سفيرة الأحزان

[رفعت الجلسة]

الســلام عليكم جميعــاااا .. أدري الكل بيقول بلااااها هاي كل قصايدهااا حزينة هههههه :d

بس و الله مريت بالايام الماضية بفترة صعبة فعلى طول قلم و ورقة و هذا الناتج .. و ان شاء الله تحوز على الرضــا ^^
أبشركم .. الحمــد لله الأمور الحين طيبة بفضل الله ..



قالوا الحزن دولة ســكانها العبرات

و أنا لدولة الحزن توجوني سفيـــرة

أكابر على جرحي و أتصنع البسمات
و روحي من ثقل همي باتـــت مريرة

أبفهم شي واحد .. ليه أنا بـــالذات ؟!!
الهم يصافــــــحني و في قلبي له ديرة

بعثر السكينة فيني و عيشني بالشتات
و على ايدينه غدت كل أحلامي كسيرة

أنا همومي حاصرتني من كل الجهات
و عيني بصيرة .. لكن اليد قصـــــيرة

سطرت أنا بدنيـــاي أروع التضحيات
لكن الخير جازاني بطول تـــــــأخيره

أوعد و أوفي في الاحزان و المسرات
و كلٍ يجازيني اليوم بســـــوء تقصيره

يالنوايا الســـــود خلج في سبــــــات
ليه كل هذا الحـــــقد و ليه ذي الغيره

كلٍ يعمل بأصله و بالنفوس العزيزات
و انا عزيزة نفس و صافية السريرة

ما احمل بقلبي حقد أو لوم و عتابات
و ماني من اللي تتبع الكذب و سعيره

أنا اشهد ان العمر رحلة و الليالي فانيات
و محد بدنيانا يعرف وش هو مصـــــيره

القلب شاب و المحاجر بالكرى عيت تبات
و بت أنا اليوم طريحة همومي الخطيرة

وصيتي قبل الفـــــظ أنفــــاس الممــــــات

عسى من يذكرني يذكر اسمي بخير سيره
وسلااامتكـمـ






</b></i>

[بوحمدان]

يا سلام عليج ولو إنها حزينه إنما شكلج كاتبتنها من خاطر
والحمدلله دام الامور استوت طيبه
أساسآ ( ما ضاقت .. إلا فرجت )

[محمد ابراهيم البادي]

صح كلام بو حمدان

وصح كلامك

[بنوته قانونيه]

روعه ماشاء الله عليج وصح لسانج

ونبي قصيده وطن او فرح ملينا من الحزن هههههههههه

وعسى الله يفرج همج ويوفقج ف حياتج اختي

أنا اشهد ان العمر رحلة و الليالي فانيات
و محد بدنيانا يعرف وش هو مصـــــيره


القلب شاب و المحاجر بالكرى عيت تبات
و بت أنا اليوم طريحة همومي الخطيرة

[رفعت الجلسة]

ألف ألف شكر ممزوج بأرق التحــايـا لكم على هالمرور الطيــب ..

مشكووورين و بــارك الله فيـكم :)

إختي بنــوتة أبشري بعـزج .. إن شاء الله بنزل قصيده فرفوشة ههههههه