مروان

أنا نجحت بس معدل التراكمي والفصلي نزل ( يعني أقل من 2 ) ..
السؤال :: إجباري أعيد المادة ؟

الشرطي

اخوي مش لازم تعيد اي مادة تقدر ترفع المعدل الفصل لياي..واذا تم المعدل نازل تقدر تعيد في الاخير

مروان

مشكور ع الرد

مروان

بس يوم سألتهم ف الجامعة قالوا إجباري اتعيد المادة

ياسيه

الله يوفقك اخوى

مروان

بس يوم سألتهم ف الجامعة قالوا إجباري اتعيد المادة

بحــــر

عسآك ع القوة أخوي يعتمد على إنت بأي جامعة ؟؟

والأفضل إنك تعيد نصيحة بتقولي ليش؟

لأن مثلا إذا إنت يبت d في أي مادة وبعدها الفصل الثاني خذت مواد غير ها المادة وبنقول الحمدلله إرتفع معدلك لكن مازال d موجود .

فراح ينزل من معدلك دائما حط في بالك إذا كان في معدلك الأكاديمي دي ولا إف راح ينزل من معدلك .

فإنت الحين ما عليك إلا أول شيء تستخير الله إذا تعيد إلمادة وأقولهآ عن تجربة إستخيــــــــــر الله في كل مادة تختارهآ شنو ماكانت. صدقيني بسهل عليك حتى على يدام بتلاقي إن الدراسة بتكون سهلة وحتى إذا كانت صعبة بتستغرب إنك بتكون هادئ ومرتاح لأن ببساطة الله إللي إختار لك .

بعدها دورلك دكتور مناسب ومتفهم ويعطي درجات على جهد الطالب وشغلة مهمة شرحة يكووون جيد جدا .

وإذا كنت في بداية مشوارك وساعاتك الأكاديمية شوية فبسرعة بترتفع وبتنزل بس عاد بعدين على يدام إذا زادت ساعاتك الأكاديمة فبكوون نسبة الزيادة والنقصان مو كبيرة ومو لازم تعيد .


أتمنى وضحت لك وإذاعندك أي سؤال شنو ما كان صغير إسأل بدون تردد ..

عساااك ع القوة وموفق

قانونية وافتخر

السلام عليكم ورحمة الله وبركاته..


أنا مع أختي بحر ف اللي قالته .. لكن سؤال .. منو اللي قالك إجباري أتعيد وانت ناجح ؟؟؟!!!!!

الاعادة الاجبارية لدجة الرسوب فقط (( f )) ..

إذا عندك (( d )) ،، فالأفضل إنك اتعيده من البداية وما اتخليه لآخر كورس ،، وحاول اتقلل من المساقات للكورس الياي عسب تقدر ترفع المعدل .. يعني إذا كنت تاخذ 6 مساقات خليها هالكورس 5 أو 4 .. طبعا أنت أدرى بالخطة اللي انت ما شي عليها فحاول إنك ترفع معدلك بحيث تتخرج بمعدل جيد أو جيد جدا ..

بالتوفيق أخوووي ..

،

المحامي العام الأول

السلام عليكم الاخ تفضل ان تعيد بل واحيانا يلزمك المرشد الاكاديمي او الجامعة بأعاده المساقات لان نزول المعدل التراكمي عن 2 مؤشر خطير جدا وسيؤدي الى حصولك على الانذار لاكاديمي الأول ومن ثم الثاني واخيرا الثالث الذي قد يؤدي بك ايضا الى لطرد من الجامعة لا قدر الله او تغيير التخصص احيانا عند الانذار الثاني او الثالث بحسب سياسات الجامعة .. وشكراااااا ونتمنى لك التوفيق بأذن الله تعالى .

مـــحامي متدرب ....

والله المستعان !!

بنوته قانونيه

مادري شقول بس مادام قالولك عيد عيد .. واختار مساقات سهله وريح نفسك من التفكير واهم شي العزيمه

|| .. علمـت ~ ان رزقــي .. لايذهب لغيـريفاطمـأن قلبـي .

|| .. وعـلمت ~ ان عـمـلي لايقوم .. به غـيري فاشتـغلت بـهوحــدي ..