بالنسبه لسوق التنين

[ظبياني خطير]

السلام عليكم ورحمة الله وبركاته
علومكم اخوانيه وخواتيه الكرام

بتكلم عن الاشياء الممنوعه فالدوله وع ما اعتقد ان هالاشياء ااذا تم ضبطها في يد حد من الاشخاص راح تتخذ ضده الاجرءات القانونيه
ليش الدوله تسمح في بيع هالاشياء دامها ممنوعه المفروض هالاشياء مايبيعونه في اي مكان
انا حدرت سوق التنين كل الممنوع موجود فيه جهاز تصنت بجميع انواعه وليزر وكل ليزر اقوى عن الثاني
مستغرب ليش يسمحون لهم في بيع هالاشياء
المفروض هالمحلات اللي في سوق التنين يمنعونها وجهاز تغيير الاصوات

اتمنى من الجهات الامنيه والتحريات وشرطة دبي
تخالف هالمحلات ويصادرون هالاجهزه اللي ما وراها غير المشاكل

[شرطية قانونيه]

وعليكم السلام أخوي...اليوووم مبدع ماشالله عليك..ان شالله دوووم..وبالنسبه لها الموضوع يمكن محصلين ترخيص..لأنه البلدية زادت عملية التفتيش ع المحال.

[ظبياني خطير]

تسلمين ختيه شرطيه قانونيه هذا من طيب وطيب اصلج
مروركم هو الابداع وردودكم الطيبه
ماضنتي هالاجهزه مرخصه في سوق التنين لان هو بالاساس ممنوع اجهزة التصنت مسموح بيعها ولو قلنا مرخصه المفروض يبيعونها لجهات مسموحلها تستخدم هالاجهزه مثل الشركات الامنيه هب يبيعونها لاشخاص اعمارهم ماتتجاوز العشرين سنه

[شرطية قانونيه]

أخوي ظبياني.. العامل مصرحه له شغل وهو عمره 15 سنه...عاادي بتشوف كثار صغار..واذا كانت الأجهزه ممنوعه ان شالله تصل ها المعلومه للجهات المعنيه و يقبضوا عليهم

[بنوته قانونيه]

صحيح هالاشياء اصلا عيب تنباع ... مايندرى والله

[محمد ابراهيم البادي]

ماعتقد ان هذه الاشياء مصرح بها ، كان من باب اولى الشكاية على تلك المحلات لدى ادارة السوق

[روح القانون]

بغض النظر عن حظر تداول هذا النوع من السلع من عدمه، فهناك أجهزة تسجيل عادية ومتوفرة في جميع المحلات، لأغراض تسجيل المحاضرات مثلاً، وما نقدر نمنعها عشان فئة صغيرة تستخدمها بشكل سيء


الفكرة إن لازم الكل سواء كان صغير ولا كبير يكون عارف إن التسجيل أو التصوير بغير إذن وبغير الأحوال المنصوص عليها في القانون يشكل جريمة يعاقب عليها القانون.. الموضوع مب لعبة

[عقد القانون]

بالفعل أخي الكريم يجب تبليغ الادراه او تقديم شكوى للبلديه أو الجهات المختصه ..

[chocolah]

بالفعل أخي الكريم يجب تبليغ الادراه او تقديم شكوى للبلديه أو الجهات المختصه ..

مثل ما قالت اختي مثل العسل

[القانوني]

البلدية مايجوز تفتش سوق التنين لانه منطقة حرة ولا تتبع لوزارة العمل بشان العمال