علم اجرام وعقاب

[ريماس الدلوعة]

السلام عليكم ورحمة الله وبركاته


أتمنى انكم تساعدوني أبا ادرس مادة علم الإجرام والعقاب اي جامعة من جامعات الدولة وأبا ادرسها بالصيف وأو أبا أي مادة تعادلها لو سمحتوا


والله يعطيكم العافية

[محمد ابراهيم البادي]

عليك التواصل مع الكليات او الجامعات التي تدرس القانون على ان تكون الساعات معتمدة في جامعاتك
مثل جامعة الشارقة
جامعة عجمان
جامعة العين للعلوم و التكنولوجيا
كلية الامام مالك
الجامعة الاميريكية بدبي

[ريماس الدلوعة]

تواصلت ويااااهم بس للأسف ما في ولا جامعة طارحة هالمادة بالصيف مشكور اخوي

[شموخ دبي]

مرحباا فديتج
هالماده موجوده عنا في جامعه الشارجه بس للأسف ماتنطرح في الصيف لأنها اظني اختياريه مب اجباريه
ماعرف والله

[قانونية وافتخر]

مرحبا عزيزتي.. علم إجرام وعقاب مساق إختياري وما ينطرح إلا إذا تم تقديم طلب من قبل الطلبة على الرغبة في دراستها يعني أنا دفعة 2007 ومن ذاك الوقت ليومج هذا ما انطرح عندنا إلا مرة !!

انتي عندج فكرة عن المساق؟؟

المساق فيه واايد نظريات ويدرس الجانب النفسي للجاني ودوافعه النفسية للإقدام على ارتكاب الجريمة ووو..
أنا اربيعتي خذت المساق قالت إنه نوعا ما ممل وشوي فيه صعوبة،، والأنسب إن ينطرح لطلبة علم إجتماع وعلم النفس!!

بالتوفيق :)

[ريماس الدلوعة]

مشكورين على ردودكم بس انا مجبوره أخذ هالمادة وما أظنتي في جامعة تفتح كلاس علشاني

[شموخ دبي]

هاااي
انا ربيعتي اتقول خذته في كليه الشرطه اللي حذاال مينا السلام
بس مايطرحوون صيفي
انتي لازم تاخذينه صيفي ماترومين تاخذينه وقت عادي؟
و ربيعتي اتقوول انه ممل بس مب واايد صعب..

[ريماس الدلوعة]

مشكورة الغالية والله افتر راسي من كثر ما اتصل كل شوي جامعة لا واتصل للجامعة الوحده اكثر من مرة قلت يمكن يغيرووون رايهم انا سمعت انها تنطرح في المعهد القضائي بس بعد قالولي لازم يكوون عندي بكالوريس علشان آخذها عندهم


الله كريم