قانونية وافتخر

وعليكم السلام ورحمة الله وبركاته..

مم انا لما قريت موضوعك تذكرت وضعي قبل شهوور كنت في دوامة شراتك ولنفس الأسباب واااايد فكرت اني ما ادرس صيفي وأكمل الدراسة ع الكورس هذا عسب أرفع المعدل كلهم نصحوني آخذ صيفي مع العلم إني خذت 3 مساقات يعني زاد علي الخوف إن المعدل بينزل وما بيرتفع وكنت أشوف حلمي يتلااااشى يدامي.. بس اتوكلت على الله وشديت حيلي والحمد لله ارتفع المعدل للمستوى المطلوب .. وما اتخيل ابد اني للحين ياسة أدرس (الحمد لله)


مع العلم إن أغلب اربيعاتي اللي وياي ارتفعت معدلاتهم في آخر كورس يعني إذا معدل كسور بإذن الله بيرتفع وبيصير عدد صحيح ..


فإذا انت فبالك انك اتييب المعدل واتم كورس كامل لغرض غير مضمون ممكن يتحقق وممكن ما يتحقق فنصيحتي لك إنك اتشد حيلك وتمتحن وربي يكتب لك اللي فيه الخير بإذن الله ..


بخصوص النيابة العامة .. صاحب الخبرة استاذ سعيد ما قصر عطاك الزبدة .. ممكن تلتحق بالدورة بالواسطة وممكن بالحظ اتوكل على الله ..

أما بالنسبة للماستر سمعت والخبر من مصدر موثوق إنه بينزلون المعدل المطلوب للقبول ف يالماستر من 3 إلى 2,5 بس ما أدري متى بيطبقون هالشي .. بإمكانك التأكد من العميد .. أو الدكتور مجدي شعيب لأنه ملم بهذه الأمور..


بالتوفيق أخي الكريم..

،