ام بسام
08-02-2010, 01:50 PM
"خايف منك ياالدايز" مثل قديم متداول في بلد المغرب ومعناته خايف منك يا الي مار ،وقصته إنه كان في أرنب وأسد بس كان بينهم واد ،بس الأرنب كان خايف وينادي على الأسد"خايف منك يا الدايز ..خايف منك يا الدايز" الأسد إستغرب انته كيف خايف مني وأنا ماأقدر أسبح وأوصلك ،قاله الأرنب لأ تقدر تقدر ،فرد الأسد بثقه ياخي ماأقدر ارتاح ،فرد عليه الأرنب لا تقدر وكمل وقال تقدر تاخذ الخشب الي حذالك وتعبر بيه الواد وتوصلي،والأسد طبعا ماكذب خبر وعبر بالخشب الواد ،وأكل المرحوم الأرنب.
وهذا هو حال بعضنا الحين يقول الي خايف منه للي خايف منه أو يعلمه شو يقوله في حال إنه سوى شي ويبى يجدب أو يخترع قصه على أخينا بخصوصه !! أذكر قصه ريال متجنس وإخوانه لا ..وكل مره يقولهم أنا عارف إنتوا شو يتسوولي ياخوفي من الي بتسووه وهم كانوا في حيره ويجاوبهم ولاحتى سألوه ياخوفي تتيمعون كلكم علي واتسيرون تشتكون علي عشان يسحبون مني الجواز يا خوفي والله يا خوفي !!وفي مره طفروا أخوانه منه وحاولوا يخترعوا قصه عشان يسحبون من أخوهم الجنسيه بس مافلحوا الحمدلله ..وقصتي أنا بعد قبل ..مايحتاي أقول الله يستر على خيبتي التقيله:(...و الحين أشوف الي يخبر الطرف الثاني اهني بطريقه ثانيه بأنه يكتب لك إسمه بالكامل أوتفاصيل قصته وشو بسوي وشو ناوي يسوي وفي إحتمال كبير انه الطرف الي مشتكي عليه أو خايف يسوي له شي ممكن يقرا الي يكتيه ،في حين انه السائل ممكن يكتفي انه يكتب كنيه مثلا ويذكر تفاصيل قليله والحمدلله اهني الأعضاء منهم الملمين ويكتفون بتفاصيل قليله فيستفيد الجميع مب لازم يذكر الشخص تفاصيل تعرفه عن شخصه فيتخذ الآخر اجراءاته أو ممسك عليه فيصير حاله مثله مثل حال خايف منك يا الدايز ،ويلا اشرايكم;)
وهذا هو حال بعضنا الحين يقول الي خايف منه للي خايف منه أو يعلمه شو يقوله في حال إنه سوى شي ويبى يجدب أو يخترع قصه على أخينا بخصوصه !! أذكر قصه ريال متجنس وإخوانه لا ..وكل مره يقولهم أنا عارف إنتوا شو يتسوولي ياخوفي من الي بتسووه وهم كانوا في حيره ويجاوبهم ولاحتى سألوه ياخوفي تتيمعون كلكم علي واتسيرون تشتكون علي عشان يسحبون مني الجواز يا خوفي والله يا خوفي !!وفي مره طفروا أخوانه منه وحاولوا يخترعوا قصه عشان يسحبون من أخوهم الجنسيه بس مافلحوا الحمدلله ..وقصتي أنا بعد قبل ..مايحتاي أقول الله يستر على خيبتي التقيله:(...و الحين أشوف الي يخبر الطرف الثاني اهني بطريقه ثانيه بأنه يكتب لك إسمه بالكامل أوتفاصيل قصته وشو بسوي وشو ناوي يسوي وفي إحتمال كبير انه الطرف الي مشتكي عليه أو خايف يسوي له شي ممكن يقرا الي يكتيه ،في حين انه السائل ممكن يكتفي انه يكتب كنيه مثلا ويذكر تفاصيل قليله والحمدلله اهني الأعضاء منهم الملمين ويكتفون بتفاصيل قليله فيستفيد الجميع مب لازم يذكر الشخص تفاصيل تعرفه عن شخصه فيتخذ الآخر اجراءاته أو ممسك عليه فيصير حاله مثله مثل حال خايف منك يا الدايز ،ويلا اشرايكم;)