أبيات كتبناها أيام البطالة

[رفعت الجلسة]

السلام عليكم جميعــا ,, صبـاحكم / مسـائكم خير و نجـاح و تفوق إن شــاء الله ..
هذي الأبيات المتواضعة كتبنــاها بعد مرور سنـة على التخرج و الجلوس في المنزل بلااااا عمل >< ..
الحين طبعا و لله الحمد الوضع تغير و دخلنا ميدان العمل .. صبرنــا و نلنــا الحمد لله

يالفرح تعال اقعد بجنبي شويّ
ترا غيبتك طالت و شوقي لك ذباحي

صار لي عام و انا في عتمة الغيّ
أنتظر حظي يبتسم و يشرق صباحي

انتظرتك عام و ما قلت لي شي
لعنبو صمتك ذبحني و زيد جراحي

أربع أعوام أجتهد بكل ما فيّ
سهيرة ليل و غيري بالكرى مرتاحي

مشاريع و بحوث كوتني نارها كيّ
و الحمد لله وصلنا لدرب النجاحي

بقت الوظيفة اللي طوت خاطري طيّ
في غيابها ما يوم بالي استراحي

يالوظيفة تعالي إروي ظماي بالميّ
غديت من العطش .. لج فارده جناحي

اللي يبشرني بوظيفة يا حيه الحيّ
و عسى الكدر و الهم عن دربه منزاحي

يارب يا من تخرج الميت من الحيّ
ترزقني بوظيفة و يعود لي انشراحي

[خالد عمر سعيد]

ما أجمل هذه العبارت واصدقها وقربها الى قلوب القراء

[ام بسام]

إنشراحييي ،صح إلسانج :)،تسلمين الغاليه

[رفعت الجلسة]

ما أجمل هذه العبارت واصدقها وقربها الى قلوب القراء

شكــرا لك أخــوي خــالــد ..

:)

[رفعت الجلسة]

إنشراحييي ،صح إلسانج :)،تسلمين الغاليه


الله يسلمج .. صح بدنج خيتي أم بســام ..

دوم تنورين مواضيعي بمرورج الطيب ^^

شكــــــرا :)

[ام بسام]

الله يسلمج .. صح بدنج خيتي أم بســام ..

دوم تنورين مواضيعي بمرورج الطيب ^^

شكــــــرا :)

لا شكر على واجب ،الأبيات إلي تطريحينها هني تجبرني إني أعلق عليها ،لأني ألقاني أندمج فيها ،سهله ومميزه، كلمات تدخل للقلب وتوصل الفكره بعيد عن المغالاه ،فتسلمين ولو إتجمعين هالأبيات إلي تكتبينها في ديوان خاص فيج يكون أفضل ،والله يوفقج:)

[رفعت الجلسة]

لا شكر على واجب ،الأبيات إلي تطريحينها هني تجبرني إني أعلق عليها ،لأني ألقاني أندمج فيها ،سهله ومميزه، كلمات تدخل للقلب وتوصل الفكره بعيد عن المغالاه ،فتسلمين ولو إتجمعين هالأبيات إلي تكتبينها في ديوان خاص فيج يكون أفضل ،والله يوفقج:)


عزيزتي .. أنا شاكرة لج هالرد اللطيف و الكلام الراقي الذووق .. تسلميين ..

هههههه عاد إن شاء الله نوصل لمرحلة الدواوين و انور شــــاشــة شــاعر المليـون صح لسانك ههههه

و الله أنا أعتبر نفسي في البداية و إن شاء الله مستواي يتطور .. أنا أحب أسمع شلات

لأن سماع الشلات يساعد على كتابة قصيدة موزونة و انا حاليا أحاول قدر المستطاع أخلي أبياتي موزونة و مرتبة ..

أشكرج خيتي مرة ثانية ع تشجيعج لا خلينا من ردودج الراقية و كلامج الذوق ^__^