قصيدة واقعية في خطبه واقعية ^^

[سعيد مرزوق]

لكم مني كل التحيــــــــــــــــــــــــــــة ..ـ



http://www.homsnet.com/forum/images/icons/icon12.gifشاب أراد أن يخطب فنظم قصيدة واقعية ... ـ









أيا عماه

يشرفني
أمد يدي
لكي أحظى كريمتكمْ
وأن تعطوننا وعداً
أتينا الله داعينا
فإن وافقت يا عماه
دعنا نفصل المهرَ
وخير البرِّ عاجله
ونحن البرَّ راجينا






فقال:ـ



أيا ولدي

لنا الشرف
فنعم الأهل من رباك
ونعم العلم في يمناك
وإن العلم يغنينا






وأما المهر يا ولدي

فلا تسأل
لأنا نشتري رجلاً
وليس المال يعنينا






ولكن هكذا العرف

وإن العرف يا ولداه
يحميكم ويحمينا






فمليون مقدمهاhttp://gfx1.hotmail.com/mail/w4/pr04/ltr/emo/angry_smile.gif ـ

وأربعة مؤخرها
وضع في البنك
للتأمين عشرينا






وبيت باسم ابنتنا

وملبوس على البدن
من الفستان للكفن
و"مورانو" ـ





وان صعبت

فإن "البيجو" تكفينا





وأما العرس يا ولدي

ففي "الشيراتون"
فشأن صغيرتي شأن
سعادٍ بنت خالتهاhttp://gfx2.hotmail.com/mail/w4/pr04/ltr/emo/princess.gifـ
وهندٍ بنت عمتهاhttp://gfx1.hotmail.com/mail/w4/pr04/ltr/emo/flirt_female.gifـ
وشيريناhttp://gfx2.hotmail.com/mail/w4/pr04/ltr/emo/send_a_kiss.gifـ






فإن وافقت

قلنا بارك الله
وقال الكل
آمينا




فقلت له :ـ
أيا عماه خللها
وضعها فوق رف البيت زيتونا






فلو بيديّ ربع المهر

كنت اليوم قارونا
أيا عماه
أنا رجل بسيط في موارده
ودخلي بضع ألاف
وزادي مثل كل الناس
أقول الحمد لله
خالقنا وبارئنا وساترنا وكافينا






أيا عماه

أنا رجل أحب بكل إحساسي
وقلبي ليس من ذهب
ترى ان كان من ذهب
أكان الحب يأتينا






ترى هل يشعر الأنسان


حين يكون خافقه

من الألماس معجونا





أيا عماه

لماذا صارت الدنيا
طريدَتنا
وقد كانت بأيدينا






لماذا نحن أصنام

وكيف يحاور الأنسان
حين يصير جبصينا
خلقنا نحن من روح ومن طين
نسينا روحنا حتى
غدت في جسمنا طينا






لماذا في مدينتنا

يعيش المرء للعادات مسجونا
وكيف يفكر الأنسان
حين يكون مسجونا
تطورنا
وعدنا في تخلفنا
لوقت كانت الأنثى
تباع كأنها عقد
فنخّاس ينادي هذه بكر
وآخر هذه أحلى
وثالث هذه اطول
يعود التاجر الميسور منزله
وفي يده اشترى امرأة
وفروجاً وليمونا ||الفروج هو الدجاجة .. ـ
لماذا صارت الأنثى
تساوم في أنوثتها
فتعطوها
لمن ترضونه مالاً
وقال الله من ترضونه دينا
أيا عماه
عفواً إن تماديت
ولكني عزفت الآن عن طلبي
فلو كان الزواج بعصرنا عقلا
سأمضي العمر مجنونا






صحيح قبل أن أنسى

سؤال حز في نفسي
سعاد بنت خالتها
وهند بنت عمتها
فماذا عنها شيرينا

[المحامية الغلا]

تسلم يمناك أستاذ ع الطرح الجميل
ممتع ومنه عبره
يعطيك العافيه

[ام بسام]

حرااااام ،ظالمينا :mad:،بس تسلم على القصيده :D

[محمد ابراهيم البادي]

بو عسكور السالفة فيها ملايين وبيجو و العرس في الشيراتون ، وانا يوم شفت هاي الطلبات بصراحة ما كملت القصيد خفت

عشان جي الشباب عندنا ما يزوجون

[بوحمدان]

في الصميم ..
رائعه رغم حزن مضمونها
وسامحني بمداخله مشابهه لقصيده مماثله

شاب فقير خطب بنت عمه المليونير
و زود عمه طلباته عليه فقال قصيدة
وانا انقل لكم القصيده:
1- سبحان من يرزق بتوع الملاييـن
الرازق اللي ما يخيب الرجـا بـه-

2- لي عم عنده معـرضٍ للصواليـن
أموت واعرف بس من وين جابـه -

3- وإذا سألته قـال بعـت الدكاكيـن
ما يدري إني ما هضمت الإجابـه -

4- الشاهد إني رحت له قبـل يوميـن
في قصره العامـر ودقيـت بابـه -

5- قال ارحب ارحب عدّ ورد البساتين
يا مرحبا باللـي لفـا يـا هلابـه -

6- قلت البقا عـدّ النفـل والرياحيـن
يا شيخ شمل اهل الكرم والذرابـه-

7- قال اسلم الله يحفظك لي من العين
وآمر أوامر حضرتـك مستجابـه -

8- قلت الصراحة طالبٍ قرب غاليـن
ودي تزوجنـي كريمتـك يـابـه-

9- ثنّى وقال اهليـن والله وسهليـن
والكون ترخص لجل عينك رقابـه -

10- لكن ترا عندي شـروط وقوانيـن
قلت اشرط اشرط يا حبيب الغلابـه -

11- قال أولاً مهر العروسـة ثمانيـن
غير الرسوم وغير حق العصابـه -

12- والثانية عمك يبي منـك سبعيـن
رسم الأبـوّة والنسـب والقرابـه-

13- وام العروسة حقها منـك ستيـن
عشانها ست الحسـن والمهابـه -

14- واخوانها كلن يبي منـك خمسيـن
عداً ونقـداً تنـدرج فـي حسابـه-

15- وخواتها الخمس اعطهن من ثلاثين
عشان تتوثـق عـروق النسابـه -

16- وتجيب طقم عيار واحد وعشريـن
وخاتم من الماس المصفى ترابـه-

17- واكياس متروسة كعوب وفساتيـن
ألوانهـا واشكالهـا مـا تشابـه -

18- وموتر بسواقـه وفيـلا بدوريـن
أثاثهـا مـن بطرتـه ينحكـابـه -

19- واحجز لنا قاعة بقصر السلاطيـن
واحجز بهـا رقاصتيـن وربابـه -

20- وامنع دخول اهل اللحى والبزارين
واعزم أميـر المنطقـة بالنيابـه -

21- هذي الشروط اللي على بالي الحين
وذكرني اللي ما حسبنـا حسابـه -

22- قلت اذكر الله يا عـدو المساكيـن
واستغفـره لا يبتلـيـك بعـذابـه -

23- الظاهر إنك منت عارف أنا ميـن
أنا لو ارقا فـوق متـن السحابـه -

24- ما جبت حتى نص درزن مواعيـن
واضحك بكيفك واعتبرهـا دعابـه-

25- شروطكم هذي شـروط المجانيـن
شروطكم شغـل ابتـزاز ونهابـه -

26- شروطكم تقصم ظهـور البعاريـن
شروطكـم همّـن وغـم وكآبـه -

27- شروطكم والله سيوف وسكاكيـن
تذبح بنات المجتمع مـع شبابـه -

28- وين الرضا والعطف واليسر واللين
اللي ذكرهـا الله بمحكـم كتابـه-

29- وين الصفات اللي أمرنا بها الديـن
وين اختفى نهج النبي والصحابـه -

30- يا عم جعل اللي خلقنا من الطيـن
يرد عقلك مـن خطـاه لصوابـه -

31- ويجعل نصيبي عند غيرك قل آمين
ويحسن عزا الصابر ويجزل ثوابه -

32- قال انت لو فكرت تفكير صاحيـن
ما شفت في مجمل شروطي غرابه -

33- حنا بعصـر العولمـة والمزاييـن
ماهوب عصر الفلسفة والخطابـه -

34- الناس تسعى للرتـب والنياشيـن
وانت اهتمامك بالشعـر والكتابـه-

35- والشعر ما ينفعك لو هو دواويـن
ما دام جيبك مثـل بيـت الخرابـه -

36- يا بوك لا تسمع كلام المصاخيـن
واسأل مجرب عاش في وسط غابه -

37- قلت الله اكبر يا محـرر فلسطيـن
من يسمعك يحسبك ذيـب الذيابـه-

38- تراك شايب راس مالـك رياليـن
والبنت ما تسوى جنـاح الذبابـه -

39- قال انقلع مالت على وجهك الشين
لا عاد اشوفـك عندنـا يالزلابـه -

40- قلت ابشر ابشر لكن الباب من وين
واقفيت من عنده على صوت بابـه..





منقووووووووله

[سعيد مرزوق]

تسلم يمناك أستاذ ع الطرح الجميل
ممتع ومنه عبره
يعطيك العافيه


اسعدني مرورج أختاه على المتصفح ^^ (ومنه عبره) فاعتبروا يا اولي الألباب ><

[سعيد مرزوق]

حرااااام ،ظالمينا :mad:،بس تسلم على القصيده :d



أم بسام ,,,,,,,, أم بسام،،،،،،،،،،
ما في حد يقدر يظلمكم أنتوا تظلمون بلد في حالها بس ما في حد يظلمكم ^^ (لا تفهموني غلط)

وهاي حقائق موجوده في مجتمنا والمجتمعات الي حوالينا
ولكن تسلمين على مرورج وبصمتج في موضوي بصمه اعتز بها ^^

[سعيد مرزوق]

بو عسكور السالفة فيها ملايين وبيجو و العرس في الشيراتون ، وانا يوم شفت هاي الطلبات بصراحة ما كملت القصيد خفت

عشان جي الشباب عندنا ما يزوجون


أستاذ محمد هذا زواج موديل 2011 جان تبا شيل ولا خلك عزوبي بروحك ^^

[سعيد مرزوق]

في الصميم ..
رائعه رغم حزن مضمونها
وسامحني بمداخله مشابهه لقصيده مماثله

أفااا عليك يا خوي مسموحك من النفس والخاطر


شاب فقير خطب بنت عمه المليونير
و زود عمه طلباته عليه فقال قصيدة
وانا انقل لكم القصيده:
1- سبحان من يرزق بتوع الملاييـن
الرازق اللي ما يخيب الرجـا بـه-

2- لي عم عنده معـرضٍ للصواليـن
أموت واعرف بس من وين جابـه -

3- وإذا سألته قـال بعـت الدكاكيـن
ما يدري إني ما هضمت الإجابـه -

4- الشاهد إني رحت له قبـل يوميـن
في قصره العامـر ودقيـت بابـه -

5- قال ارحب ارحب عدّ ورد البساتين
يا مرحبا باللـي لفـا يـا هلابـه -

6- قلت البقا عـدّ النفـل والرياحيـن
يا شيخ شمل اهل الكرم والذرابـه-

7- قال اسلم الله يحفظك لي من العين
وآمر أوامر حضرتـك مستجابـه -

8- قلت الصراحة طالبٍ قرب غاليـن
ودي تزوجنـي كريمتـك يـابـه-

9- ثنّى وقال اهليـن والله وسهليـن
والكون ترخص لجل عينك رقابـه -

10- لكن ترا عندي شـروط وقوانيـن
قلت اشرط اشرط يا حبيب الغلابـه -

11- قال أولاً مهر العروسـة ثمانيـن
غير الرسوم وغير حق العصابـه -

12- والثانية عمك يبي منـك سبعيـن
رسم الأبـوّة والنسـب والقرابـه-

13- وام العروسة حقها منـك ستيـن
عشانها ست الحسـن والمهابـه -

14- واخوانها كلن يبي منـك خمسيـن
عداً ونقـداً تنـدرج فـي حسابـه-

15- وخواتها الخمس اعطهن من ثلاثين
عشان تتوثـق عـروق النسابـه -

16- وتجيب طقم عيار واحد وعشريـن
وخاتم من الماس المصفى ترابـه-

17- واكياس متروسة كعوب وفساتيـن
ألوانهـا واشكالهـا مـا تشابـه -

18- وموتر بسواقـه وفيـلا بدوريـن
أثاثهـا مـن بطرتـه ينحكـابـه -

19- واحجز لنا قاعة بقصر السلاطيـن
واحجز بهـا رقاصتيـن وربابـه -

20- وامنع دخول اهل اللحى والبزارين
واعزم أميـر المنطقـة بالنيابـه -

21- هذي الشروط اللي على بالي الحين
وذكرني اللي ما حسبنـا حسابـه -

22- قلت اذكر الله يا عـدو المساكيـن
واستغفـره لا يبتلـيـك بعـذابـه -

23- الظاهر إنك منت عارف أنا ميـن
أنا لو ارقا فـوق متـن السحابـه -

24- ما جبت حتى نص درزن مواعيـن
واضحك بكيفك واعتبرهـا دعابـه-

25- شروطكم هذي شـروط المجانيـن
شروطكم شغـل ابتـزاز ونهابـه -

26- شروطكم تقصم ظهـور البعاريـن
شروطكـم همّـن وغـم وكآبـه -

27- شروطكم والله سيوف وسكاكيـن
تذبح بنات المجتمع مـع شبابـه -

28- وين الرضا والعطف واليسر واللين
اللي ذكرهـا الله بمحكـم كتابـه-

29- وين الصفات اللي أمرنا بها الديـن
وين اختفى نهج النبي والصحابـه -

30- يا عم جعل اللي خلقنا من الطيـن
يرد عقلك مـن خطـاه لصوابـه -

31- ويجعل نصيبي عند غيرك قل آمين
ويحسن عزا الصابر ويجزل ثوابه -

32- قال انت لو فكرت تفكير صاحيـن
ما شفت في مجمل شروطي غرابه -

33- حنا بعصـر العولمـة والمزاييـن
ماهوب عصر الفلسفة والخطابـه -

34- الناس تسعى للرتـب والنياشيـن
وانت اهتمامك بالشعـر والكتابـه-

35- والشعر ما ينفعك لو هو دواويـن
ما دام جيبك مثـل بيـت الخرابـه -

36- يا بوك لا تسمع كلام المصاخيـن
واسأل مجرب عاش في وسط غابه -

37- قلت الله اكبر يا محـرر فلسطيـن
من يسمعك يحسبك ذيـب الذيابـه-

38- تراك شايب راس مالـك رياليـن
والبنت ما تسوى جنـاح الذبابـه -

39- قال انقلع مالت على وجهك الشين
لا عاد اشوفـك عندنـا يالزلابـه -

40- قلت ابشر ابشر لكن الباب من وين
واقفيت من عنده على صوت بابـه..





منقووووووووله



بس الصراحه القصيده روعه وغطت على مشاركتي ^^

ذكرني معرض الصوالين>>>>>>>>>> بمعرض للسيايير في شلة يابنت أنتي بنت ناس مشاهير وأنا بدوي عياش مع البوش بالبر ..................

تسلم أخوي بو حمدان ^^

[ام بسام]

أم بسام ,,,,,,,, أم بسام،،،،،،،،،،
ما في حد يقدر يظلمكم أنتوا تظلمون بلد في حالها بس ما في حد يظلمكم ^^ (لا تفهموني غلط)

وهاي حقائق موجوده في مجتمنا والمجتمعات الي حوالينا
ولكن تسلمين على مرورج وبصمتج في موضوي بصمه اعتز بها ^^

هاااا ,,,,,هاااا كانييي هني
وتعاال إشوووه ...حقااااائق أونننه :mad:،مايصدق الواحد منكم بس يدق باب ويقولوله إدفع ،ساااار على طوووول وخذاله وحده أجنبيه ويلا تم راااهب وتسأله ليش لعب دور المسكينه واااعليييه والضحيه المجبووور ،و هااااتك ياتعلث وحجج ،أبوويييه إلي يبا الصلاة ماتفوته ;)وهووود إشوي خفوا علينا ،هاي بس إلا كلها إشاعاااات وحجج أبدا مووو حقاااائق

[بنوته قانونيه]

عاشت ام بسام عاشت ههههههههههههههههه

ويسلمو سعيد ويالله عقبال العزابيه ...........

[رفعت الجلسة]

عجيييييييييبة هههه كله ولا رف الزيتون و المخلل و الطرشي ههههههه

و بعد الابيات الثانية اللي كتبها أخونا بو حمدان قوية الصراحة ..

مشاركة ظريفة و لطيفة أخوي سعيد ..

شكرا لك

[دبلومآسية]

للاسف هـذا اللي صاير هالفتره
وهذا اللي يخلي شبابنه يتزوجون من اجنبيات

تسلم اخويه ع القصيده
وربي يعطيك الف عافيه

تحياتي لك :~
دبلووووووووو