أم أحمد9

آمين يا رب ، وجزاك الله خير الجزاء وبارك الله بكم وشكرا جزيلا

علي الراعي

الشكر لله أولا واخيرا يا افندم
ونسأل المولى عز وجل أن ييسر امرك

من عَفَّ عن ظلم العباد تورعا..جاءته ألطاف الإله تبرعا

تحذير
إذ تحذر إدارة المنتدى أعضاء المنتدى الموقرين أن جميع الخدمات داخل المنتدى مجانا ولوجه الله ،
كما أننا نؤكد على أن تعامل أعضاء المنتدى مع اى من المستشارين القانونيين أو المحامين الأعضاء خارج حدود المنتدى بمقابل او بدون لأى من الخدمات فالمنتدى ليس مسؤولا عن هذه التعاملات ،

موظف مدفون

ممكن اقدم لج نصيحه اختي!


في بعض الرجال وبما اني منهم اعرف هالنقطه في رجال مايحسون بالزوجه والنعمه الا يوم يفتقدها يحس انه ارتكب غلط


تجاهليه فترة من الزمن وعطيه فرصه يفكر بينه وبين نفسه عسى ربي يهديه ويصلح باله وترجع الامور افضل من قبل


الله يسهل عليكم ويصلحكم

أم أحمد9

شكرا أخي الكريم على مرورك ونصيحتك "موظف مدفون" ، المشكله ان هو ما بيتغير ، عطيته وايد فرص قبل ما آخذ قرار الانفصال ، واتحملت وايد أشياء بس للأسف هو للأسوء ، ما شي فايده ، وأنا سويت اللي علي وزود ، والحمدلله على كل حال ، أبا أقل شي يصير لي الحين إني أعيش بسلام وأمان وراحه بال ، وهو ندمان الحين بس ما عاد يفيد ، اللي انكسر ما يتصلح.

موظف مدفون

ام احمد سمعي الله يحفظج


انا ماقلت لج هالنصيحه الا اني عارف الرجال وتفكيرهم ومابروح بعيد اختي نفس الموضوع وصلت للمحاكم والهجر وغيرها
وهجرت الزوج فترة طويله جدااا لين ماحضرته حس على نفسه وقال انا مابا اخسر عائلتي وانا غلطان وانا احبهم
صدقيني معظم الرجال نفس التفكير مابيحس بالنعمه الا يوم يفقدها خليه يفتقدكم فترة لين ماهو بنفسه يبادر باصلاح الامور
انا اعرف انج تعبتي وصبرتي كثير بس لاتنسين اجرج عند الله كبير ان شاء الله
انا لست باخصائي ولا قانوني مجرد فكرة نجحت وسط عائلتي وحبيت انج اطبقينها ولاتنسين الدعاء بعد الصلاوات
الله يفرجها عليج تفاؤلي خير وعسى ربي يرجع المياه لمجاريها وافضل من قبل


موفقه خير

أم أحمد9

يزاك الله خير أخوي " موظف مدفون" وبارك الله فيك ، انا اصلن بيت اهلي من 4 شهور مع اولادي ، وما يوصلني منه غير التهديدات والسب أمام ابنائي ويتهمني بأبشع التهم ويتكلم أمام الأبناء ، انا ما طلعت من البيت إلا بعد تفكير عميق ، وانا عطيته أكثر من فرصه يغير من اسلوبه معاي ، بس للأسف ما يقدر ، يتم يومين عقب يرد مثل ما كان ، غير الضرب امام الابناء واتهامات بالباطل ، حتى النوم ما أقدر أنامه مثل الناس ، يفزعني من نومي ويتكلم عن مواضيع غريبه عجيبه ويحقق معاي في أمور أقسم بالله إني ما سويتها ، وأحلف له على القرآن ، وما شي فايده ، قلت له اتعالج اللي فيك مب طليعي ، غيرتك مرضيه وشكوكك مب في محلها واقسم بالله ما شي فايده ، يصدق اللي في راسه ، وانا طلعت مع ابنائي عشان نرتاح ونعرف نعيش بهدوء وسلام بعيد عن الصراخ والنكد والهم ، ادعولي اني اطلق واعيش بسلام بعيد عن الهم ، واللع يوفقكم ويبارك فيكم ، وأقدر نصيحتك بس لو تعرف زوجي واللي بسويه بتقول لي لا تعيشين معاه ولا لحظه ، الله المستعان