لله فوضت امري

السلام عليكم ورحمة الله وبركاته
انا مواطنة سعودية متزوجة من 15 سنة من رجل يحمل جنسية اخرى زوجي انسان طيب وكريم وعمره ما غلط بحياته ابتدينا انا وهو من الصفر وكافحنا ولله الحمد تحسنت امونا المادية وبدينا نخطط لشراء منزل العمر لابنائنا
للاسف في سفرة من سفراته للامارات ما ادري من دز عليه وحدة من بنات المغرب ونوى يتزوجها انا صحيح احتر قلبي لكن شرع الله ويبيه و الحلال عندي اهم واصلح من الحرام المشكلة انه مفهمني انها عايشة بالمغرب وشافها صدفة يوم زار صديقه بالبيت وهاذي تصير اخت صديقه المشكلة تصرفاته تغيرت صار يسافر بالسر ويجلس مدة طويلة وصار ماعاد يسال وراى مصالح اولاده وتفاجات من مدة انها مقيمة بالامارات ومعاها الاقامة والي ضيق صدري حوالات بنكية كل 3 ايام بمبالغ تتعدى العشرة الاف ويوم سالته انت تصرف عليها انكر انه بحياته ماعطاها فلس ومن كم يوم طاح بايدي وصل حواله بمبلغ 7000 ريال وباسمها من غير المشتروات الي يشتريها يوم 7000 واليوم الي بعده 5000 وعلى هذا الحال واجهته وحلف انه ماعمره حول ولا اشترى بحياته بهاذي المبالغ بنت الناس الله يستر عليها ما اعرفها ولا ابي احمل ذنبها بس زوجي تغير واحس اني ما اعرفه اليوم انا طلبت الطلاق منه لاني ماعاد اقدر اشوفه يتدمر قدامي ويدمر عيالي صار يسافر بدون مايأمن علينا بمصرف اخذت عقله بس انا خايفة انها تلعب عليه وناويه تدمره زوجي احبه حد الجنون ومستعدة ارضى يتزوجها لو انها بنت حلال وناوية فعلاً تتزوج للستر بس من كثر مانسمع من بلاوي صرت خايفه انه يروح ويتدمر وقلبي والله عليه محروق الفلوس تروح بس هو ما يصيبه شي انا قدرت اخذ رقم اقامتها وحابه اعرف اذا في طريقة اعرف فيها هالانسانة ان كانت بنت ناس وراغبة في الحلال او انها جالسة تتصيد ضعاف النفوس وتضحك عليهم زوجي انسان يخاف الله وهو ما يبي الا بالحلال الله يعافيكم ساعدوني باستشارة ولكم مني دعوة بظهر الغيب والله لا اروح عمرة خص نص وادعي للي بيساعدني ويفك ازمتي ويريحني علماً انه تكلمت معاه ونبهته وقلتله حريم اليوم يخفون وصاروا يتصيدون الرجال لمصالحهم الخاصة امكن تكون شكوك مني بس من حقي اخاف دامه صار يتصرف بدون وعي