للي خلصو ماده مصادرر الإلتزام 1

[شموخ دبي]

مرحبا كلكم
عندي إمتحان مصادر الإلتزام 1 في تاريخ 25 - 5
ومن ألحين أحس عمري جد ظايعه
كارهه الماده حيييل...على فكره انا من جامعه الشارجه
فاللي عنده أسئله متعلقه بالماده يعني ممكن انها اتساعدني ع المذاكره مايبخل علي
عن أي شي..الموجود عندكم
لني حاااسه اني بمووووت :(
وثانكس مقدما

[لحن_المفارق]

اخت شموخ الماده هذي من ابسط المواد ... اذا ما فهمتي من شرح المحاضر افتحي الكتاب و اقري اشوي بروحج بتفهمينه ...... و اذا كان عندج اشكاليه في نقطه معينه اسالي و انشاء الله الاخوان اهني ما بيقصرون....بالتوفيق

[شموخ دبي]

انا هالماده بطلع لي شعر ابيظ الصراحه
بتيب لي الجلطه
انا فاهمتنها عادي بس ابا جي أسئله اتساعدني ع المذاكره
الله يعين..انا من أحين يالسه احاتي مصادر 2

[فيصل الحوسني]

سؤال ع السريع ينشط الذاكرة ،،،

ما الفرق بين انعقاد العقد والمحل غير موجود وبين هلاك المحل بعد انعقاد العقد ؟؟؟

[شموخ دبي]

اممم اظني يجب ان يكون المحل موجودا وقت العقد او ممكنا
وإذا هلك المحل يحق للمشتري طلب الفسخ و يحكم له بالتعويض؟
ماعرف والله احس اني يالسه اخرف
شو هالأسئله اللي تصررررع

[فيصل الحوسني]

الإجابة صح ،،، لأن المحل يعتبر ركن ولازم يكون موجود وقت التعاقد أو ممكن الوجود في المستقبل فإذا كان غير موجود قبل التعاقد يعتر العقد باطل لأنه نقص ركن من العقد

وإذا هلك المحل بعد التعاقد ينفسخ العقد

يعني ما شاء الله عليج اوكي في الالتزامات،،، فليش مخوفة عمرج ،،، ع فكره ها سؤال دقيق جداً يعني ممكن يخربط فيه أي طالب


تقبلي مروري

[شموخ دبي]

صدق والله صح؟؟؟
لأ لأ لأ انا مب مصدقه
ماشالله علي طلعت شاطره وانا مادري
اللي عندهم أسئله زياده يسألوووون..وانا انشالله بجاوب بدون ما أفتح الكتاااب..اماانه

[قانونية وافتخر]

أختي تبين أسألة ؟؟

شوفي وحدة من البنات اللي مخلصين المادة وماخذينه عند نفس الدكتور واطلبي منهم نماذج الإمتحانات وحليهم .. أظن الطريقة هذي أحسن بدل ما اتوترين نفسج..

بالتوفيق :)

[شموخ دبي]

وليش عبالج البنات يعطونا ويه؟؟
كل وحده مايهمها إلا نفسها
وانا الصراحه مابا اذل عمري عند حد
لن الصراحه اكتشفت ان كلهم لو عندهم مكتبه اسئله مابيعطوني
انا جد عصبت

[قانونية وافتخر]

لا فديتج غلطانة.. أنا وربيعاتي طول هاي المدة انوزع أسألة الامتحانات لربيعاتنا ،، وممن فترة عطيت لوحدة من بنات سنة أولى صورتهم وردتهم لي..انا عندي مكتبة أسألة ع قولتج جان تبن فاطلبي وما بقصر وياج..

بس رجاء ما أبي أسمع منج هالكلام لأنه جد يزعل..

وبالنسبة لمصادر إلتزام ممم الدكتور اللي درسني طلع من الجامعة وانتي اللي يدرسج ... ،، بس جان تبين بعطيج..

وتقدرين بعد اتروحين الثقة وتطلبين نماذج إمتحانات للمساق اللي تبينه عاد انتي وحظج ..

بالتوفيق :)

[شموخ دبي]

انشاالله ألقى
بس جد أنا سألت أكثر عن وحده وأنا متأكده ان عندهم بس يستهبلون ويقولون ماعنا
زين إذا عندج أي أسئله كيف اروم اخذهم منج؟؟ لني جد محتاجه أسئله

[قانونية وافتخر]

إن شاء الله يوم الاثنين بتكون عندج..

وووو شيكي الخاص..

بالتوفيق :)