حور العين

السلام عليكم و رحمة الله وبركاته
حبيت استفسر عن موضوع
زوجي طلق طليقتة قبل لا ياخذني وعندها ولد وينفق عليهم 6000 درهم شهريا حق الشقة والولد والخدامه بس حاليا ما عندها خدامه وهي تستلم راتب ابوها المرحوم الله يرحمه ويبقى عند زوجي بعد ما يخصمون دينه 5000 درهم .وغيره أسبوعيا يطّلع الولد ويصرف عليه زياده من مصروفه يعنى مب مقصر مع ولده والحمدالله وانا زوجته ثانية وعندي بنت ما ينفق علي ولا على بنتي وساكنه في بيت امي يوم احتاج شيء استحي اطلب منه لان اعرف راتبه ما يكفيه نص الشهر ويخلص راتبه يوم كلمته ان يسير المحكمة ويطالب بتعديل النفقه اللي يعطيها حق المطلقة لان الحين هو متزوج وعنده بنت ومب قادر يوفر لي السكن و راتبه ما يكفي علشان ينفق علىنا قال ما يستوى ولا المحكمة بيعطون المطلقة كل الراتب ونتم نحن من دون مدخول والمحكمة ما تنظر كم من راتبه ينخصم عسب دينه وها الدين كان ماخذنه حق طليقته علشان يعالجها فما اعرف شو أسوي وما احب أسير المحكمة و اورط زوجي وعقب يقل راتبه