استشاره في تخصص القانون !!

[ms.koke]

السلام عليكم ورحمه الله

شحالكم اخواني و خواتي ..

بغيت استشيركم في تخصص القانون ..

هل هو صعب او لا ..

لان ابا ادش تخصص القانون والكل احبطني الصراحه ..

وسمعت ان في اكتفاء في تخصص القانون .!؟ .. هل هذا صحيح ؟؟

وبغيت اسأل اهل الخبره ..

و السموحه :)

[المحامية نوال زايد]

عليكم السلام ورحمة الله وبركاته اختي وحياج بيننا ..

بالنسبة لتخصص القانون كغيره من التخصصات الجامعية يبيله دراسه واجتهاد ومذاكره ، واذا كنتي حابه المجال فعلا بتبدعين فيه ومابتحسين باي صعوبه ابدا .
لاتسمعين كلام اللي يحبطونج لانهم ماجربوا دراسته عشان يحكمون عليه ، وطبعا لكل انسان رايه الشخصي للامور .
من قال ان في اكتفاء في تخصص القانون بالعكس اختي الدولة محتاجه قانونيين في مختلف مجالات الحياه سواءا الحكومية او الخاصة وطبعا مستحيل نكتفي من المحامين اللي انا منهم ههه :cool: او القضاة او وكلاء النيابه ، ومثل ماقلت مافي دائرة او وزاره او شركة الا وفيها قسم شؤون قانونية فاكيد مستحيل يكون في اكتفاء .

اما اذا قصدج اكتفاء في الجامعات فاكيد مستحييييل حاليا تخصص القانون موجود في اريع من اكبر الجامعات الموجوده في الامارات واكبرهم طبها جامعة الامارات الموجوده في العين .

ان شاء الله اكون جاوبت على سؤالج واقنعتج بتخصص القانون ، واذا عندج اي اسئلة حاضرين ومابنقصر معاج ، تقبلي تحياتي :)

[ms.koke]

LAWYER (http://theuaelaw.com/vb/member.php?u=112)

مشكور اخويه عالدعم .. ^^

و يزاك الله ألف خير ^^

بس انا بدرس القانون في كليه مالك بن أنس و اجباري ندرس معاه شريعه ..

من جي بعد خايفه ان يكون علينا ضغط ..

بس ان شاء الله خير ..

[المحامية نوال زايد]

العفو اختي ms.koke هذا واجبنا :cool:

وبالنسبة لمواد الشريعة فهي اقل من مواد القانون طبعا ، وفيها مواد سهلة ان شاء الله .

وعلى فكرة في جامعة الامارات درسنا شريعة وقانون والحمدلله مشينا وعدينا ههه ;)

وان شاء الله تلاقين حد من الاعضاء يقدر يفيدج بالنسبة للكلية اللي ذكرتيها ونظام الدراسة فيها .


تقبلي تحياتي :)

[ms.koke]

ان شاء الله على خير .. ^^

[الباحث الاماراتي]

الله يسهل لك امورك وبالتوفيق مقدما ان شاء الله

[حوراء]

تخصص حلو ممتع والصج اشوفه يبيله شخص له خلق يمخمخ

لان هناك معلومه خطأ × خطأ عن القانون بان القانون حفظ
خطأ , القانون فهم مش حفظ والي يحفظ ينسى لكن الي يفهم تتوسع مداركه وما ينسى ويكون فاهم

تخصص حلو
وبالنسبه للاكتفاء الله يخليج وين اكتفاء
صحيح ان عدد الطلبه الي يدرسون وااااااايد بالالاف
ولكن هل كلهم فعلا يكونون قانونيين بعد التخرج ؟ اقصد هل كلهم يشتغلون في المجال القانوني بعدين ؟
لا
اغلب البنات ياخذون الشهاده لمجرد المسمى بانها شهادة جامعيه فقط والاسباب واجد مثل تحفظات الاهل على طبيعة دوامها
اما الشباب بعضهم له طموح والبعض الاخر الاغلبيه مجرد شهادة جامعيه عشان يزيد الراتب
هذا الواقع

يلا ادخلي التخصص ماعليج من كلام الناس دام انج حابته بتبدعين فيه وان شاء الله نشوفج اااااد الدنيا و تكون لج بصمتج و تقدمين شي جديد فهالمجال

دعي الخلق للخالق وتوكلي عليه

[قانونية وافتخر]

كفيتي ووفيتي أختي حوراء .. فعلا تخصص القانون تخصص رااائع بمعنى الكلمة..

ولازم تفهمين عسب تحفظين..

وما يخفى عليج فالتخصص مب سهل بس لأن ناخذه بالتدريج (حبة حبة ) فيسهل علينا ويباله طبعا مذاكرة أول بأول..

وربي يوفقج يا قانونية المستقبل :)

[ms.koke]

حورا و قانونيه و افتخر

مشكورات فديتكن عالدعم و النصايح ^^

انا حاليا سجلت فالجامعه و ان شا الله خير

[شموخ دبي]

يالتوفيييق اختي
واذا احتجتي لأي شي ترا نحن في الخدمه..
أسأليناا ولاتستحين

[ميس اليقنت]

انا بصراحه اموت فهالتخصص وايد عيبني وانصحج تدشينه