احباط ><

[فنتكـ]

السلام عليكم ورحمة الله وبركاته ..

شحالكم ! عساكم بخير ..

هاي اول مشاركه لي هني

انا في جامعة الامارات وتخصصيه قانون .. بس محد ابدا مشجعني انا حابة القانون بس محصله احباط من كل حد :(

وانا نفسي خايفه اني اتندم عقب وان الماده اتكون دسمه وصعبه


ابى تعطوني فكره عن التخصص والدراسه والمنهج واذا سهل ولا صعب

عندي اسبوع عشان ابدل التخصص وانا حابتنه ومتروعه منه ><

[دبلومآسية]

وعليكم السلام ورحمة الله وبركآته
هلا فيج حبوبه

بصراحه ذكرتيني بحالتي يوم خلصت الثانويه وقررت ادخل قانون
حبيبتي دامج انتي حبه هالتخصص اتوكلي على الله ولا تهتمين لكلام الناس
والحين ماكو شي سهل لازم اتحصلين اشوي صعوبه والقانون ما اقولج سهل سهل وااايد
يبغيله الواحد يشد حيله و صح انه فيه حفظ وااايد بس بعد لازم تفهمين ااول شي عسب
تقدرين تحفظين
وبالنسبه للمنهج و الخطه الدراسيه الخاصه بجامعة الامارات ما عرفها ان شاء الله
اللي يدرسون بجامعة الامارات بيفيدونج

وارد وقولج دامج حابه هالتخصص اتوكلي ع الله وشدي حيلج
واذا احتجتي شي بدراستج نحن كلنا بالمنتدى ما راح انقصر وياج وبنساعدج
وربي يوفقج ان شاء الله

والسموحه منج

[طموح]

من العنوان احباط ..

القانون راح يفيدش بامور حياتش الخاصة وفي امور كثيرة راح تنفتحين عليها وتفهمينها في هاي الحياة ..

عموما صلي استخارة ..

[محمد ابراهيم البادي]

الدنيا اسمها روح القانون
والقانون اساس كل مادة تدرس
وبما ان المنتدى قانوني ، و اكبر عدد من اعضاءه قانونيين
واعتقد لو بغيت اي شي محد بيقصر عليج

وان شاء الله ما تكون مشاركتج الاولى معانا
واهلا وسهلا بج في منتدى قانون الامارات

[سعيد مرزوق]

أنا أقولج خلي عندج شخصية قوية تفكر وتبحث وتصل لنتيجه وتقرر مصيرها ومستقبلها
فإن كنتي تحبين القانون ولستي مجبرة على الخوض في هذا التخصص فتأكدي بنك سوف تبدعين ، أما إذا كنتي مترددة أو ان احد ما أقنعك في ذلك أو لانها تدرس باللغة العربية فانصحك بعدم الدخول .
ولا يوجد في تخصصات الجامعة ما هو سهل كما لا يوجد ما هو صعب فالأمر يعتمد عليك في المقام الأول فإن كنتي مهملة صعب عليكِ التخصص وإن كنتي مجدة ومجتهدة ومثابرة سلهة علية التخصص

وإن اخترتي القانون ضعي هدفك من الأن واسألي نفسك ، ماذا تريدين أن تصلي إليهِ من دراستك للقانون ؟
مستشارة قانونية
باحثة قانونية
محققة
عضوالنيابة العامة( وكيل نيابة)
قاضية
محامية
مصلحة إجتماعية ( الإرشاد الأسري)
كاتبة عدل
أخصائية شؤون قانونية ......الخ
وأسعي لتحقيقة
موفقة بإذن الله

[عبق الحياة]

السلام عليكم
مرحبابج أختي بكليتنا و جامعتنا
و أنتي وحخذه من الدفعه المحظوظه اللي شملها تغيير الخطه للأفضل
و القانون ?يـَ? جامعتنا مختلف عن كل الجامعات
تخصص القانون ?يـَ? جامعه الإمارات يشمل اللغتين الانجليزيه و العربيه يعني بتحتاجين شهاده الايلتس بمعدل 5 على م?ـَّاٌَ اعتقد بالنشبه لكم. و تكون دراسه التخصص ?يـَ? 5 سنين تقريبا شامله للتدريبين الداخلي و الخارجي

و بعد أقلج أنتي وحده من المحظوظين لأن انتقلنا للدراسه ?يـَ? الحرم الجامعي الجديد يعني م?ـَّاٌَ راح تتعبين تدورين بين الكلاسات لأن صار عندنا مبنى خاص و كل مواد الكليه فيه

هذا غير المرفقات الثانيه. من مول و مكتبات و قاعات دراسه و قاعات كمبيوتر و الحرم اللي مزود بالكامل بشبكه انترنت غاليه التغطيه


بِــ??سّ أهم شي تكونين مقتنعه اقتناع كامل بالتخصص و متخذتنه منهج لج و هدف مستقبلي
لأن جي بتشوفين ان المواد حلوه و سلسه و تتناسب مع شخصيتج

أما لو كنتي مجبوره ع الاختيار
و مو حابه التخصص. فنصيحتي لج انج تغيرين الكليه


و نصيحه لا تسمعين كلام الناس عن ان الماده الفلانيه صعبه أو سهله أو الدكتور الفلاني عسر أو يعطي تقاذير
لأنج بتتعبين وأيد من كلام الناس


و أخيرا تبين أي مساعده راسليني ع الخاص
و أنا مستعده أوديج مكان مكان بالجامعه

[فنتكـ]

أختي دبلوماسية مشكورة حبيبتي ع التشجيع والحفوز انا قارية الخظة الدراسية بس في خاطري اتصفح المنهج واقرا شي منه ..

طموح دايما الوالده اتقولي اصلي الاستخارة في القانون لانه هي اكثر وحده مش مشعجتني وان شاء الله اني بصلي ..

اخوي محمد البادي مشكور وان شاء الله ماتكون مشاركتيه الاخيرة وانا حبيت المنتدى لاني احب السوالف القانونية ..

اخوي سعيد مرزوق مشكور ع هالكلام والتحفيز الجميل .. صراحه انا مب النوع المجد وايد >< بس اذا حبيت الشي ابدع فيه وانا مش حابة اوصل لوكيلة نيابة او قاضية .. حابة المحاماه بس مجتمعنا يخليني اشل الفكرة من بالي حتى الاستشارة القانونيه عايبتني ..


أختي عبق الحياة انا الحمدلله يبت الايلس 5 ومخلصة الugru الحمدلله بس باقلي مادة .. يعني لازم اخذ اللحين ثلاث مواد فكرت اني اخذ مدخل القانون كأول ماده عشان اخذ فكرة .. بس صدق التخصص يباله 5 سنييين .. !!!!!!!
ومن ناحية مغصوبه لا انا حابة التخصص بس مب محصلة تشجيع والمباني اليداد احس بتفتح نفسنا حق الدراسه وتحفزنا وتريحنا من المشي ..
وانا اذا ترومين تساعدينيه ابى اشووف الكتب واخذ فكرة عن المنهج والدراسه ..

ومشكورين كلكم ع الكلام الحلو والتشجيع وانا شاء الله بصلي الاستخارة وانشووف وين خيرتنا ..

[عبق الحياة]

خلاص اختيه
سجلي مدخل العلوم القانونيه و اعتقد بيكون ويا الدكتور نوري خاطر
و سجلي تاريخ التشريع الاسلامي و الماده الثالثه دوري لج ثقافه مثل فكر اسلامي او مجتمع الامارات او فيزياء او احياء في عندج مجموعه كبيره ترومين تختارين منها

و بالنسبه للكتب فانتو اخر ناس بيسلمونكم الكتب اظن ع تاريخ 9 اكتوبر بس الاساتده بيراوونكم المنهج
او انطريني الاسبوع الياي بييب الكتب من البيت و بعطيج تقلبين فيهن


و شرات ما قلت لج اي مساعده كلميني ع الخاص

و السموحه تاخرت بالرد عليج

[shoeib elmasry]

لا تقلق وتوكلى على الله
وباذن الله اى استفسار او مساعده الاخوه موجودين
بالتوفيق وربنا يهديك لما فيه الخير لكى

[روح القانون]

المشكلة الوحيدة في دراسة القانون عندنا هي أنه باللغة العربية بس ، والجهات الحكومية تفضل الي عنده إلمام باللغة الانجليزية
لكن بما ان النظام تغير وصار باللغتين أنصحج ماتروحين غير كلية القانون، بتفيدج في حياتج أكثر من شغلج

والدراسة تعتمد عالطالب .. توكلي على الله وماراح تندمين

[بنوته قانونيه]

الكل كان يخوفنا ويقول لازم تحفظون القران كامل عشان تدخلون شريعه وقانون ههههههههه

حبوبه القانون حلو وخفيف وله مستقبل وتوكلي ع الله وصلي الاستخاره والخيره فيما اختاره الله

وماعليج من حد لو انتي متاكده من قرارج وانا دخلت القانون شراتج كلنا متخوفين بس عقب حبيناه

الله يوفقج يا رب

[عبق الحياة]

المشكلة الوحيدة في دراسة القانون عندنا هي أنه باللغة العربية بس ، والجهات الحكومية تفضل الي عنده إلمام باللغة الانجليزية
لكن بما ان النظام تغير وصار باللغتين أنصحج ماتروحين غير كلية القانون، بتفيدج في حياتج أكثر من شغلج

والدراسة تعتمد عالطالب .. توكلي على الله وماراح تندمين



السلام عليك اخوي

الدراسه بجامعه الامارات

و كليتنا اعتمادها الاول تاسيس الانجليزي و بالاضافه الى العربي

و النظام صار الاعتماد على الجانب العملي

يعني كل ماده قانونيه نشاط الطالب فيها يكون عملي و فمحكمه الجامعه

و عليه 20 درجه

[فنتكـ]

shoeib elmasry (http://theuaelaw.com/vb/member.php?u=3426) مشكوور اخوي

روح القانون مشكوور اخوي واذا ع الانكليزي نقدر ناخذ دورات عقب واصلا مدخلين عنا كمن مادة بالانكليزي

[فنتكـ]

بنوته قانونيه (http://theuaelaw.com/vb/member.php?u=2984) .. هيه لين اللحين ربيعاتيه وهليه يقولوليه لازم تحفظين القرآن كامل ووايد حفظ -_- .. يبونيه مادخله بأي طريقة بس خلاص اليوم سجلت والاحد بتبدأ كلاساتي ان شاء الله .. ومشكوره ع هالكلام الطيب

عبق الحياة (http://theuaelaw.com/vb/member.php?u=317) .. انا بنت .. واذا في شغلات عمليه حلو بيكون في متعه فالدراسه ومشكوره

[فنتكـ]

ابى حد يعطينيه فكره .. في حفظ وايد !! وكم سنه تقريبا تاخذ الدراسه !! واحتاي اني اشتري لاب من عندهم !!


ومشكورين الشيوخ

[عبق الحياة]

في حفظ و في فهم و انتي بتنسيقج للمعلومات تقدرين تحولين الحفظ لفهم
اما بخصوص السنوات
فهاي ترجع لج انتي من ناحيه عدد المساقات المسجله بس ما بيزيد عن 6 سنين ان شاء الله


لا ما يحتاي تاخذين لاب من عندهم لان قيمته عاليه و هو مش مطلب اساسي لكليتنا
بس تحتاجين لاب عشان تجيكين ع الواجبات و الايميل و يساعدج فالمذاكره

انا بكره ان شاء الله بيكون عندي ارشاد من الساعه 3-5

اي خدمه انا موجوده فمبنى الكليه

[عبق الحياة]

السلام عليكم أختي فنتك ممكن تتعرفين على كليه القانون أكثر من البرنامج التعريفي.
في إرشاد لكلية القانون. ?يـَ? مبنى المطاعم الطابق الأول