ممكن استشااارة

[ريماس الدلوعة]

السلام عليكم ورحمة الله وبركاته

أخواتي وأخواني أبا منكم تفيدوني بهالموضوع يخص اربيعتي في وحدة اشتكت عليها انها هي تتصل عليها وتسوي لها ازعاج ومن غير هالشيء اونه اطرش عليها شباب ومن هالخرابيط واربيعتي متأكدة انه هالشيء ما صار تقول عمري ما اتصلت عليها ولا تعرفها اصلا بس يوم راحت وحققوا معاها قالوها في دليل على كلامها انها متصلة عليها فنصدمت تقول يمكن دقت علي ورديت دقيتلها بس اتصل حق وحده بس اتصل فيها وانا اعرف منو هاي للازعاج عمره ما صار فحولوها حق وكيل نيااابة فقال لها وقعي على تعهد طبعا رفضت توقع على تعهد فقالوها بيستغرق الموضوع شهور

شو رايكم توقع والا تتحول محكمة ؟

[طالبة قانونية]

عليكم السلام ورحمة الله وبركاته
الله يكون بعون صديقتج ويخلصها من هالازمة
راي الشخصي توقع على التعهد احسن من المحاكم ومشاكلها ولا تنسين قد تضيع سمعتها مع وجود الصحافة يعني مساوء المحاكم اكبر من محاسنها
وممكن تستفيدين من راي الاعضاء الاخرين فكل واحد اله رايه الخاص بيه

[بوحمدان]

الراي رايها أولآ واخيرآ
لكن خل تحط في بالها إن :-

1 : طريق المحاكم صدعة راس و بيطول , ومدامها واثقه من عمرها , تدخل من هذا الباب , مدام مافي اي اثبات ضدها , بل بالعكس بعدين بتطالب برد اعتبار .

2 : توقيعها على ( التعهد ) يعتبر اقرار منها انها ارتكبت الفعل الفلاني , اللي تعهدت بعدم تكراره !!

[ريماس الدلوعة]

مشكورين على الرد بس ممكن تعطوني اسامي محامين من بوظبي لانها تبا توكل محامي واصلا محد يعرف من اهلها

[z3beel_uni]

انا من راي انها ما اتوقع على التعهد طالما هي متأكدة انها ما سببت اي ضيج للبنت او ما غلطت عليها
زنفس ما قال بوحمدان (____((((((((توقيعها على ( التعهد ) يعتبر اقرار منها انها ارتكبت الفعل الفلاني , اللي تعهدت بعدم تكراره !! ))))))))))))))))))))


وعقبها تقدر اطالب برد اعتبار

وبالنسبة للمحامين تقدر تدخل ((google)) وتدخل على المحامين في الامارات وبتطلعلها لستة عوودة وتتنق هي عقب

او عندج المحامين الي في المنتدى بساعدونج انشالله

[ريماس الدلوعة]

يعطيكم العافية

[لحن_المفارق]

اختي تقدرين اتروحين الاتصالات و تاخذين كشف بسجل مكالماتج الصادره على سبيل المثال لاثبات انج ما اتصلتي عليها...بيكون كدليل لج....

[ريماس الدلوعة]

راحت وقالوها ما يصير لان بطاقتها مدفوعة بس الشرطة هم الي يقدرون يطلعون الكشف الله يفرجه عليها يارب بس أخواتي لان تعرف تكلفة المحامي كم لان هي ما تبا تتلته بالمحاكم على موضوع ما يستااهل وبليز الي تعرف محامي اوكي بالتعامل ويقدر ايييب حقها خبروني وجزاكم الله خير صح اني اقدر اطلع لها من النت بس ابا محامي يساعدها ويطلعها من الموضوع باسرع وقت ممكن

[ريماس الدلوعة]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[المحامي مؤمن صابر هشام]

راحت وقالوها ما يصير لان بطاقتها مدفوعة بس الشرطة هم الي يقدرون يطلعون الكشف الله يفرجه عليها يارب بس أخواتي لان تعرف تكلفة المحامي كم لان هي ما تبا تتلته بالمحاكم على موضوع ما يستااهل وبليز الي تعرف محامي اوكي بالتعامل ويقدر ايييب حقها خبروني وجزاكم الله خير صح اني اقدر اطلع لها من النت بس ابا محامي يساعدها ويطلعها من الموضوع باسرع وقت ممكن




السلام عليكم

ارى ان الموضوع بسيط وكما ذكرتى انت موضوع لا يستاهل

اتركى الامر لرب العالمين طالما انك تستطيعين ذلك

تحياتى

[ريماس الدلوعة]

الموضوع بسيط بس الحرمة وايد مرعووبة وخاايفة ما خبرت اهلها وخايفة تخبر ريلها اهلها صعبين شوي الله يعينها والله قالولها الموضوع بطول بالشهور والمشكلة الأكبر حاجزين جوازها أنا صراحتا ما اتصور وحده بهذي الوقاحة احنا توصلنا ارقااام بالهبل يوميا ما وصلت لمراكز شرطة بس حسبي يالله ونعم الوكيل فيها

[uae433]

من راءيي أنك تقعدين مع البنت جلسة ودية تتأكدين أنها ماغلطت أو مافيه أحد أستعمل موبايلها خلال الفترة اللي تتدعي الثانية انها تعرضت للإزعاج

1 - لو البنت متاكدة من أنه ماحد استعمل موبايلها للأزعاج لا توقع و لاتحاتي المحكمة بتعين لها محامي

2 - لو فيه شك أن في حد استعمل موبايلها تحل الموضوع وديا وترا الموضوع مايستاهل

[ريماس الدلوعة]

لو أنا عن نفسي شاااكة ومحتارة في الموضوع المهم قعدت وياها كم مرة تحلف انها ما اتصلت نهائيا حتى شكت بعمرها وأقولج ثلاث مرات تروح اتصالات تبا تشوف الكشف قالولها ما يصير لان بطاقتها مدفوعة بس مركز الشرطة يقدرون يطلعونه بس هي يحليليها تقول ما أتصور حد يشتكي على حد على الفاضي تقول عمرها ما تضاربت وياها وما صار بينهم شيء حتى يوم سالها المحقق شو سبب الخلاف يخليها تقول هالكلام قالت ما اعرف المشكلة التحقيق بطول بالشهور ...........

بس لو فرضنا حد استخدم مبايلها واتصل عليها شو بتكوون عقوبتها لان وجود الرقم بكشفها قالها المحقق يدينها شو رايكم شو عقوبتها ...........

ومن حقهم يحجزون على جوازها وهم مب متأكدين من صحة الموضوع .........

[همس الجرووح]

والله انا لو مكانها بوقع عالتعهد واشل جوازي واقطع علاقتي بهالبنت وانتبه على موبايلي وما اخلي حد يستخدمه

حتى لو هي متأكدة انها ماسوت الشي بس يتم احسن عن سيرات المركز والنيابه والمحكمة والجلسات والمحاميين وصدعة الراس وغير الضغط النفسي

انا جربت هالموال في مشكلة اخوي وشي ما ينوصف ،، والله قوليلها وقعي وافتكي ولا تيين صوبها عقب وانتي والخير رباعة ...


والله انا ظروفي المادية تعبانة والمحاميين رسومهم ضووووو ، بس يزاه الله خير استاذي العزيز مؤمن صابر ماقصر بتوجيهاته حقي ودلني عالطريق الصحيح ،،

[The.Advocate]

أذا كانت متأكدة ، فتطلب من النيابة العامة تمكينها من الإطلاع على الكشف في الإتصالات ، و في حالة التأكد من أنها ليست صاحبة الإزعاج ، سيقرر وكيل النيابة حفظها إداري أو سيصدر فيها قرار بأن لا وجه لإقامة الدعوى .