tataandmoony

السلام عليكم و رحمة الله و بركاته
أنا مصرية وافده تم طلاقي يوم 7/10/2015 فالسفاره المصرية عانيت كتير لغاية ما طلقت وللعلم أنا مرمي عليا يمين الطلاق خمس مرات غير المره الأخيره و فدار الافتاء هنا قالولي محرمه بس القضاء مش بياخد إلا بكلمه الراجل المهم إني اطلقت ولولا إني اضربت ضرب مبرح والدم كان مغطي وشي ماكانش اثبت الطلاق لأنه خاف من إني أبلغ.
أي حد هيقول اكيد فيكي غلط سبب الطلاق الاخير إني سجلتلو وهو بيكلم واحده متجوزه ونصوص الواتس معايا للآن.
اطلقت بالإبراء من كل حقوقي ولأني بشتغل مدرسه إنجليزي والمصاريف من الألف إلى الياء الياء عليا كنت عارفه انو مش هيعرف يعيش و طلعت من البيت أنا والعيال و سكنا استديو فيوم جاه ياخد العيال اخدهم وقالي دا فيلا ساكن فيها شباب وقالي مش هتشوفي العيال تاني استسلمت ورجعت البيت بعد ماشترطت إنه مايجيش البيت لاننا مطلقين المهم مره ينط من الشباك ومره يخبط ويصحي العيال ولما رفضت اغلق الباب قالي أنا غلطان إني رجعتكو وفضلنا كدا لغاية من عند الله صاحبه البيت جات من العين اتفاجئ ان الايجار 4000 درهم وهو ثلاث سنوات بياخد 4800درهم وأنا هبله اتعب وادبية وهنا غيرت عقد الشقه بإسمي وبئيت ادفع بدون وسيط وطبعا هو يغيب ويرجع يبلطج مره فلوس تليفونه ومره مصاريف المحامي علشان البنك أودع الشيك ومره كشف الطبي الاقامه وحاجات كتير طبعا أنا بدفع علشان على إقامته لغايه ماربنا سهل وكنسلت وعملت إقامتي بعد عيد الفطر وعرف والدنيا ماهدت راح قال لابويا واصحابه إنه رجعني وأعد معايا ثلاث شهور وخلافه دورت على الجيران اسألهم حد شافو بيدخل علينا الا لما نصرخ ونعمل فضايح المهم كلهم قالولي يشهدو معايا إنه كذاب.
عرفت إني لازم أغير البيت وفعلا روحت السمحه علشان أبعد بالعيال وعملت تحديد رؤيا بعد مازق الباب والكاميرا صورتوا وغير الرسايل إلا كلها حب وغرام واتصالات للصبح ومرات كتيره عملت محضر و عريضه بالنيابة ولا حد اتحرك يمشي ورايا بسيارته وكمان بلغ الشرطه ان عندي خادمه غير شرعيه وهي خادمه واحده مواطنه بتساعدني المهم عملت تحديد رؤيا وهو استعجل واخد حكم يوم الجمعه من أربعه لسابعه دلواتي زن عايز ياخدهم بره الدعم الإجتماعي وبيتصل كتير وعايز كل يوم يكلمهم.
فاليوم مرتين واكتر وأنا تعبت.
كمان بيقول إنتي برتيني من حقوقك وحقوق العيال من يوم ماطلقت وربي يشهد من قبل الطلاق وأنا شايله كل المصاريف ابني فصف أول هو إلا دخلو المدرسه ودفع أول مبلغ 1500درهم وأنا كملت من كجي 1 و2 ودلواتي صف أول بيقولي القانون مايلزمنيش إلا لصف أول طب دفعت ليه أول مادخل كجي فالتوجيه الأسري قالولي معاكي حضانه الأولاد لحين انهاءهم الثانويه مالم اتزوج بآخر طب عايزه اعرف فين حقوق العيال دي وفين حقي أنا هفضل معاهم لغايه مايخلصوا ثانوي.
وهو حقه يتصل كل يوم الآلاف من المرات.
أنا مطلقه منه طلقه ثانيه بينونه صغرى لا أحل له إلا بمهر وعقد جديد بيقول رجعني عند شيخ طب فين الورقه والشهود وفين امضائي وحقوق عيالي فين.
لو سمحتوا ساعدوني بجد أنا تايهه
شكرا