قصيدة متواضعة ^^

[رفعت الجلسة]

السلام عليكم إخواني و خواتي ^^

كل عام و انتو بخير و عساكم من عواده إن شاء الله ..

حبيت أشارك بأبيات بسيطة و متواضعة .. و أكيد أتقبل انتقاداتكم و آرائكم بكل روح رياضية .. بس هااا من الحين أقولكم أنااا مبتدئة في الشعر يعني أكتب و اعبر عن اللي ف خاطري بس عاد بتحصلون بعض الابيات اللي يبالها تضبيط ^^
عموما أنا بعدي في البداية و إن شاء الله نتطور ^^

مشيت في سكة الهم و طال بي المشوار
و انا ولا ادري و ش هي نهاية سكتي

أحزاني هي مركبي و غديت أنا البحّار
على شاطيء الآهات بت أذرف دمعتي

و اون ونات أليمة بخافقي المنهــــار
و اخفي آلام طعينة في زوايا ضحكتي

دنياي خانتني و جازتني بـــالانكــــار
رمتني بحورها عليله أصارع ضيقتي

يا ليل ارخي كتوفك على قلبي المحتار
و اسمع ونينه الممزوج بصوت غصتي

أبي أهمس لك و اشــــكي هموم كثار
و ابي احكيلك عن أكبر سبايب علتي


قالــــوا الطيبة من شيمــــة الاحــــرار
و انا في احضان الشقا رمتني طيبتــــي

ما احيدني في يوم تذرعت باعــــذار
أو عن مســــار الخير غيرت رحـلتي

يا طيبتــي اهجريني كفاني اللي صــــار
و ارحلــــي عني مع بقايــــا جثتـــي

يارب يا عــــالم خفيــــات الأســــرار
ارحمــني يا الله و فــــرج كــــربتي

و سوالــــم ^^

</B></I>
http://www.uoshj.com/vb/g~f/statusicon/user_online.gif http://www.uoshj.com/vb/g~f/buttons/report.gif (http://www.uoshj.com/vb/report.php?p=542) http://www.uoshj.com/vb/g~f/misc/progress.gif

^^


http://www.uoshj.com/vb/g~f/statusicon/user_online.gif http://www.uoshj.com/vb/g~f/buttons/report.gif (http://www.uoshj.com/vb/report.php?p=542) http://www.uoshj.com/vb/g~f/misc/progress.gif

[بوهزاع]

صح لسانك يالشاعر ،، قصيدة رائعة وتدل على
ان الشاعر عاش مرحلة من الالام والتفكير بسبب طيبته الزايده على ما اعتقد

[رفعت الجلسة]

حياك الله أخويه بو هزاع ..

وي منو الشاعرة ؟ أنا ؟ إن شاء الله .. أحس بعدي مبتدئة

صح بدنك أخويه .. و صدقت .. طيبتي الزايدة تسبب لي مشاكل مرات ..

[عقد القانون]

أبيات جميله حبوبه ومعبره بدايه جميله ..

أتمنالج التوفيج حبوبه ...

[رفعت الجلسة]

مشكورة إختي ربي يحفظج و إن شاء الله يتطور مستوانا للأفضل

عطرتي الصفحة بشذى مرورج الطيب ^^

[mariam alkaabi]

ابيات جميله،،، بداية جميلة،،،، بالتوفيق الغالية

[بنوته قانونيه]

روعه اختي ونكج عجبني وايد

بس لا تغيرين طيبج وماعليج من حد هههههه

صح لسانج

[رفعت الجلسة]

ابيات جميله،،، بداية جميلة،،،، بالتوفيق الغالية

مـــرورج الأجمــل إختـــي ^^

الله يعطيج العافية

[رفعت الجلسة]

روعه اختي ونكج عجبني وايد

بس لا تغيرين طيبج وماعليج من حد هههههه

صح لسانج

ههههه تصدقين عاد كذا مرة فكرت إني أكون شريرة و لو لدقيقة وحدة

بس ما قدرت ههههه ثـــر الطيبة تمشي ف دمي ^^

سلمتي ولا هنتي ع المرور الغاوي خيتي ^^

[ام بسام]

هاذي كله وبدايه متواضعه أنا إندمجت ،ماشاء الله القصيده جميله ،تسلمين:)

[رفعت الجلسة]

مــرورج الأجمــــل إختــي أم بســــام .. أشكرج ع الرد الحلــو ^^

الله يعطيج العافيـــة ^^