الرجاء الافادة عن مشكلتي مع كفيلي للأهمية جزاكم الله خير

[حمدي الرفاعي]

سلام عليكم بتاريخ شهر 03/2015 استدعاني صاحب العمل وقالي انه تم الاستغناء عن خدماتي وهذا بالظبط بعد 3 شهور من بداية عقدي معه وكتب ورقعه على الكومبيوتر اقرار بالللغه العربيه بانه تم الاستغناء عن خدماتي واني استلمت جميع مستحقاتي وتذاكر وخلافه وانه لايحق لي المطالبه باي شيء امام اي جهه حكوميه وغير حكوميه ةةقعت على ذلك على الرغم من انني لم اخذ شيء ثم رجعت علاقتة العمل طبيعة ولكن بدون بصمة دخول وخروج حيث ان عقد العمل المهنة به بائع ولكن عرض العمل كان مدير فرع وهي الوظيفة الاساسية ولكن رقاني الى مدير عمليات هذا كله وعقد عملي ماذال بائع حتى اليوم وعقدي معه غير محدد المدة وساعات العمل 12 ساعة رغم ان عقد العمل 9 ساعات وأصبح عملي معه هو البحث عن مواقع جديدة للأفرع في الامارات ومصر وأراد مني أن أذهب لكوريا الجنوبيه وذهبت مرتين كان يريد أن يفتح سوبر ماركت إسلامي في كوريا الجنوبيه وسافرت لمصر عدة مرات ايضا للبحث عن أماكن ومواقع لفروع ولكن من تاريخ توقيعي له على الإقرار الذي قمت بشرحه أعلاه لم يعد يعطيني راتبي تحويل على بطاقة الصراف وأصبح يعطيني راتبي كاش ويعطيني فقط مصاريف 200 أو 300 أو 500 بحد أقصى كل شهر وكمان في بعض السفريات الخاصه بالبحث عن مواقع عمل كانت على حسابي الشخصي ودائما كان يتححج بحجة متقلقش فلوسك عندي في الحفظ والصون وحقك محفوظ سجل عندك ومتقلقش كله هعطيك ايه مره واحده وقبل إنتهاء مدة الإقامة بيومين طلبت حقي بإصرار وقلت له أنا عايز أكنسل وبهذا أكملت معه سنتين إلا يومين بحسب الإقامه والغريب أنه في الأول تجاوب معي وقالي حقك أوكية حاضر وخلاني جالس في المكتب للساعه 12:30 ظهرا وفي النهاية خرج المندوب وبحجة وراه مشوار وقلت له طيب انا اعمل ايه سابني وراح وصاحب الشغل قالي موضوعك مع المندوب مفهمتش حاجه المهم طلعت من عندهم المندوب ركب سيارته بسرعه راح ركبت سيارتي حسيت في شيء مش طبيعي كلمت العمل والعمال واعطيتها رقم جوازي للإستعلام لقيته وأنا قاعد معاه عمل فيا شكوى هروب قلتلها اعمل ايه قالت اعمل طلب سحب بلاغ هروب وعمل شكوى عماليه بمستحقاتك من تاريخ توقيعك للورقه اللي قلت لها عنها وعملت فعلا كده ورحت له علشان مش عايز مشاكل قلت له عايز زي مادخلنا بالمعروف نخرج بالمعروف ملهاش لازمه اللي عملته ولا المشاكل انا عايز حقي قالي مالك حق عندنا واحنا مبلغين عندك انت هارب من تاريخ توقيعك للورقه بتاريخ شهر 03/2015 قالته ازاي انا شغال معاك الفتره دي كلها وبسافر على حسابي كتير ومش باخد راتب منك صارلي 20 شهر بتعطيني مصاريف قالي حبيبي انت هربان من تاريخ توقيعك الورقه ولا ليك بصمة ولا توقيع عندنا انت علاقتك مع العمل والعمال والهجرة والجوازات والجهات الحكوميه مالك حق ولا فلوس عندي ولو سمعت لا تكلمني تاني ولا تجي تاني ولا ترسل لي رسايل موضوعك مع الجهات الحكوميه وخلي القانون يجيبلك حقك . أنا بقى أعمل ايه دلوقتي سألت في تسهيل قالي لازم هتأخد حرمان سنه من البلد أو يمكن تاخذ حرمان دائم لانك مش هتعرف تثبت حضورك لاني مفيش بصمه ولا في توقيع واكيد الموظفين راح يخافوا يشهدوا معاك قلت له ايوه قالي خلاص هتاخذ حرمان اكيد ده كلام تسهيل بس كده ظلم أعمل ايه علشان حقوقي دي كلها واعمل ايه علشان ميجيش حرمان الحين انا قعدت مع الباحثه القانوني في مكتب العمل بشأن سحب بلاغ الهروب وقالت ليا مش هتسحبه غير لما اتنازل عن الشكوى العماليه شكوى المستحقات تقدر تفتح شكوى الهروب وبالتالي قالت ليها لاء انا عايز مستحقاتي قالت خلاص شكوى الهروب والتعميم شغاله ومفيش سحب بلاغ هروب الا بعد الانتهاء من الشكوى العماليه وحسيت بجد انها بتطغط عليا في وجود مندوب الشركة علشان اتنازل عن مستحقاتي ومندوب الشركه فتح ظرف وخرج منه ورقة خروجي ودخولي البلد وقال عليا ده هربان من تاريخ الاقرار هذا وشوفي خروجه ودخوله البلد وخارج البلد قالت لي كنت فين اخر مره بحسب الخروج هذا قلتلها كنت في مصر شو تسوي قلت لها بدور على مواقع ليهم علشان عايزين يفتحوا هناك قالت يعني ماراح تتنازل عن شكوتك قلت لاء قالت ان زين خلاص روح خذ موعد وجلس المندوب 12 دقيقه عنده بعد انا خرجت وعندما خرج نظر لي يضحك بشدة وذهب وبعدها جاتني رسالة تاني عن موعد لشكوى الهروب فكرتها رسالة شكوى المستحقات منتبهتش لرقم الشكوى وبعد يومين بفتح الرسالة لقيتها شكوى الهروب رحت اليوم واخذت موعد لشكوى المستحقات العماليه بتاعتي ولكن بعد مفيش موعد غير بعد موعد شكوى الهروب مره ثانيه رغم ان الباحثة القانونيه قالت شكوى سحب بلاغ الهروب موقفه لين تخلص شكوى المستحقات ( أنا حكيت بالتفصيل جدا جدا علشان بجد عايز اعرف اعمل ايه ) وكمان عرفت من تسهيل ان صاحب العمل بياخذ بعد يومين موافقة مكتب العمل ومن غير موافقة مكتب العمل هو اساسا يقدر يبلغ عني هروب في الهجرة وعرفت ان كل يوم بيعد فلوس لو غرامة عليه يوميه مش عارف ياريت حد يقولي اعمل ايه هل استمر في الشكوى العماليه وهل سأخذ حقي ويريت حد يوجهني إزاي وأعمل ايه ويقولي أعمل ايه مش عارف بجد حاسس ان موضوعي معقد كده وصعب وحاسس إني بتضلم وبتذل ومش عارف أعمل ايه الحمد لله ربي يسترها لتوجيهاتكم الكريمة شكرا جزيلا ومسبقا على إهتمامك وسرعة إسجابتكمة كل التحية والتقدير

[علي الراعي]

الأخ الكريم
موضوعك به حلقة مفقودة ،
ولا سيما موضوع الشفر إلى كوريا ومصر على حسابك الخاص ، بالرغم من أنك لا تحصل على الراتب ، فكيف كنت منفق على هذه السفريات وهي مكلفة بالفعل ، وكيف كنت تنفق هنا بالدولة ( انت تتحدث عن 20 شهر ليست بفترة قليلة ) .
ولكن بوجه عام يمكنك إثبات علاقة العمل بأى دليل من أدلة الإثبات ، ومنها شهادة الشهود أو إيميلات أو مراسلات خلال فترة تواجدك بالخارج ، ويمكن طلب سماع شهود داخل الدولة،
وفى حالة إثباتك أنك كنت تعمل كل هذه الفترة فإن بلاغ الهروب سيكون من اليسير الإنتهاء منه .
ومن ثم فالموضوع بيدك
يجب إثبات عملك خلال 20 شهر سابقة .
وبالله التوفيق