المساعد الشخصي الرقمي

مشاهدة النسخة كاملة : شمعـة النسيـان / قصيدة

رفعت الجلسة
11-17-2010, 09:38 PM
㋡ شمعــــة النسيـــــان ㋡


بهــجـر أنا ذكـــراك و اشعـــل شمعة النسيـان
و اطوي عنـا الحب و الشوق من صفحة حياتي

عقب ما لبّســك قلبـــي مـــن الهنـــا تيجـــان
ألبستني ثــوب الخيانــة اليوم متعمـد شقاتي

كـــنت بحيــاتك فــرح و ريشــة كلهــا ألـوان
ترســم حيـاتــك أمــل و سعــادة يا بـعد ذاتي

علمتــني أحيــا بقـــلـب مــود فـــيك هيــمان
يحلــم بطيـــفك يمــر فــي صحــوت مبـــاتي

كنــت لــي خـــلٍ صــدوق متــمــيـز فتــان
كنــت أروع غـــرام كنت أقصـى أمنيــاتي

جازيتني بجرحك و جروحي ما بها نقصان
طعنتني بسيف الغــدر لين هلت اعبــراتي

خيبت هقوتي فيك .. شكرا على النكران
كنت احسبك وافي العهد متولع شراتــي

تركت فيني هموم تصارع فـبـقايا انسان
حايـــره وسط ماضي و حاضر الذكرياتي

هي كلـــمة بقولهــا لك مالهـــا ثـــان
عن حياتي ارجــوك ابتــعد في سكاتي

و ســــلامتكمـ ::</b></i>
سعيد مرزوق
11-17-2010, 10:24 PM
صح لسان الشاعرة عيبني اخر القصيدة والتي تمثل النتيجه ^^

بما أنكِ إنضممتي لقافلة الشعراء فـ

إليك واحة شعراء المنتدى على هذا الرابط
http://theuaelaw.com/vb/showthread.php?t=998

قد تتلاقون وتتسامرون وتتبارزون بالشعر وكلاً منكم يستفد من الآخر ^^

وأقتنص أنا الفرصه للتعليق
رفعت الجلسة
11-18-2010, 02:04 AM
شــي طيب الصراحة و فكرة حلــوة ^^

شـــاكرة لك مرورك أخوي سعيـــد و اقتراحك الطيب ..

بــارك الله فيــك
بنوته قانونيه
11-18-2010, 04:42 PM
روعه روعه

يعطيج العافيه بس شعرج كله حزن وضيج افا عليج الدنيا حلوه

هههههه
رفعت الجلسة
11-18-2010, 08:00 PM
مادري من أكون متضايقة أو زعلانة تنفتح شهيتي ع القصيد
ههههههه .. الله كريم .. و الله يبعد الحزن و الهم عنــا و عن الجميه يارب ..

الله يعافيج و مشكورة خيتي الغالية ع المرور الغـاوي ^^
دبلومآسية
11-19-2010, 03:04 AM
صـح لـسآنج وآعتلى شـآنج
تـسلم آيـدج خيتي ع الـقصيده الجميله
وربـي يعطيج الف عآفيه
ولا تحرمينا من يديدج

تحيآتي لج
رفعت الجلسة
11-19-2010, 09:50 AM
صـــح بـدنج إختي دبلوماسية ^^

عطرتي الصفحة بمرورج الطيب و مشكورة الغاليـة ع التشجيع ^^
سعيد مرزوق
11-19-2010, 03:07 PM
صحيح والله اول ما فتحت الشاشه شميت ريحة العطر فواحه ما شاء الله ....
ممكن أي ماركة عشان أخذ منها ........

ههههههههههههههههههههههههههههههههههههههه

الله لا يجيب الزعل والضيج عشان تطلع كلمتين شعر لازم أتضايج بالأول عشى
على قولة المصرين بالناقص منوا

على العموم شي جميل ^^
رفعت الجلسة
11-19-2010, 04:16 PM
هههههههه ماركة قانون الإمارات

لاااا هو يعني مب ضروري الضيق بس الواحد ف لحظات الزعل يحب يفجر و يطلع كل اللي ف خاطره على ورق ^^ >> حلوة هذي يفجر ^^ خخخخ

خلاص إن شاء الله بنزل لكم شي غييييير إممم بالفخر مثلا ^^ >> الإخت تتحرى عمرها أبو فراس الحمداني خخخخخ!
سعيد مرزوق
11-19-2010, 04:42 PM
لا حلوه مصطلحات إجرامية أخت القانونية (يفجر ) يدل دلالة واضحة على الخطورة الإجرامية

شو رايج أحطج في المحكمة المنتدى زوريها وخذي فكرة عنها

يا أبو فراس الحمداني هههههههههههههههه

ننتظر جديدك
رفعت الجلسة
11-19-2010, 04:49 PM
^___^

أقول السموحة ع القصور في المنتدى تراني لاهية ببحث عن القرار الإداري ، أفففف ما احب هالمادة واااايد فيها جمود مع إن في البكالوريوس بحثي التخرج كان بالاداري و يبت فيه a و مواد الاداري بعد ياية فيها a بس ما أستمتع بدراسة هالمادة مووول !

إن شاء الله بكون فعالة في المنتدى أكثر في المستقبل ^^
سعيد مرزوق
11-19-2010, 05:07 PM
إن شاء الله
راجعي قسم الدراسات القانونية

بتلاقين ألي يسرج إن شاء الله
رفعت الجلسة
11-19-2010, 05:21 PM
جــزاك الله خيـــر .. إنت الدليل ف هالمنتدى ههههه
محمد ابراهيم البادي
11-20-2010, 01:45 PM
بالفعل قصيد جميل جدا استاذة

والف شكر على مجادلات الفضولي دائما والمتألق في نفس الوقت
سعيد مرزوق
رفعت الجلسة
11-20-2010, 01:56 PM
حيـــاك الله .. شرفت القصيدة بمرورك الطيب أخوي محمد ..

و بالنسبة لأخونا سعيد مرزوق فعلا متميز بتعاونه و حبه لفعل الخير هو و الأخ عدالة .. بصراحة ما قصروا معاي بإمدادي بكل المواد القانونية اللي احتاجها ..

و انت أخوي محمد ياينك الدور هههههه