ضروري لو سمحتوا

[جويرية بني حماد]

السلام عليكم ورحمة الله وبركاته..


حبيت استفسر منكم انا حصلت كذا مكتب محاماة ف الفجيرة يدربني علشان اصير باذن الله محاميه.


سؤالي هل بالفعل اقدر اتدرب واخذ ليسن المحاماة بدون ماالتحق بدورة المعهد القضائي للمحامين..


ولو ممكن ابيكم توضحون لي بكل اللي تعرفونه..مابي اتعب وادرب ع الفاضي :o

[طموح]

وعليكم السلام والرحمة ...

لا بد من الالتحاف بالمعهد القضائي ... ومن ثم وعن طريق وزارة العدل تنتسبين الى مكتب المحاماه لتكملة فترة التدريب ..

لأن رخصة المحاماه تستخرج من وزارة العدل وليس من مكاتب المحاماه ..

بالتوفيق ..

[جويرية بني حماد]

يعني اخوي اول شي اقدم في المعهد وادرس فيه ولاتقصد اقدم في المعهد واتدرب عند مكتب المحاماة عادي

[Johnny English]

يعني اخوي اول شي اقدم في المعهد وادرس فيه ولاتقصد اقدم في المعهد واتدرب عند مكتب المحاماة عادي

http://www.itjs.ae/Menu/index.aspx?MenuID=2&CatID=2&mnu=Cat (http://www.itjs.ae/Menu/index.aspx?MenuID=2&CatID=2&mnu=Cat)

[طموح]

أول شي تتخرجين ...
بعدين تتقدمين بطلب عن طريق وزارة العدل للإلتحاق بدورة المحاماه
تيش الموافقة ثم يبلغوش تاريخ بدء الدورة ومدتها سنة ... ستة الشهور الاولى تقضيها في المعهد القضائي وتستلمين بطاقة تفيد انش محامية متدربة ... وبعد الستة شهور تنتسبين الى مكاتب المحاماه وتكونين في هاي الحالة أيضا محامية متدربة ولمدة ستة شهور أخرى .. يتطلب منك حضور اكثر من 25 جلسة .. وحاليا وزارة العدل شددة على مكاتب المحاماه بحيث تطلب منهم تقرير حضور المتدرب الى مكتب المحاماه .. وبعد الستة شهور ما تنقضي .. تروحين المحكمة وتعتمدين الجلسات اللي حضرتيها ويعطوش (خطاب يفيد بحضورش الجلسات المقررة) .. هذا الخطاب تتوجهين فيه الى مكتب المحاماه اللي تدربتي فيه وتاخذين عنهم (خطاب يفيد بانتهاء فترة التدريب) مرفق فيه خطاب الاعتماد .. وتروحين وزارة العدل وتطلبين نقل قيدش من محامية متدربة الى محامية مشتغلة أو غير مشتغلة حسب ظروفش ... تجتمع لجنة .. وتيش الموافقة ..والحمد لله رب العالمين.

[روح وريحان]

شكرا لك اخي طموووووح وللاخت

[محمد ابراهيم البادي]

لابد من الانتهاء من دورة المعهد اولا ومن ثم الالتحاق لمكتب للتدريب

ومكتب الفجيرة جاهز اول ما تتخرجين
لان عندنا مبدعة معانا في المنتدى وفي نفس الوقت محامية مشتغلة من الفجيرة
وسبق لها ان درب طالبة (عضوة) وكانت معاها اكثر من اخت
وبالتوفيق للجميع

[جويرية بني حماد]

جزيل الشكر للجميع والله ماقصرتوا يعطكم الف عافيه..

[بنوته قانونيه]

شاكر لك اخوي طموح لاني استفدت من هالموضوع وانا بسوي شراتها وكان هالسوال ف بالي