ضــرـوري
 

السلام عليكم ..السلام عليكم ورحمة الله وبركاته
شحـالكم عساكم بخير وصحه !

اممم المهم سجلت ف ج ــآمعه عجمان قسم القانون ..
وخترت المواد هذه ..

1- المدخل لدراسة القانون .
2- مبادىء علم الاقتصاد .
3- الارشادات الاكاديمية .
4- اللغه العربية .
5- الثقافة الاسلامية .

شرايكم بج ـدول ..


((بصراحه انا مب عايبني الجدول)) وبالاخص المادتين الاخيرات ..

ابي من إلي عنده خ ـبره يفيدني ..

وشكررا

ياليت لو ماتحط مباديء اقتصاد حاليا
خذ مثلا عقوبات عام 1
او معاملات مدنية 1
ثقافة اسلامية روعة
مهارات الاتصال باللغة العربية بعد وايد اوك

والله يوفقك اخوي

مدني 1 ما تقدر تسجله لازم تكون مخلص مدخل
انا هم اضم راي لراي قانونية 1 شيل الاقتصاد و حط بمكانه عقوبات عام 1
بالتوفيق ان شاء الله

السلام عليكم ورحمة الله وبركاته
أنا رايي انك ضروري تاخذ تاريخ التشريع الإسلامي لأنه بيفتح لك مواد ثانية بعدين وبالنسبة للإرشاد الأكاديمي لا تحسبه مادة كأنه مو موجود وبجذه بتكون ماخذ 4 مواد
بالنسبة للغة العربيه و الثقافة الاسلاميه مادتين اجباريات رايي خذ وحده بس عشان بعدين كل كورس تاخذ وحده ويامواد التخصص ومثل ماقالوا الأخوات فوق أفضل تاخذ عقوبات عام 1 لأنه يفتح مواد ثانية بعدين وبالنسبة لعلم الاقتصاد ما يضر لو خذته احين او اخرته المهم انه يكون عندك وقت للدراسة ما تكون موظف مثلا وما عندك وقت
وربي يوفق الجميع

المدخل اكيد لازم تاخذه وسهل

اقتصاد ماانصحك به صعب شوي

ثقافه وعربي حلوين بيرفعون معدلك

الارشاد تاافهه وشكرا

وعليكم السلام ورحمة الله وبركاته

جدولك تمام أخوي بس لو اتضيف مساق جديد القانون الدستوري مثلا !!

اعتقد ان ما يقدر ياجد عقوبات والتزامات لأن المدخل يفتح هالمساقات ؟؟!!

لازم تاخذ مساقات مساعدة مثل الثقافة والعربي عسب معدلك يصير امتياز..

واسعى لهالمرتبة ممن أول فصل وان شاء الله توفق :)

لا اختي قانونية العقوبات عادي يدرسه وية المدخل لان المدخل يفتح المدني بس
و يقدر يسجل تاريخ التشريع الاسلامي يفيده بالمساقات الجاية