om malas

نا متزوجة من ثمان سنوات واتزوجت عن قصة حب ولم اكن ادري انو الايام حتثبتلي اني كنت مخطئة من الشخص الي اخترتو واتحديت عليه ناسي واهلي، بعد الزواج اجينا انا وجوزي عالامارات وابتدانا حياة العمل، وطبعا المدخول عمبيزيد وصار جوزي يطلع برا مع اصحابو عالبيران ويشربو خمر ويرجع متاخر باليل وطبعا يكون مثمول وريحتو بتزعف وكمان بيعمل مشاكل وتم على هالمنوال فترة، بعدين قالي خلاص انا مش حطلع برا بس المصيبة الاكبر صار يجيب خمرة عالبيت كل ليلة ولا ليلة بيقعد من غيرها حتى حملت وجبت بنت وقلت اكيد لما يشوف بنتو حيبطل شرب بس مافيه فايدة صارت البنت هلا عمرها 4 سنوات وهو بيشرب كل ليلة قدامها ومن الشرب مزاجو ديما بيكون معكر ومابيحمل ولا كلمة على كلشي بيعمل مشكل ويشتمني بكلام بذيئ ويضربني كمان ضرب فادح وبنتي المسكينة بتضلها تشوف ومرعوبة، 8 سنوات ما وقف الشرب يوم ماعدا في شهر رمضان مابيشرب خمرة بس مايصوم قال مابقدر يصوم عشان بيدخن، من شهر كان سكران وضربني اخذت بنتي وهربت من البيت واتصلت بامي حكيتلها كلشي وهاي اول احكي، راحت اتصلت بيه وبختو وصار هو بدور علي زي المجنون ويتصل بي 70 مرة بالدقيقة عشان ارجعلو وحلف انو ما عاد يشرب ولا يضربني واتصل بكل أفراد عيلتي عشان يقنعوني ارجعلو ووعدهم هاي اخر مرة يسوي هيك وطبعا كان يبكيلهم وخبرهم انو مابقدر يعيش بدوني، فرجعت للبيت كرمال امي بس، كنت ضانة انوحينفذ وعدو بس كان كذاب ماوقف خمرولا ليلة وصاركل ما يسكر يعاتبني يقلي لا تفكري انو انا مسامحك على عملتك هربتي من البيت وفضحتيني قدام عيلتك وطبعا كل ما يقلي هيك بيضلني ارتعش من الخوف واقول خلاص اليلة حيقضي علي لانو بيكون مش بوعيو بس عدا شهر ماضربني ومن يومين صارت بيناتنا خنائة وكان صاحي ملنو شارب سبني وشتمني وشرع ايدو بدو يضربني، الحين يا اخواتي انصحوني انا هلا كرهتو وماعاد حتى اطيق انام معو من ريحت الخمرة، انصحوني شو اعمل بدي اعيش زي الناس فرحانة لسة عمري 31 سنة وشايلة هاذ الهم كلو والله كل مايجي من الشغل احزن عشان عارفة شو رح يصير حتى يوم اجازتو مانطلع برا بيضلك يشرب بالبيت ولو طلعنا بيكون سكران ملنو حامل اشي. خلاص أنا عوزة قدم قضية طلاق بس خايفة منو يسويلي شي ماعاد مستحملة أعيش معاه يوم صار خطر الي ولبنتو دلوني شولازم أعمل خلع ولا شو

علي الراعي

الأخت الكريمة
بعد التحية
تحية كبيرة على صبرك وعنائك معه
إلا اننى فقط أنظ إلى مصلحة البنت الصغيرة ، ولا أقول انه يستوجب عليك الإستمرار على هذه الحياة
ولكن
يمكنك الضغط عليه بأدوات من خلالها قد تعيده الى مساره الطبيعى وحياته الولى ومنها على سبيل المثال لا الحصر أنتى وابنته نقطتى ضعف له ، لا يمكنه العيش بدونكما .
هذا بالإضافة إلى أن حديث يبين بوضوح شديد أنك ما زلت مرتبطة به عاطفياً ، أى أنك ما زلت تحبينه الشخص الذى ارتبط بك دون الأفعال الجديدة والتغييرات عليه .
ولذلك
حاولى فقط الضغط عليه بإنتقالك والبنت للإقامة مؤقتاً لدى والدتك ، وعند محاولته إرجاعك يجب أن تكونى حازمة معه ،
كما يمكنك الحصول منه على شروط مكتوبة بما سيتم الإتفاق عليه
وهذه الشوط المكتوبة سيكون لها فائدة فيما بعد إذا لا قد الله لم يتم التوافق .
ونرجوا موافاتنا بكل جديد .
وبالله التوفيق

من عَفَّ عن ظلم العباد تورعا..جاءته ألطاف الإله تبرعا

تحذير
إذ تحذر إدارة المنتدى أعضاء المنتدى الموقرين أن جميع الخدمات داخل المنتدى مجانا ولوجه الله ،
كما أننا نؤكد على أن تعامل أعضاء المنتدى مع اى من المستشارين القانونيين أو المحامين الأعضاء خارج حدود المنتدى بمقابل او بدون لأى من الخدمات فالمنتدى ليس مسؤولا عن هذه التعاملات ،