مشورتكم يا اخوان..ضروري
السلام عليكم و رحمة الله و بركاته
أخواني من ذوي الخبرة انا اختكم مواطنة عملت خمس سنوات في شركة شبه حكومية تابعه لامارةأبوظبي.. قدمت استقالتي بسبب ظلم الشركة و انها ما سوت شي في رساله التظلم اللي رفعتها علي المدير و خاصه ان عندي كل الأدلة. قدمت استقالتي من شهر و نص ووقعت علي استمارة عندهم عشان يضمون خدمتي و يراسلون صندوق ابوظبي للمعاشات و لكن اكتشفت بعد اتصالي لهم يقولون لازم تدفعين الالتزامات اللي عليج للشركة . طلبت منهم يراسلوني بالمبلغ اللي يطالبون به غير انه لين الحين ما راسلوني. و من يومها اتصل بالموظفه المسؤوله ما ترد علي اتصالي و بدالتهم ما تحول المكالمه عليها و مب راضين يعطوني ايميلها عشان اراسلها يقولون ممنوع.
انا عندي التزامات في البنك و توصلني تهديدات منهم .. ياريت ترشدوني شو أسوي ؟؟ أريدهم ينزلولي نها يه الخدمه باقرب وقت و خاصه اني ما حصلت وظيفه لين الحين.
مع العلم اني علي صدد رفع قضيه عليهم بسبب موضوع الظلم و تزوير المدير و المحامي عندي قال نسبه نجاح قضيتج كبيرة بس الموضوع بيطول في المحكمه لذلك ما اريد ادخل مووضوع حجزهم لمكافئتي مع القضيه لانها بتاخذ وقت و انا محتاجه ينزلونها اليه باقرب وقت ..
شو تشوروني وين اسير اشتكي عشان حجزهم لمكافئتي؟؟ اشتكي عليهم في النيابه ؟؟؟
اتريا مشورتكم باقرب اخواني و جزاكم الله الف خير.
اختكم ام دلال
08-11-2016, 10:41 AM
تعليمات المشاركة
العرض الشجري