ام اميره 2012

السلام عليكم

انا حابه استفسر من المحاميين اشيا كثيره

انا مواطنه و عندي بنت عمرها 3 سنوات و و لد عمره شهر المهم انا متزوجه من مواطن غني و عنده خير و انا زوجته الثانيه من اتزوجنا و هو ما حط اسمي في خلاصه القيد و موب راضي يطلع جواز حق عيالي و فوق هذا يعطيني مرات مصرف 3 الالاف درهم و ما تكفي لان اغراض البيت بس 2500درهم و الخدامه راتبها 1000درهم و الكهربا 200درهم لاني ساكنه في شقه ، و انا زوجته من اتزوجنا الين اليوم عمره ما عطاني مصرف و السبب لاني اشتغل ، انا راتبي ضعيف جدا و ما يكفي اضطر دايما اشتري اغراض الببت من راتبي و غير هذا علي قرض سياره .

انا عندي فواتير الجمعيه الي تثبت اني اشتريت اغراض البيت من بيزاتي هل اقدر اوكل محامي و اطالب بالفلوس الي دفعتها على البيت لان كل الاغراض اشتريتها من الكريديت كارت و الحين طلع علي مبلغ كبير لازم ارجعه للبنك ، و زوجي دايما لما نضارب مع بعض يغلق موبايله بالشهور و لا يصرف علي و لا يسأل عن عياله.

انا ما اشتكيت عليه قبل لان خلاني اكتب شيكات لايجار الشقه الي انا ساكنه فيها و هو يدفع كاش قبل يومين من موعد الشيك و لما قلتله انت الريال انت لازم تعطي الشيكات باسمك يقولي انا ما عندي دفتر شيكات؟؟؟ و دايما يهددني اذا سرت اشتكيت عليه ما راح يدفع قيمه الشيكات و انا راتبي ضعيف ما اقدر اسدد فيه ايجار الشقه.

سؤالي هل المحكمه بتجبره يرجعلي بيزاتي الي دفعتها على البيت و الشي الثاني زوجي ساكن مع زوجته الاولى و اولاده في فيلا و معيشني في شقه اقدر اطلب انه يسكني في فيلا مع العلم ان زوجي عنده 7 فيلا ملك ، و الشي الثالث انا قبل الزواج اشترط عليه يعدل بس ما عدل اقدر اطالبه انه يعدل و لا كل واحد يسير في طريقه و شكرا