طلبة القانون اريد استشاره

[mznh.alt]

السلام عليكم بغيت اخذ رايكم ف المساقات في كلية القانون ف جامعة الامارات
كبداية خلصة خمس مواد و الحين بسجل للكورس الياي
الي يقدري يفيدني ف المساقات السهله الي اقدر اخذها و عند من لو كنتوا من جامعة الامارات ... ؟


😁✋🏼

[mznh.alt]

سبحان الله محد درس قانون ابدا ��

[HumaidAls]

شو المواد اللي خذتيها هالكورس؟

[بنت كلية القانون]

خبرينا شو خذتي عسب نفيدج

سجلي المواد الي فالبداية
ونصيحة سجلي بترتيب الخطة الدراسية

[خلـود السعدي]

ههههههه ؛
وعليكم السلام ورحمة الله وبركاته ~
شو الخمس موآد اللي خلصتيهن لحد الحين ؟

[mznh.alt]

خلصت ثقافة اسلامية طبعا هاي ثقافه
تاريخ التشريع الاسلامي
مدخل القانون
قانون دستور
Asp لاغراض التخصص

[عبدالله الركن]

وعليكم السلام ورحمة الله وبركاته

أقترح عليك إضافة المساقات التالية للفصل القادم: ١- الالتزامات ١ ٢- القانون الإداري ٣- اللغة الإنجليزية لأغراض التخصص ١ ٣-الإحصاء في العالم الحديث ٤- مادة ثقافة ثانية ٥- الحدود في الفقه الإسلامي ٦- إحدى مساقات التخصص الاختيارية.
ويمكنك الاقتصار على خمس مواد إذا أردتِ.
أرجو لك كل التوفيق

تحياتي

[خلـود السعدي]

طبعاً ما قصر الأخ ذكرلج المواد اللي تنفتح الكورس الياي واللي ترومين تآخذينهم
بس نصيحه خذي 5 الحينه دامج في البداية وتدريجياً ابدي خذي 6

وبالنسبة لو تبين تآخذين مساق إختياري من خطتنا أنصحج ( بعلاقات دولية في الإسلام )


والله يوفقنا ويوفقكم .

[AL LEADER]

الاخ عبدالله ما قصر وعندي اضافة بسيطه وهي لازم يكون في توازن في المساقات اي في درجة الصعوبه او بمعنى اخر دسامة المساق و انا افضل خمس مساقات للكورس ولازم تهتمين بالمساقات اللي تفتح مساقات ثانيه عسبت تكون مساحه الاختيار اكبر


و بالتوووفيق

[عمران اللوغاني]

وعليكم السلام ورحمة الله ... يُفضل أخذ المساقات اللي تفتح مساقات ثانية، مثل عقوبات ( 1 ) عشان بفتح عقوبات عام 2 أو عقوبات خاص 1 ..... ومثل مصادر الالتزام الإرادية (1) وغيره من المواد اللي تفتح مساقات كثيرة.

من وجهة نظري يُفضل :-
1 - قانون العقوبات العام ( 1 )
2 - مصادر الالتزام الإرادية ( 1 )
3 - مبادئ قانون التجاري
4 - لغة انجليزي لأغراض التخصص
5 - مادة أختياري الكلية أو الجامعة

وخمس مواد فبداية المشوار أفضل من ست مواد ، علماً أنا ف جامعة الشارجة، ف ماعرف المساقات اللي ف جامعة الإمارات لكن تقريباً كلهم مثل الشيء.

تقبلوا مروري ~!