حقوقنا مهضومة

والله يا اخوان انا قبل كنت اسمع انه المطلقات ينظلمون بس ماكنت اصدق بس يو طحت فيها عرفت انه كل كلمه صدق
بصراحه مهما سوا الريال هو الربحان كيف مادري على كثر القوانين اللي معانا بس في قوانين وايد ضدنا
يعني بالذمة الحين الاب احن على الولد من امه؟؟؟؟؟؟؟؟؟؟؟؟؟؟؟؟

وعلى اي اساس تسقط حضانة الام يوم يكمل 11 سنة انا ابا افهم تراها امه ياعالم كيف تسقط حضانتها يعني ماقالوا تسقط عنها الحضانه عنها يوم هو في بطنها وتعبانه وشالته تسع شهور خل الريال يشيله ببطنه اذا يقدر والله المحاكم يتغاضون عن اشياء وايد بلاخير انا امه

يعني الريال مايدري عن ولده خير شر ولايصرف عليه وبالنهايه الحضانه تروحله كيف جي فهموني وعلى اي اساس نحن نتم بلازواج جي ايد ورا وايد جدام ماتعرس لانه تبا ولدها عندها والابو يسرح ويمرح ويعيش حياته الله ماخذ منها هالحق ليش هم ياخذونه يعني تبونا بالحرام

وانا اتمنى انهم يعيدون النظر في هالقوانين اللي ابدا ما نصفتنا ولا عطت الامهات حقهم ابدا وعالنفقه والله انه نحن نتبهدل ونتلعوز والريال قاعد راقد في بيته وقوانين الضبط والاحضار ماتنفع في بعض الاحيان

واسمحولي بس الساكت عن الحق شيطان اخرس
والله يعين كل مطلقه ويستر ع بنات الناس يارب