حلم بوظبي

السلام عليكم والرحمة انا عضو يديد واتمنى اجد عندكم الجواب والمشورة الطيبة

السالفه عندي قرضين في بنك ابوظبي التجاري شخصي 190 الف وسيارة 172 الف توقفت عن سداد الاقساط بصورة منتظمة مدة سنتين ونص تقريبا لاني طلعت من دوامي بس بين فترة وفتره كل ماتوفر عتدي مبلغ كنت اروح وادفعه للسيارة لين بقى عليها 110 الاف الحين الحمد لله لقيت شغل واشتغلت وتفاهمت مع البنك من اخلص ال 6 شهور تدريب راح ادفعلكم المبلغ كله قبل شهر تقريبا ياني اتصال من البنك اذا مادفعت بنبلغ عليك رحت لهم اليوم الثاني ودفعت 190 الف 110 سكرت فيها السيارة و80 الف للقرض الشخصي وخذيت فيها وصل وقالو باجر تعال بنعطيك براءة ذمة اليوم الثاني اتفاجا ان علي بلاغ وتعميم عالسيارة بسبة ان البنك قدم الشيك والشيك ارتد مافيه رصيد كافي
اتصلت عليهم قلتلهم كيف انا امس دافع قالو لازم تدفع القرض الشخصي كله وبنسحب البلاغ عن السيارة

تحول البلاغ للنيابة والجلسة بتاريخ 28-06 حاولت اكلمهم بالمحكمة اني دافع وعندي وصل بس البنك رافض يعطيني براءة الذمة قالو مانعترف بالوصل هذا مع انه مكتوب فيه انه مدفوعات لقرض السيارة وجزء من القرض الشخصي

رجعت للبنك قالو بنسحب البلاغ بشرط انك تكتب لنا شيكات كل شيك ب 4500 للمتبقي من القرض الشخصي

الحين ابا مشورتكم شو الحل وياااهم ؟؟؟؟؟؟؟؟؟؟؟؟؟؟؟؟؟؟؟؟؟

محمد ابراهيم البادي

استاذي الفاضل
بالنسبة للدعوى الجزائية فان البنك هو الاقوى لانه يملك الشيك وبلغ عليك به ولكن في الدعوى المدنية وضع ثاني
والحين انته امام دعوى جزائية ولازم تتخلص منها
حاول معاهم بتسوية ودية للامر وبالاقساط اللي تقدر عليها وبعدين وفي الجلسة قدم وصولات السداد للمحكمة ولها ان شاءالله تقدير عند المحكمة
كان الله في عونك

حلم بوظبي

الشيك اندفع كامل والقرض الشخصي الشيك بتاريخ 2015 والبلاغ مفتوح على السيارة الي انا خلصتها كامله ودفعتلهم قيمتها

وشو الفرق بين الجزائية والمدنية ؟

حلم بوظبي

للرفع

اتمنى الرد

حلم بوظبي

مافي حلووووول؟؟؟

فيصل الحوسني

طويل العمر مسألة انه البنك رفع عليك بلاغ بالشيك، ادفع أمام المحكمة بانقضاء الدين بالوفاء وقدم الوصل اللي يثبت انك دفعت الدين ونصيحة إذا دفعت الدين كامل فلا تنازع بأصل الدين، قول للقاضي انه ما عليك دين وانه انتهى الدين بالوفاء بعدها البنك بروحه بيسحب البلاغ لانه ممكن يمثل بلاغ كاذب

واطلب من القاضي انه البنك يعطيك شهادة ببراءة ذمتك المالية من الدين وادفع بأن البنك رفض انه يعطيك ما يفيد ذلك

بس قبل ما تسوي الكلام اللي قلته لازم اتكون متأكد انك دفعت الدين كامل

أما الدين اللي لم يستحق وقت سداده فما يقدر يفتح فيه بلاغ الا لما يحل وقت السداد اللي اهي سنة 2015 على ما ذكرت

القعقاع

بسم الله الرحمن الرحيم

في حل وانا خوك الحل انه تسير تدفع او ترد عليهم وتكتب لهم شيكات المطلوبه بقيمه 4500 درهم وتفك عمرك من الصدعه لانه مافي مجال لحل موضوعك وهم بطبيعه الحال عندهم شيك منك على بياض وحاطين السعر كامل فما يقدرون يعطونك راءه ذمه اساسا بدون سداد كامل المبلغ براءه الذمه تعني انك ذمتك خاليه من الي دين او حق يعود للبنك والان انت مطالب فكيف سوف ترتب براءه الذمه لا اعلم

اما المدنى استاذي الفاضل لا اعتقد انه سوف يكون هناك مدنى اذا انته خلصت الموضوع ولكن استفسار بسيط من الي اصدر التعميم على السياره هل هي المحكمه المدنيه وسوف تكون هي بطبيعه الحال اذا نعم انتظر شهر وسوف يفك التعميم بمراجعتك للمحكمه اذا لم يجدد للمره الثانيه اما في ما يخص موضوع 2015 استاذي الفاضل بما انه لم يحن موعد استحقاق البنك فلا يحق لهم المكالبه به ابدا ولا ادرى بما انه في 2015 ليش رحت دفعت جزء منه

تحياتي

إذا كنت ذا رأي كن ذو عزيمة.... إن فساد الرأي أن تتردد

فيصل الحوسني

سعادة القعقاع، السائل دفع دين السيارة كامل وعنده وصل بانه دفع الدين ، فله أن يقول للقاضي انه الدين انقضى بالوفاء وانه الشيك تم سداده عن طريق الوصل اللي يثبت دفعه لدين السيارة وياخذ براءة ذمة ويقدر يفك رهن السيارة

اما الشيك اللي في سنة 2015 بعده ما حل موعد السداد

البنك حاليا يحاول ان يساومه بأن يدفع القسط الشخصي عشان يسقط الشكوى عن دين السيارة مع انه دفع دين السيارة كامل

أتمنى تصحيح المعلومات لي سواء من حلم بوظبي- يمكن فهمت الموضوع بشكل خاطئ - أو من سعادة القعقاع

القعقاع

بسم الله الرحمن الرحيم

استاذي الفاضل فيصل بالعكس انا من تلقيت المعلومه بشكل خاطئ اعتقدت انه تبقى من قرض السياره مبلغ بسيط ولذلك لن يقوم البنك باعطاءه برائه ذمه ولكن عند المراجعه تبين اخ حلم انه بالفعل يجب عليك ان تدفع بانقضاء الدين ولا يحق للبنك باي حال من الاحوال الربط بين قرض السياره والقرض الشخصي لتبرئه ذمتك وعليه فعليك ان تقدم لدى المحكمه جميع الايصالات التي تثبت سداد قيمة الشيك المطالب به وتثبت براءه ذمتك من الدين

شكرا للتصحيح استاذ فيصل


تحياتي

إذا كنت ذا رأي كن ذو عزيمة.... إن فساد الرأي أن تتردد

حلم بوظبي

اخوي فيصل واخوي القعقاع مشكورين ريحتوني الله يريح بالكم ويرزقكم الجنه