|
مبرووووك ربحت 200000درهم
هلا توه ياني إتصال من رقم موبايل ،مسكول حتى يقولي إحنا من الإتصالات الكول سنتر "خدمة المتعاملين" ومبروووك انتي ربحتي 200000درهم من الإتصالات،فسألته دامنه من الإتصالات ليش الرقم الي يكلمني مش رقم الإتصالات ليش رقم موبايل،فقالي :مدااام ..إحنا نتصل من الإتصالات بس تلقائيا إيي هذا الرقم :eek: ،"شوف كيف يستخفون بعقولنا"،المهم قالي خذي هذا الرقم وهو كان عباره عن خمس أرقام وقارنيه بالسيم كارد الي عندج وردي إتصلي فينا عشان انقولج الإجراءا عسب تستلمين الشيك ب200000درهم ،فسكرت عنه واتصلت فالشرطه الي أكدوا شكي انه هذا نصب وقالي طلب منج انه ترسلي له 1000 ويلا 500 درهم قلت لأ أنا على طول إتصلت لكم.، الشاهد من الموضوع انه في عملية جديده للنصب اتصير فالحذر من أي رقم لأنه من كلام الشرطه انه في ناس صدقوا الموضوع وأرسلو مبالغ لهم،فإذا حد ياله مثل هالمكالمات يتصل على 042036341 ،بس بيني وبينكم فرحني اشويه يوم قالي ربحتي ال200000درهم:D |
هذوووووول نصابين
ذكرتيني بوحده اتصلو لها وقالو حقها اونه انتي ربحتي معنا مليون درهم بس طرشي لنا رصيد 4000 درهم وهي الحبيبه ع طول طرشت لهم 2000 وقبل لا اطرش الباجي جان ايي ابوها وقال انتي شو اسوين هذول نصابين ولا وهذاك الحبيب يتصل بعد يقول طرشو الباجي ويوم خبرو الاتصالات والشرطه قالو نحن ما نقدر انسوي شي |
وأبوي بعد صاار له نفس الموقف بس كان الاتصال من الخارج بس أبوي فاهم الموضوع وسوالهم طاف ^^
تسلمين خيتوو عالتنبيه .. |
اختي المره اليايه قولي حق اربيعتيج يوم يطلب منها بيزات ،يقصهم من البيزات الي بيطرشهم لها;)،ويعني ماأدري دامنه عندهم هالبيزات حق اشوه يطلبون منا انه انطرش لهم مبلغ عشان يطرشون لنا هالجائزه الوهميه:confused:،أنا بس ضحكت مره امطرشين لي على الإميل اسمي بالكامل واني ورثت6000000 مليون دولار وأونه قايبلين لي هالميت الي وصاهم هالوصيه وأنا طنشت مره مرتين وطرشولي حرام هاذي وصيه ميت،فطرشت له قلت له لا اتعب عمرك ماعندي ولا فلس ،فماطرش لي شي عقبها ههههههههه:D |
هيه اختي العسل ،الحين حاطين عينهم على الإمارات وللأسف بعضنا يشجعهم بالإستمرار بتصديقهم لهم |
ام بسام ربحتي معانا حليب لبسام و شويت بامبرز وسريلاك
ارسلي قيمتها وانا بارسلج الهدية خخخخخخخخخخخخخخخخخخخخخخخخخخ |
تستاهلين ام بسام ال 200 درهم قيمة البامبرز والحليب ههع شفتي هاذي بدل العزيمه .. كريم المعرس ههع |
| الساعة الآن 02:52 PM. |
Powered by vBulletin® Version 3.8.9
Copyright ©2000 - 2024, Jelsoft Enterprises Ltd.