Sakoon
12-11-2016, 07:47 AM
عندي مشكلة ظلم صارت لي يوم كنت قاصر. يوم كان عمري 14 او 15 سنة تقريباً كان عندي تلفون خاص اهلي عطوني اياه واتصل بي واحد بالغلط ورديت عليه وحاول يكلمني يتصل بي دايماً لين ما كلمته وعقب فتره رن فوني وياني رقم غريب طلع واحد بعد، اخويه رد ع الفون و من عقبها شل الفون عني. وعقب فتره دخلت 16 سنة واتعرفت على وحده ف المدرسه، عمرها 15 سنة كانت عفاناالله مول مب زينه كذا مره يتني قالت عطيني رقم شباب بعطيج 100 درهم ما سويتلها سالفه عقب فتره يت عندي قالت لي ها اترمسين فلان ولد فلان انصعقت قلتلها كيف عرفتيه هذا شي جديم وخلاص، طبعاً كيف صار هذا كله انا خبرته في اي فريج انا ساكنه واظن هي قالت له انها ف نفس فريجنا و سألها عني قالت هيه اعرفها عقب فتره عزمتني ع بيتهم وقالت لي تعالي بيتنا وعقب بنطلع بنسير حديقة الفريج. وسرت بيتهم وسرنا حديقة الفريج وتاليها هي اونها تبا اتسويلي مفاجئة زقرت الي كنت ارمسه قبل مع العلم هي خبرتني قبل انها بتزقرا بس عبالي انها تمزح. وتم الولد يمشي عدالي وانا خايفه اشرد منه ومغطيه ويهي وابا ارجع بيتهم بأي طريقه ما عندي فون حزتها متوهقه عقب حضروا شلة شباب زخو الولد سألوه البنت قوم امنو قالهم بنت فالان وفلان طبعاً اربيعتي خبرته اسمي والله اعلم شو غيره، وشباب الفريج يعرفون اخواني عدل اتصلوا ف اخويه يه وشلاه وداه المركز ويه اخويه الثاني خذاني وداني المركز محد سمعني ولا حتى سألوني شو الموضوع بس الي سألوني اتعرفيه قلت لهم هيه و كتبوني تعهد. تعهد شو ما ادري لين اليوم. بس ابا اعرف شو هذا التعهد؟ له مده؟ يأثر ع حيآتي؟ اسمي موجود ف السستم؟ابا شرح مفصل متعقده من هذا الموضوع الجديم