أستفسار : بغيت اكمل دراسة ماجستير في القانون

[إمبراطور القانون]

السلام عليكم ورحمة الله وبركاته اانا خريج قانون بتقدير جيد جدا والحمدلله والشكر

............

وحبيت اكمل ماجستير

فشو تنصحوني . ادخل

القانون العام
او

القانون الخاص

..........

وليش ....؟

[mariam alkaabi]

اممممممممم اعتقد المفروض تفكرين في الوظيفة اللي راح تمسكينها

بالنسبة لي انا لو فكرت اكمل راح اكمل عام لسببين
راح يفيدني اكثر في وظيفتي
والسبب الثاني لانه أسهل من الخاص ههههههههه


تحياتي

[روح القانون]

وعليكم السلام ورحمة الله وبركاته
دراسة الماجستير في القانون تعتمد اول شي عالمكان الي بتدرس فيه
إن كنت تقصد الدراسة في أكاديمية شرطة دبي فيمكن أفيدك باعتباري التحقت فيها
عشان تحدد خاص ولا عام لازم تعرف شو ميولك وشو الي انته حاب تتعمق فيه
الخاص ولا العام ؟ كان في نظام من قبل إنك تاخذ دبلوم خاص ودبلوم عام ويعادلونهن كدرجة ماجستير لكن الحين تغير النظام
الحين لازم تختار دبلومه وحده (خاص أو عام) وأطروحة (الرسالة بحسب مجال الدبلوم الي درسته)عشان يحسبولك الماجستير
ف انته مضطر تختار إما خاص أو عام
صراحة الاثنين أحسن من بعض، ولكن <<< أهم شي ولكن
أنصحك بالخاص لعدة أسباب :
أولاً : لايخفى عليك إن القانون الخاص عمود القوانين كلها، ويوم تدرسه تتمكن بشكل كبير من التعامل مع النصوص القانونية وفلسفتها، وهالشي بينعكس على تفكيرك بشكل عام، والدكاترة وااااايد يمدحون الي يدخل الخاص.
على قولة دكتورنا الله يذكره بالخير ( الي ينجح في دبلوم القانون الخاص كأنه مخلص دكتوراه )
ثانياً: بينفعك في أي جهة حكومية بتشتغل فيها ،لأنك بتتعمق في قانون المرافعات والتجاري والمدني .
أما العام فهو رائع وممتع لكن بيفيدك اكثر لو كنت بتشتغل في مجال النيابة العامة والقضاء العسكري، وهالمجالين أصلاً ما يشغلون الواحد في مجال السلطة القضائية قبل ما يدربونه ويدرسونه كم دوره.
ثالثاً : الي يقولك سهل وصعب ومن هالكلام، حط في بالك انها وجهات نظر وتختلف من شخص لآخر. ويمكن شهادتي مجروحة في القانون الخاص، لكن والله إنه سهل ومافيه أي صعوبة ياغير إنه الدكاترة يتشددون في التصحيح عشان يطلعون ناس فعلاً جاده وفاهمة، وتقدر تعبر عن شخصيتها في الكتابة.
وأي شي في الدبلوم الخاص حاضرين ^ ^

[إمبراطور القانون]

اممممممممم اعتقد المفروض تفكرين في الوظيفة اللي راح تمسكينها

بالنسبة لي انا لو فكرت اكمل راح اكمل عام لسببين
راح يفيدني اكثر في وظيفتي
والسبب الثاني لانه أسهل من الخاص ههههههههه


تحياتي


انا اشتغل بالنيابة حاليا من اربع سنوات .. وكملت دراستي والحمدلله توفقت

وعليكم السلام ورحمة الله وبركاته
دراسة الماجستير في القانون تعتمد اول شي عالمكان الي بتدرس فيه
إن كنت تقصد الدراسة في أكاديمية شرطة دبي فيمكن أفيدك باعتباري التحقت فيها
عشان تحدد خاص ولا عام لازم تعرف شو ميولك وشو الي انته حاب تتعمق فيه
الخاص ولا العام ؟ كان في نظام من قبل إنك تاخذ دبلوم خاص ودبلوم عام ويعادلونهن كدرجة ماجستير لكن الحين تغير النظام
الحين لازم تختار دبلومه وحده (خاص أو عام) وأطروحة (الرسالة بحسب مجال الدبلوم الي درسته)عشان يحسبولك الماجستير
ف انته مضطر تختار إما خاص أو عام
صراحة الاثنين أحسن من بعض، ولكن <<< أهم شي ولكن
أنصحك بالخاص لعدة أسباب :
أولاً : لايخفى عليك إن القانون الخاص عمود القوانين كلها، ويوم تدرسه تتمكن بشكل كبير من التعامل مع النصوص القانونية وفلسفتها، وهالشي بينعكس على تفكيرك بشكل عام، والدكاترة وااااايد يمدحون الي يدخل الخاص.
على قولة دكتورنا الله يذكره بالخير ( الي ينجح في دبلوم القانون الخاص كأنه مخلص دكتوراه )
ثانياً: بينفعك في أي جهة حكومية بتشتغل فيها ،لأنك بتتعمق في قانون المرافعات والتجاري والمدني .
أما العام فهو رائع وممتع لكن بيفيدك اكثر لو كنت بتشتغل في مجال النيابة العامة والقضاء العسكري، وهالمجالين أصلاً ما يشغلون الواحد في مجال السلطة القضائية قبل ما يدربونه ويدرسونه كم دوره.
ثالثاً : الي يقولك سهل وصعب ومن هالكلام، حط في بالك انها وجهات نظر وتختلف من شخص لآخر. ويمكن شهادتي مجروحة في القانون الخاص، لكن والله إنه سهل ومافيه أي صعوبة ياغير إنه الدكاترة يتشددون في التصحيح عشان يطلعون ناس فعلاً جاده وفاهمة، وتقدر تعبر عن شخصيتها في الكتابة.
وأي شي في الدبلوم الخاص حاضرين ^ ^


ولله يا اخوووووووووي ماعرف بصراحة ... هو الخاص زيييييييين والعام زيييييييين .........
.................

[روح القانون]

اول شي انا اختك مب اخوك ^ ^

ثاني شي قول انك تشتغل في النيابة بدال ما تخليني اكتب قصة حياتي

توكل على الله أكيد العام أحسن شي حقك ، عشان تتعمق في مجالك وتكون ملم بالجانب العملي والنظري وتقدر تتطرق لمشكلة معينة عايشتها عملياً من خلال رسالتك الي بتخدم مجالك ان شاءالله

[خليفه المنصوري]

السلام عليكم ورحمة الله

اذا كنت تعمل في النيابة العامة فالعام احسن لك لانه فيه العقوبات والجنائي

ويمكنك كذلك دراسة العلوم الجنائية فهو الافضل للعاملين في النيابة والشرطة وتدرس فيه

قانون العقوبات مع التعمق
قانون الإجراءات الجنائية مع التعمق
علما الإجرام والعقاب مع التعمق
التشريعات الجنائية الخاصة مع التعمق
القانون الجنائي الدولي
القانون الجنائي المقارن
الجرائم المستحدثة
قانون العقوبات الاقتصادي

واعتقد هذي اهم مواد يمكن يدرسها العامل في مجال النيابة العامة وهي مطابقة لمجال عمله

[طموح]

الاستاذة روح القانون ...عتبي عليك كبييييير ...

رقم العضوية 2 .. والمشاركات لم تتجاوز ال80 مشاركة !!!!

ثانيا هل باب التسجيل لازال مفتوح في الاكاديمية لدراسة الماجستير ... بعدين انا من خريجي اكاديمية شرطة دبي وحاصل على مرتبة الشرف والحمد لله ..لكن مخوفيني الي التحقوا وكملو الدراسات العليا في الاكاديمية .. يعني يقولون يزوعونك دم ويادوب تحصل جيد ...

والرسالة عذاب في عذاب ..وانا شخصيا اخوي هناك وهو ما شاء الله عليه متميز وخلص الدبلوم العالي لكنه يشكي لي من الدكاترة من ناحية التصحيح .

ودي اكمل حاس بفراااااااغ ...

[خليفه المنصوري]

اخويه طموح .. لاتتردد في اكمال الدراسه خاصه اذا كان عندك فراغ ووقت جيد يسمح لك بمواصلة الدراسه

الدراسة مب صعبه بس تبي منك الوقت وتنظيم الوقت والمتابعه اول بأول

وانصحك تكمل بالتخصص اللي تميل له وتحس انه يحقق لك طموحاتك واي شي اخر حاضرين :)

[البحر]

عليكم السلام ورحمة الله وبركاته

انا اقول استخير احسن ^_^ وماندم من استخار الخالق // وشاور المخلوقين المؤمنين وتثبت في أمره

قال سبحانه وتعالى {{ وَشَاوِرْهُمْ فِي الأَمْرِ فَإِذَا عَزَمْتَ فَتَوَكَّلْ عَلَى اللَّهِ إِنَّ اللَّهَ يُحِبُّ الْمُتَوَكِّلِينَ }}
سورة آل عمران : آية 159

بالنسبة لي انا ادرس قانون سنة 4 وان شاء الله اذا تخرجت ناوية اكمل واخذ ماستر في العلاقات الدبلوماسية :d


وتمنياتي لك بالتوفيق :)

[طموح]

اخويه طموح .. لاتتردد في اكمال الدراسه خاصه اذا كان عندك فراغ ووقت جيد يسمح لك بمواصلة الدراسه

الدراسة مب صعبه بس تبي منك الوقت وتنظيم الوقت والمتابعه اول بأول

وانصحك تكمل بالتخصص اللي تميل له وتحس انه يحقق لك طموحاتك واي شي اخر حاضرين :)

هلا بسعادة المدير ...

شو التخصصات اللي في الكلية ...وهل يوجد نظام الدراسة لسنتين ولا بس سنة دراسة وبعدين الرسالة ...

ومشكور مقدما

[إمبراطور القانون]

انا كنت موظف بالنيابة العامة ... ودرست وكملت دراستي والحين الحمدلله تخرجت ... وهو مب شرط اني ادرس الفرع لاني اشتغل بالنياااااااابة ... يمكن ما أكمل وهاللي حاصل طبعا انا بطلع منهم في الايام القادمة الترقيات استوت صعبة شوي ....


وانا من النووووووع احب المدني واااااااااااااااااااااايد وبنفس الوقت احب العقووباات
فما اعرف

[بنوته قانونيه]

اللي تشوف فيه الخير توكل ع الله واختاره والله يوفقك يارب في خدمه البلاد الغاليه

[وكيل النيابه]

شوف ميولك اخوي
وبتوفيق مقدمـا

[روح القانون]

الاستاذة روح القانون ...عتبي عليك كبييييير ...

رقم العضوية 2 .. والمشاركات لم تتجاوز ال80 مشاركة !!!!

ثانيا هل باب التسجيل لازال مفتوح في الاكاديمية لدراسة الماجستير ... بعدين انا من خريجي اكاديمية شرطة دبي وحاصل على مرتبة الشرف والحمد لله ..لكن مخوفيني الي التحقوا وكملو الدراسات العليا في الاكاديمية .. يعني يقولون يزوعونك دم ويادوب تحصل جيد ...

والرسالة عذاب في عذاب ..وانا شخصيا اخوي هناك وهو ما شاء الله عليه متميز وخلص الدبلوم العالي لكنه يشكي لي من الدكاترة من ناحية التصحيح .

ودي اكمل حاس بفراااااااغ ...

السموحة اخوي (طموح) تأخرت في الرد وياريت تعذرني وبقية الأعضاء على مشاركاتي القليلة في الفترة الحالية

بخصوص الدراسة في الكلية نصيحة كملو لسببين :
الأول : الحين شهادة الماجستير جنها بكالوريوس في سوق العمل الغالبية عندهم اياها، ف لازم ما تكون أقل عن غيرك، لكن مافي اختيارات جدامك غير أكاديمية دبي وجامعة الامارات (أو السوربون طبعاً وغالية وتتطلب لغة فرنسية)، وللأسف جامعة الامارات ماعندهم قانون خاص، السنة الي طافت فتحو الشعبه وسجلت وحصلت عمري بروحي وسكروها ههههه .. يعني مافي دبلوم خاص غير في دبي << ميزة طبعاً

الثاني : الدراسة في مرحلة الدبلوم بأكاديمية دبي زينة وبتستفيد وااااايد لكن التصحيح الله المستعان (جرب حظك) هههه ، وعن الرسالة وااااااايد ناس قالولي إنها تهون مقارنة بالدبلوم، يعني ان شاءالله أمرها هين لكن لا تختار مشرف زائر عشان ما تتأخر فيها.
ماشاءالله هالشهر واحد خذ امتياز على رسالته (تخص موضوع الإغراق..) يعني تفاءلوا وتوكلوا على الله

[عقد القانون]

دامك تحب المدني واااااااااااااااااايد توكل وخذ فرع القانون الخاص^^

بالتوفيج ان شاء الله ..

اسمحلي انقل الموضوع للقسم المناسب..

[had1]

انا احس الخاص احسن خاصة القانون المدني لانه اسهل في اختيار رسالة الماجستير

[bepositive]

الموضوع مسكر من 9 سنين وياي الحين ترد :d

[Nobel]

السلام عليكم و رحمة الله
عليكي اولآ بلإستخارة
اعتقد ان القانون العام هو المستقبل ، و هايكون له أولويات كثيرة في الأمور الحياتية القادمة بلأخص ان القانون العام بيجعلك تفكري دائمآ خارج الصندوق و ربي يوفقك في إختيارك

[عاشقة الخيل]

توكل على الله وكمل الماجستير عشان اتشجع لأني خريجة قانون سنة 2014 وماشي أي تحديث على المعلومات عندي وكم مره فكرة أكمل بس للين اليوم مترددة أحس إني نسيت كل اللي درسته للأسف.