكن لايوجد توثيق وبهذه الافعال وعدم الرد علي التليفون والاعذار الواهية اخشي انه لن يسلمني العقد الموثق فماذا افعل لان المفروض اول حصول للربح ليا اول يناير 2017 يعني لايحق لي طلب اي ارباح الان وطبعا شهرين ونصف مدي طويل جدا ممكن يحصل فيهم اي شء لاقدر الله -ارجو الافادة واسف علي طول الموضوع وجزاكم الله خيرا