tataandmoony

السلام عليكم ورحمة الله وبركاته
أنا مصريه متجوزه ومقيمه هنا من حوالي 5 سنوات خلافاتي مع زوجي مابتخلصش وكتير طلبت الطلاق وكل مرة بقول علشان العيال وكمان اهلي يهدوني. بس انا تعبت ومليت والولد والبنت بيتاثرو ابني بيروح المدرسه يقول باب ضرب ماما بابا كسر الباب و يشتم المدرسات بألفاظ أبوه.
أنا مش عايزة حاجه ولا نفقه ليا ولا للعيال ولا حتى بيت ولا مصاريف مدرسه ابني انا كده كده بصرف من أربع سنين و ياريت بيحترمني ضرب و إهانة و محاضر شرطه بالتعدي و ابويا و امي يرجعوني بس تعبت انا كرهتو.
كل الا فات دا باختصار شديد المصيبة إلا أنا فيها أن انا من 3سنوات كنت فمصر معاه اخد جواز سفري و سفر بنتي و سابني عند اهلو و انا من بلد و هو من بلد بينا 4 ساعات و اكتر بالسيارة خالو ساومني أما أمضي على وصل أمانه على بياض أو ياخد و ابني ودا كان معنى الكلام و فعلا مضيت و كمان بصمت باسم خالو وانا من وقتها منزلتش مصر بس أكلم مين ومين يسمعني لما كنت هطلق من فترة نائب السفير المصري قالي لازم أهلك يعرفوا و فعلا عرفتهم وطبعا الدنيا كلها مشاكل ولما امي جت هنا الإمارات طلبت يمضي على وصل أمانه منو ليها ولما ننزل مصر يدوني وصل الأمانه بتاعي واخد وصل الامانه بتاعو رفض و قال انو مش عبيط المهم انا طالبه الطلاق ودا قرار نهائي بس خايفه اتسجن وانا ماعملتش حاجه مع العلم انا متنازله عن كل حقوقي وحقوق أعالي.
افيدوني افادكم الله
شكراً
السلام عليكم ورحمة الله وبركاته