فاتحين بلاغ بدون دليل
هلا خواني و خواتي
انا بغيت أتكلم عن موضوع اللي استوالي يوم الخميس رافعين قضيه علي من اخو ريلي و حمياتي
دخلو علي المستشفى وهددوني وسبوني وبنتي توها مسويه عمليه ما كنت متفيجه حق شي اخر شي خليت سيسترات يطردونهم من الغرفه انا لي الحق ارفع عليهم بلاغ بس متفيجه حق المشاكل المهم اتصلو فيني من المركز انهم فاتحين عليج قضيه بتهمه انج سبيتهم بدون السبب وهم مب مسوين شي انا ماذكر التفاصيل شو استوى من القهر فيني كلمت ريلي ماذكر شو قلت له يمكن هو سار قايلهم شي عني
يمكن من مسجات بيني وبين ريلي
بس مسجات من تلفون ريلي انمسح يعني يقدرون شرطه يسترجعون مسجات ولا
انا اللي اعرفه اخو ريلي ساير فاتح بلاغ و ماعنده دليل
يستوي يعني يرفع علي قضيه ولا كيف
لو عنده دليل
يتريه ريلي يسير عسب يشهد وياه و مسجات اللي بالتلفون انمسح
يعني ف حكم على هالشي ولا ؟
شو اسوي او كيف اتصرف
شو بيكون عقوبتي
أتمنى أنكم تساعدوني