استشاره عاجله من فضلكم

[Amregypt]

السلام عليكم

المشكلة أنى كنت فى ابو ظبى أواخر سنه 2010

كنت رايح بعقد عمل المهم مستريحتش مع اللى كنت معاه فقولتلو انا عايز ارجع مرداش المهم خد باسبورى معاه ورجع مصر .. المهم فضلت أتكلم معاه مكنش راضى ..

روحت العمل والعمال ورفعت شكوى ضده بانهاء عقدى ورد جواز السفر .. الكفيل جه الوزاره وكنت اول مره اشوفو ( الكفيل ورق بس لكن المصرى معاه ورقه انه هو المتصرف )وهو هناك تعهد بانهاء مشكلتى بعد أسبوع ومضى ومشينا الأسبوع فات والراجل اللى فى مصر قالى اخبط رأسك فى الحيطه .. المهم رجعت العمل والعمال قالولى ارفع قضيه برد جواز السفر . رفعت قضيه وخت ورقه ضد الكفيل وضد المصرى وطلع حكم ضد المنشأة واخرون
المهم روحت المديرية وسجلتها ثم مركز الشرطه الظابط كلم الكفيل المهم الكفيل قالى اصبر يومين وفعلا الباسبور جه ورجعت لكن مكنسلتش ...
المهم الراجل المصرى لما طلع عمل فيه شكوى أنى سرقته .. بعدها معرفش سحب الشكوى ولا مسحبهاش لكنه فضل يجدد الاقامه بتاعتى كل سنه لمده 2 سنتين ويدفع التأمين عشان معرفش اخش غير عليه هو ..

المهم بقى الشكوى اللى عاملها فيا ده اعمل ايه هى سقطت ولا مسقتطتش وده كده مش شكوى كيدية ...
موضوع انه يجدد الاقامه والتأمين ده . ازاى وانا مش موجود

هل اسافر بالأوراق اللى كانت معايا وأثبت ولا اعمل ايه .... الشكوى اتعملت فيا بعد شهر او شهرين من نزولى ... فى فبراير او مارس 2011

ملحوظة انا مش ماضى على اى ورق ليه ولا فيه عجز ولا فيه تبديد ده كان محل موبيل وهو عمل شكوى أنى سرقت موبيل ونزلت ...

ايه رأى حضراتكم

[محمد ابراهيم البادي]

الواضح من السؤال ان هناك بلاغ سرقة هاتف ضدك
فمعنى ذلك ان هناك تعميم عليك
ومجرد دخولك الدولة سيتم القاء القبض عليك وتحويلك الى جهة الطلب

[Amregypt]

لكنه بلاغ كيدى .. فماذا افعل

حضرتك انا كنت رافع قضيه عليه ازاى يعملى تعميم ..

[Amregypt]

حضرتك انا دخلت على

داءره القضاء فى استفسر
لقيت مكتوب تتيح هذه الخدمه للأفراد للبحث فى حاله الأفراد فى النيابة العامة ( يوجد بلاغ) اى يوجد عليه طلب للنيابة ...

انا شيكت بالرقم الموحد بتاعى طلع ( لا يوجد بلاغ )

كده مفيش حاجه والراجل كان بيخوفنى ؟؟؟؟

[علي الراعي]

الأخ الكريم
بعد التحية
ممكن تكون فيه قضية ولكنها لا تظهر على السيستم لأنها قديمة ،
إلا انه بوجه عام تسقط الدعوى الجزائية بمضي خمس سنوات من آخر إجراء ،
ومن ثم فإنه إذا لا قدر الله تم القبض عليك وانت داخل الدولة فإنها ستقضي بانقضاء الدعوى الجزائية بمضي خمس سنوات وذلك لأن الشكوى من عام 2011 وحتى اللآن 2017 ست سنوات كاملة .
وبالله التوفيق